Ներդրումների հիմնական աղբյուրը օտարերկրայա ուղղակի ներդրումներն են, քանի որ մեր տնտեսությունը չի կարող թռիչքային աճ ապահովող ներդրումներ գրանցել ներքին ներդրումների հաշվին։ Sputnik Արմենիային այս մասին ասաց տնտեսագետ Թադևոս Ավետիսյանը` միաժամանակ նշելով, որ օտարերկրյա ուղղակի ներդրումներն այս տարվա առաջին 6 ամիսների ընթացքում նվազել են մոտ 60 մլն դոլարով կամ 30 միլիարդ դրամով։
Իսկ ի՞նչ պետք է անել, որ ներդրումներն ավելանան։ Տնտեսագետը նշում է երկու հիմնական գործոն` ներդրումային ռիսկ և շահութաբերության մակարդակ։ Ցանկացած ներդրում կատարող հաշվում է ռիսկերը և շահութաբերության մակարդակը։
Նրա խոսքով` եթե դիտարկենք, թե ինչ է արվել այս երկու ուղղությամբ, ապա կտեսնենք, որ ներդումային ռիսկը չի կրճատվել, որովհետև փաստեր չկան։
«Իսկ շահութաբերության մակարդակն էլ կախված է շուկայի պահանջարկից, իսկ մեզ մոտ շուկաների ընդլայնումը տեղի չի ունեցել կոնկրետ ոլորտներում»,–ասաց նա։
Պղնձի ու ադամանդի արտահանումը նվազել է, փոխարենը նոր շուկաներ են նվաճում գինին ու շոկոլադը
Տնտեսագետի խոսքով` ներդրումային ռիսկը նաև քաղաքական կոմպոնենտ ունի․ քաղաքական անկայունությունը և աշխարհաքաղաքական խնդիրներն ազդում և բարձրացնում են ներդրումային ռիսկերը մեր երկրում, հատկապես օտարերկրյա ներդրումների մասով։
Ավետիսյանի կարծիքով՝ կառավարությունը պետք է շատ կոնկրետ ծրագրեր իրականացնի` միաժամանակ թիրախավորելով այս երկու ուղղությունները։ Միևնույն ժամանակ, կառավարության ջանքերը պետք է լինեն հետևողական և էական, քանի որ կան բազմաթիվ լուրջ խնդիրներ։
Զարգացում ապահովող բյուջե. կառավարությունը որոշել է փող փնտրել ոչ թե դրսում, այլ ներսում
