Ռուբիկ Ստեփանյան

Ստեփանյան. «Եթե «Հոկտեմբերի 27»-ը կազմակերպված էր, ուրեմն արմատները շատ խորն են»

768
(Թարմացված է 22:33 26.10.2019)
Հոկտեմբերի 27-ը դաս եղավ, որպեսզի պահպանենք հույժ կարևոր օբյեկտները, պետական ծառայողներին, կառավարության անդամներին:

ԱԺ «Լուսավոր Հայաստան» խմբակցության պատգամավոր Ռուբիկ Ստեփանյանը Sputnik Արմենիայի հետ զրույցում անդրադարձել է 1999թ.-ի հոկտեմբերի 27-ին իրականացված ահաբեկչությանը և նշել, որ անվտանգությունն ապահովել են հատուկ ծառայությունները, եղել են նաև ոստիկանության ստորաբաժանումներ, որոնք նորմալ իրականացրել են իրենց ծառայությունը, սակայն հայտնի չէ, թե խնդիրը որտեղից է ծագել: 

«Չեմ կարող ասել, թե ոստիկանները թերացել են, չնայած` ոմանք դատվեցին: Եթե հոկտեմբերի 27-ի հանցագործությունը կազմակերպված էր, ուրեմն արմատները շատ խորն են: Մտել են, բոլորին պառկեցրել։ Նրանք ահաբեկիչներ են և իրականացրել են կանխամտածված ու երկար մշակված հանցագործություն: Չեմ բացառում, որ նրանց ուղղորդել են ինչ-որ մարդիկ»,- նշել է ԱԺ պատգամավորը:

Ռուբիկ Ստեփանյանի կարծիքով՝ Հոկտեմբերի 27-ը դաս եղավ, որպեսզի պահպանենք հույժ կարևոր օբյեկտները, պետական ծառայողներին, կառավարության անդամներին: Ծառայությունն այնպիսին է, որ նրանց պահպանելն ուղղակիորեն մտնում է իրավապահների պարտականությունների մեջ: Կարևոր է նաև, որ յուրաքանչյուր պաշտոնյա լինի զգոն. նրա կողքին պետք է լինեն վստահելի անձինք: Լավ թիկնապահը որոշվում է ոչ թե մարմնի չափերով, այլ զենքին տիրապետելու և ցանկացած իրավիճակում արագ կողմնորոշվելու հատկությամբ: 

«Այսօր ԱԺ մուտք գործող բոլոր անձանց ստուգում են, անցակետը տեխնիկապես հագեցած է, կարծում եմ` պահպանությունը նորմալ է կազմակերպվում: Այդուհանդերձ, զգոնությունը պետք է ամեն վայրկյան բարձր լինի, որովհետև ահաբեկիչները կարող են հարաբերական հանգիստն օգտագործել չար նպատակով: Չի բացառվում, որ կարող են ներսում համախոհներ ունենալ»,- ասել է Ռուբիկ Ստեփանյանը: 

«Հոկտեմբերի 27»-ի գործով դատապարտված Նաիրի Հունանյանն ուզում է դուրս գալ բանտից

ԱԺ պատգամավորի համոզմամբ՝ ուժային կառույցների ղեկավարները պետք է լինեն փորձառու, ունենան համապատասխան կրթություն և աշխատանքային պրակտիկա: Ընդ որում, ըստ նրա`էական չէ՝ մարդը համակարգից է, թե քաղաքացիական անձ է:      

768
թեգերը:
Ռուբիկ Ստեփանյան, ՀՀ Ազգային ժողով, Պատգամավոր, ՀՀ կառավարություն, Հոկտեմբերի 27
թեմա:
«Հոկտեմբերի 27». ահաբեկչություն, դատավարություն (25)
Ըստ թեմայի
«Եթե Նաիրի Հունանյանն ասելիք ունի...». Անդրանիկ Քոչարյանը խոսել է «Հոկտեմբերի 27»-ի մասին
Նաիրի Հունանյանի համար կա մի քանի սցենար. նախարար
Հոկտեմբերի 27–ից հետո Մանվել Գրիգորյանն ուզում էր պատժել Ռոբերտ Քոչարյանին

sys_stories