Թադևոս Ավետիսյան

Ավետիսյան․ «Տնտեսական ռիսկը բարձրացել է` նաև քաղաքական գործոնով պայմանավորված»

43
(Թարմացված է 17:27 11.10.2019)
Տնտեսագետ Թադևոս Ավետիսյանը Sputnik Արմենիայի հետ զրույցում անդրադարձել է վարչապետի հայտարարությանը, որ ՀԴՄ կտրոնների հարցում տնտեսվարողներն ընդառաջ չեն գնում իշխանություններին։

ՀԴՄ կտրոնների մասին խոսակցություններն ավելի շատ հանրության վրա տպավորություն գործելու մանիպուլյատիվ ազդեցություն ունեն, քան իրական ընթացքը հասկանալու։ Այս մասին Sputnik Արմենիայի հետ զրույցում ասաց տնտեսագետ Թադևոս Ավետիսյանը։ 

Ըստ տնտեսագետի՝ կարևորը մակրոտնտեսական ցուցանիշներն են`տնտեսական ակտիվության ցուցանիշ, ներդրումային ցուցանիշ։ Մեր երկրում նախորդ տարվա համեմատ օտարերկրյա ներդրումները նվազել են 30 մլրդ դրամով։

«Պետք է հասկանալ, թե ինչու չեն գալիս օտարերկրյա ներդրումները։ Ակնհայտ է, որ բարձրացել է տնտեսական ռիսկը` նաև քաղաքական գործոնով պայմանավորված։ Նման շոկային իրավիճակում տնտեսությունը չի կարող կայուն զարգանալ․ դա հակացուցված է»,-նշեց Թադևոսյանը։

Ցանկացած անկայունություն, անորոշություն տնտեսական ռիսկի է վերածվում և ներդրում անողները հաշվի են առնում այդ ամենը։ Անընդհատ ասել, որ հարկային մուտքերն ավելանում են, կտրոններն ավելանում են` դրանով ներդրումային մուտքեր հնարավոր չէ ապահովել։ 

Նոր ասոցիացիա. այն կզարգացնի հայ-ռուսական բիզնես կապերը

Տնտեսագետը նաև նշեց, որ ՀԴՄ կտրոնների բարձր արդյունքը հիմնականում փոքր և միջին բիզնեսն է ապահովում։ Այսինքն` ստացվում է, որ ստվերային պայքարը փոքր և միջին բիզնեսի շուրջ է ընթանում։ Ստվերի դեմ պայքարողները հնարավոր բոլոր ձևերով սլաքներն ուղղում են դեպի փոքր և միջին բիզնես, որտեղ առանց այն էլ բարձր են տնտեսական ռիսկերը, նաև տնտեսական գործունեությունը  դադարեցնելու վտանգը։

Աղջիկներն ինքնատիպ իրեր են պատրաստում Կողբում. և՛ փող են աշխատում, և՛ սովորեցնում

Հիշեցնենք` վարչապետը Փաշինյանը հայտարարել էր, որ կառավարության ջանքերին ընդառաջ` բիզնեսն առայժմ նույնիսկ կես քայլ չի անում։ Ըստ վարչապետի` անկախության տոնին Գյումրիում 10 մլն դրամի առևտուր է եղել, բայց ՀԴՄ կտրոնների թիվը չի փոխվել։

Չնայած դրան, վարչապետը նշում է, որ 2019 թ-ի 10 ամիսներին, նախորդ տարվա նույն ժամանակահատվածի համեմատ, Հայաստանում  85 մլն ավելի ՀԴՄ կտրոն է տպվել։

Ինչ գաղափարի շուրջ կարելի է համախմբել Ռուսաստանի և աշխարհի բոլոր հայերին` գիտի Սինանյանը

Սա, ըստ վարչապետի` նշանակում է, որ դրական դինամիկա, այնուամենայնիվ կա։ Մնում է` փոփոխություն լինի նաև մարդկանց գիտակցության մեջ։

43
թեգերը:
բիզնես, տնտեսագետ, Թադևոս Ավետիսյան, Հայաստան
Ըստ թեմայի
«Բիզնեսի դիալեկտիկա». որո՞նք են «երկար պոչերը» բիզնեսի պրոդուկտային պորտֆելում
DigiTec–ում ցուցադրեցին հայկական նոր դրոնները, որոնք ոչ միայն հետևում են, այլև հարվածում
Հայաստանը կարողանում է նվիրել. ինչպես են հնդիկները ArMath–ի օգնությամբ ինժեներիա սովորելու
Մխիթարյան. «Սիլիկոնյան հովիտը միայն պետության աշխատանքի արդյունքը չէ»

sys_stories