Սանդիկով. «Սիմվոլիկ է, որ Հայաստանում ծնված ռուսը պատերազմում բարձր կոչում է ստացել»
(Թարմացված է 18:30 21.10.2019)
Լոռու մարզի Լերմոնտովո համայնքի դպրոցը մարզպետ Անդրեյ Ղուկասյանի՝ հոկտեմբերի 15-ի որոշմամբ` այսուհետ կկրի Հայրենական մեծ պատերազմի մասնակից, ԽՍՀՄ հերոս Եֆիմ Ուդալցովի անունը:Սանդիկով. «Շատ սիմվոլիկ է, որ Հայաստանում ծնված ռուսը մեկնել է պատերազմ և բարձր կոչման արժանացել»
Դպրոցի անվանակոչության, հերոսի անունը հայրենակիցներին վերադարձնելու նախաձեռնության հեղինակ՝ ԱԺ պատգամավոր, «Իմ քայլը» խմբակցության անդամ Ալեքսեյ Սանդիկովը Sputnik Արմենիայի հետ զրույցում պատմեց պատմական արդարության վերականգնման այս մտահղացման մասին:
«Դպրոցի անվանակոչման գաղափարին եկանք գյուղի բնակչության, համայնքապետի, դպրոցի ղեկավարության հետ իմ առաջին հանդիպմանը: Երբ առաջարկեցի, դպրոցն անվանակոչել Միխայիլ Լերմոնտովի պատվին, ինչը, սիմվոլիկ կլիներ, իրենք հանդիպակաց առաջարկություն արեցին, որ գյուղում ծնված-մեծացած, Թբիլիսիում կրթություն ստացած, և Հայրենական մեծ պատերազմում հերոսի կոչում ստացած Եֆիմ Ուդալցովի հուշաքարը դպրոցի բակում կա»,-նշեց պատգամավորը:
Ալեքսեյ Սանդիկովի խոսքով՝ հուշաքարը բավականին անխնամ վիճակում էր, բայց Լերմոնտովոյի բնակչության առաջարկությանն ինքը շարունակություն է հաղորդել, դիմել Լոռու մարզի ղեկավարությանը, ներկայացրել հերոսի կենսագրական տվյալները, որ մեր զրուցակցի համար էլ, ինչպես նկատեց, մեծ բացահայտումներով էր լի:
«Պարզվում է`Թբիլիսիում ժամանակին թիվ 11 դպրոցն էր անվանակոչված Ուդալցովի պատվին, որն այժմ նրա անունը չի կրում: Եվ ես կրկնակի զգացողություն ունեցա և պատմական արդարությունը վերականգնելու գաղափարից դրդված, ավելի հաստատակամ այդ նախագիծը տարա: Եվ բոլորովին վերջերս, հոկտեմբերի 15-ին արդեն հրապարակվել է դպրոցի անվանակոչման վերաբերյալ Լոռու մարզպետի որոշումը, հիմա փաստաթղթավորման գործընթացն է արվում»,- ասաց Սանդիկովը:
Լերմոնտովոյի դպրոցն արդեն անվանակոչված է, բայց հանդիսավոր արարողությունները նախատեսված են եկող տարի:
«Դպրոցի անվանակոչման, դպրոցում Եֆիմ Ուդալցովի թանգարանի ստեղծման, հուշաքարի վերանորոգման աշխատանքներն ավարտելուն պես, նախատեսում ենք հաջորդ տարի, մարտի 6-ին, երբ լրանա ԽՍՀՄ Հերոսի կոչում ստանալու 75-ամյակը, նաև Մեծ հայրենականի 75-ամյակի կապակցությամբ, բոլոր տոնական միջոցառումների շարքում, մեծ շուքով նշել նաև Լերմոնտովոյի դպրոցի անվանակոչումը»,-ասաց Սանդիկովը։
Ըստ նրա՝ շատ սիմվոլիկ է, որ Հայաստանում ծնված ազգությամբ ռուս մարդը մեկնել է Հայրենական մեծ պատերազմի դաշտ և նման բարձր կոչման արժանացել:
թեգերը:
Ի՞նչ անել, որ ՀՀ մշտական բնակչությունը չդառնա 2.5 մլն
Մարկոսյան. «Բազմազավակ ընտանիքների համար ավելի կարևոր է երկարաժամկետ կտրվածքով դրամական աջակցությունը»
Արտակ Մարկոսյանի դիտարկմամբ` բազմազավակ ընտանիքներին ցուցաբերվող աջակցությունը դեռ համակարգված չէ, նախկինում եղել են և այսօր էլ կիրառվում են սոցաջակցության ծրագրեր, որոնք միտված են բազմազավակ ընտանիքներին օգնելուն, բայց կոնկրետ օրենք և հստակ միջոցառումների հայեցակարգ դեռ չկա։
«Բնականաբար գործում են մինչև 18 տարեկան երեխաներին մատուցվող անվճար առողջապահական ծառայությունները, բայց կոնկրետ բազմազավակ ընտանիքների համար կան առաջնահերթ խնդիրներ, ու թեև երեխայի ծնվելիս ընտանիքը ստանում է խնամքի նպաստ, սակայն ավելի կարևոր է երկար ժամանակահատվածի համար ամսական դրամական աջակցության տրամադրումը»,– նշեց նախարարության ԿՍԱԳՀ խորհրդականը։
Մարկոսյանի կարծիքով` պարզապես այլընտրանք չկա, որովհետև միայն բազմազավակությանը միտված ծրագրերով կարող ենք լուծել ժողովրդագրական խնդիրները։ Ըստ նրա`մենք, ցավոք, գտնվում ենք ժողովրդագրական փոսում և կանխատեսումների համաձայն` մեզ սպասում է դեպոպուլյացիա, սակայն իրավունք չունենք ցույց տալու այդ դեպոպուլյացիան, քանի որ մինչ օրս ՀՀ մշտական բնակչությունը չի նվազել ավելի շատ այն պատճառով, որ ունեցել ենք բնակչության բնական աճ։
«Մեր բնական աճը նախորդ տարիներին եղել է դրական, հետևաբար պետք է թույլ չտանք, որ բնական աճը փոխակերպվի բացասականով, որովհետև այդ դեպքում մշտական թվաքանակը կլինի ոչ թե 2 միլիոն 963 հազար, այլ մոտ 2 միլիոն 500 հազար։ Այդ պարագայում մեր վիճակն ավելի վատ կլիներ»,– նշեց նախարարության ԿՍԱԳՀ խորհրդականը։
Մարկոսյանի համոզմամբ` բոլոր ծրագրերը պետք է միտված լինեն նրան, որ ընտանիքների համար ստեղծեն բարեկեցիկ պայմաններ, որպեսզի երեխա ունենալը բեռ չդառնա։ Ըստ այդմ` ընտանիքները պետք է նախապես ունենան հստակ ամրագրված սոցիալական երաշխիքներ։
Ուզում եմ` էլ չկրակեն ու տուն վերադառնանք. Մկրտչյանների բազմազավակ ընտանիքի ոդիսականը
Տեղեկացնենք, որ շրջանառվող օրինագծի համաձայն` Հայաստանում պաշտոնապես բազմազավակ կճանաչվեն 4 և ավելի երեխաներ ունեցող ընտանիքները։
Առաջարկվող օրենքը նախատեսում է դրամական աջակցություն, առողջության ապահովագրություն, բնակարանային պայմանների բարելավման աջակցություն, բնակարանի կամ ապաստանի տրամադրում, կրթության վճարի փոխհատուցում, պատմական և մշակութային կենտրոններ այցելությունների վճարի փոխհատուցում, աշխատող բազմազավակ ծնողներին ամենամյա լրացուցիչ արձակուրդի տրամադրում:
Պաշտոնական խողովակով որևէ հրավերք չենք ստացել. Աբովյանը հերքո՞ւմ է Լիլիթ Մակունցի ասածները
(Թարմացված է 11:31 05.03.2021)
«Բարգավաճ Հայաստան» խմբակցության քարտուղար Արման Աբովյանը Sputnik Արմենիայի եթերում խոսել է Նիկոլ Փաշինյանի կողմից Գագիկ Ծառուկյանին ուղարկված հանդիպման հրավերի և արտահերթ խորհրդարանական ընտրությունների վերաբերյալ քննարկումների մասին։Հրավերք չի՞ եղել. Աբովյանը պարզաբանում է Մակունցի ասածները
Ես` որպես «Բարգավաճ Հայաստան» խմբակցության քարտուղար, ոչ մի պաշտոնական փաստաթուղթ չեմ ստացել։ Sputnik Արմենիայի հետ զրույցում ասաց Արման Աբովյանը` մեկնաբանելով «Իմ քայլը» խմբակցության ղեկավար Լիլիթ Մակունցի այն հայտարարությունը, թե Նիկոլ Փաշինյանը Գագիկ Ծառուկյանին հանդիպման հրավեր է ուղարկել։
Նրա խոսքով` ԲՀԿ-ում դեռևս չեն քննարկել ներքաղաքական իրավիճակն ու արտահերթ ընտրությունների անցկացման հարցը։
©
Photo : official site of the MoD of RA
«Դեռևս քննարկում չենք ունեցել։ Առաջիկայում անպայման քննարկում կունենանք։ Մոտավոր ժամկետներ չեմ կարող ասել»,- նշեց Աբովյանը։
Հիշեցնենք, որ այսօր` մարտի 4-ին, «Իմ քայլը» խմբակցության ղեկավար Լիլիթ Մակունցը լրագրողների հետ զրույցում հայտնել էր, որ ՀՀ վարչապետ Նիկոլ Փաշինյանը ԲՀԿ ղեկավար Գագիկ Ծառուկյանին հանդիպելու հրավեր է ուղարկել։
Փաշինյանն ավելի վաղ հայտել էր, որ հանդիպումներ է ունենալու խորհրդարանական ընդդիմադիր ուժերի հետ` արտահերթ խորհրդարանական ընտրություններ անցկացնելու հարցը քննարկելու համար։ Արդեն իսկ կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։
Գերեվարված զինծառայողների ծնողները կրկին փակել են Շիրակի մարզպետարանի մուտքը
ԵՐԵՎԱՆ, 5 մարտի – Sputnik. Շիրակի մարզի գերեվարված զինվորների ծնողներն այսօր կրկին փակել են մարզպետարանի մուտքը: Sputnik Արմենիայի Գյումրու թղթակիցը հաղորդում է, որ գերեվարվածների ծնողները թույլ չեն տվել, որ որևէ աշխատակից ներս մտնի:
Նրանք, սակայն, հրաժարվում են պատասխանել լրագրողների հարցերին: Նշում են, որ լուսաբանման ենթակա ասելիք այս պահին չունեն:
Նմանատիպ ակցիա ծնողները կազմակերպել էին նաև մարտի 3-ին և ասել, որ նոր հանդիպում են պահանջում ՀՀ վարչապետ Նիկոլ Փաշինյանի հետ և վերջնական ու հստակ պատասխան, թե երբ են իրենց որդիները վերադառնալու:
Մարտի 3-ին, սակայն, նրանք աշխատակիցների ելումուտը չէին արգելել: