Արմեն Մելքոնյան

Մելքոնյան. «Սիրիայում թուրքական զինուժի ներխուժումից հետո իրավիճակը խիստ վտանգավոր է»

84
(Թարմացված է 20:58 10.10.2019)
Կամիշլիի մի հատվածը գտնվում է կառավարական ուժերի վերահսկողության տակ: Այն թաղամասերը, որտեղ ապրում են հայերը, համեմատաբար անվտանգ է։

ՀՀ ԱԳՆ-ի Միջին արևելքի և Աֆրիկայի վարչության պետ Արմեն Մելքոնյանը Sputnik Արմենիայի հետ զրույցում անդրադարձել է սիրիական հակամարտության վերջին զարգացումներին, մասնավորապես, թուրքական զինված ստորաբաժանումների ներխուժմանն այդ երկիր ու տեղի հայ բնակչության ճակատագրին:  

Մելքոնյանի կարծիքով՝ թուրքական ներխուժման և անվտանգության գոտու ստեղծման ծրագրով առաջացած իրավիճակը խիստ մտահոգիչ է ու վտանգավոր Սիրայի ու տարածաշրջանի համար: Ներխուժումը միջազգային իրավունքի և նորմերի կոպտագույն խախտում է, ոտնձգություն Սիրիայի ինքնիշխանության նկատմամբ և սպառնալիք` խաղաղ բնակչության ֆիզիկական գոյությանը: Դա կարող է մարդկության համար նոր աղետի պատճառ դառնալ:

Հայերին տարհանել են Սիրիայի Թել Աբյադից. անհրաժեշտության դեպքում նրանց կտեղափոխեն Հայաստան

«Եվ ամենակարևորն այն է, որ թուրքական ներխուժումը վտանգում է սիրիական խնդրի կարգավորման միջազգային ջանքերը: Ստեղծված իրավիճակում խոցելի է հատկապես ազգային փոքրամասնությունների, մասնավորապես, հայերի վիճակը: Հիմնական խնդիրը Կամիշլին է, թեև տեղում արդեն տարհանման հարց չկա: Կամիշլիի մի հատվածը գտնվում է կառավարական ուժերի վերահսկողության տակ: Այն թաղամասերը, որտեղ ապրում են հայերը, համեմատաբար անվտանգ է»,- նշում է Արմեն Մելիքյանը:

Հայաստանը կանգնած է Սիրիայի հայերի կողքին. Զարեհ Սինանյանի հայտարարությունը

Եթե անհրաժեշտություն առաջանա, Դամասկոսում ՀՀ դեսպանությունն ու Հալեպում ՀՀ գլխավոր հյուպատոսությունը տեղի հայկական համայնքի հետ համագործակցելով՝ պատրաստ են կազմակերպել տարհանումը, ընդունել հայ ընտանիքներին՝ ապահովելով կենցաղային անհրաժեշտ պայմաններով, իսկ եթե լինեն ցանկացողներ, նաև կապահովվի նրանց տեղափոխումը Հայաստան:

84
թեգերը:
Արմեն Մելքոնյան, հայեր, Հայաստան, Սիրիա, Թուրքիա
Ըստ թեմայի
Հայաստանը դատապարտում է Սիրիայի հյուսիս-արևելքում Թուրքիայի ռազմական ներխուժումը
ՀՀ կառավարությունը դռնփակ ռեժիմով կքննարկի Սիրիայում ստեղծված վիճակն ու ՀՀ դիրքորոշումը
Սիրիայի, Լիբանանի ու Իրաքի դեսպանատները կշարունակեն հայկական անձնագրեր տրամադրել
Հայաստանը Սիրիայի հայերի անվտանգությունն ապահովելու հնարավոր տարբերակներ է քննարկում
Թուրքական բանակը հարվածներ է հասցրել Սիրիայի հյուսիս–արևելքի «Մանսուրա» ամբարտակին

sys_stories