ՍԴ–ի և ՍԴ նախագահի շուրջ ծավալվող բոլոր այս գործընթացները իրավական և բարոյական նորմերի խախտում են։ Sputnik Արմենիային այս մասին ասել է քաղաքագետ Ստեփան Դանիելյանը։
«Գործող իշխանությունը չի թաքցնում, որ ինքը պատրաստ է ցանկացած գործողությունների, որպեսզի ՍԴ կազմը փոխվի, և առաջին հերթին նախագահը փոխվի»,–ասել է Դանիելյանը։
Դանիելյանը նշում է՝ իշխանությունն իր նպատակներին հասնելու համար ոչ մի միջոցից չի խորշում․ ԱԺ իշխող խմբակցության անդամները, ըստ էության, պատերազմ են հայտարարել և վերջին բառերով են արտահայտվում ՍԴ անդամների հանդեպ։
«Նպատակը մեկն է՝ Նիկոլ Փաշինյանը, ունենալով խորհրդարանի բացարձակ մեծամասնությունը, ունենալով գործադիր իշխանությունը, ԱԱԾ-ն, ոստիկանությունը, ցանակնում է նաև ՍԴ-ն իրեն ենթարկել։ ՍԴ-ն գրավելուց հետո սա լինելու է բացարձակ իշխանություն, իսկ թե ինչի համար է գործի դրվելու այդ իշխանությունը՝ անհասկանալի է․ ըստ երևույթին, ինչ–որ ծրագրեր ունեն։ Սա բռնատիրական կարգեր հաստատելու ուղի է»,-ասել է Դանիելյանը։
Հրայր Թովմասյանի հորն ու դուստրերին ԱԱԾ են կանչել
Ըստ քաղաքագետի՝ շատ հետաքրքիր է, որ իրավապաշտպան կազմակերպությունները, դեսպանատները, միջազգային հանրությունը բացարձակ անտարբեր են նման երևույթներին․ սա շատ մտահոգիչ երևույթ է։ Իսկ միջազգային կառույցները պարտավոր են արձագանքել այս ամենին, որովհետև դա մտնում է իր մանդատի մեջ․ պետք է հայտարություններ լինեին։
