Տիգրան Աթանեսյան

Աթանեսյան. «Փաստաբանական պալատը ցանկանում է վերածվել բրգաձև հիմնարկի և սպասարկել մեկ անձի»

45
(Թարմացված է 17:20 10.10.2019)
Փաստաբան Տիգրան Աթանեսյանը Sputnik Արմենիայի հետ զրույցում անդրադարձել է Փաստաբանների պալատի նոր նախաձեռնությանը, որով նախատեսվում է փոփոխություններ մտցնել պալատի կանոնադրության և փաստաբանի վարքագծի կանոնագրքում։
Աթանեսյան. «Փաստաբանական պալատը ցանկանում է վերածվել բրգաձև հիմնարկի՝սպասարկելով մեկ մարդու»

Փոփոխությունների հիմնական նպատակը մեկն է՝ հեշտացնել կարգապահական վարույթները և արդեն «օրինական» հիմքով ճնշել փաստաբաններին՝ սպառնալով նրանց կարգապահական վարույթներով և, իհարկե, արտոնագրի գործողության դադարեցումով: Այս մասին Sputnik Արմենիայի հետ զրույցում ասաց փաստաբան Տիգրան Աթանեսյանը։

«Այն նպատակ ունի պալատը վերածել բրգաձև հիմնարկի, որը ենթարկվում է մեկ մարդու և սպասարկում  մեկ մարդու շահերը`ոչնչացնելով փաստաբանության բուն իմաստը»,–նշեց Աթանեսյանը։

Փաստաբանը մանրամասնում է` նախ արգելվում է այսուհետ պալատի ղեկավարի «վիրավորական» քննադատությունը։ Ավելացվել է «վիրավորական» բառը.

«Սահմանը քննադատության և վիրավորական քննադատության միջև շատ «խախուտ» է։ Մեր հարևան երկրներում փաստաբանությունն արդեն վերացված է։ Այն հնազանդեցված է գործադիրին։ Հիմա Հայաստանում էլ նման փորձ է արվում և մենք կիջնենք Ադրբեջանի և Թուրքիայի մակարդակին»,- նշեց փաստաբանը։ 

Երկրորդ հանգամանքը, որ առանձնացնում է Աթանեսյանը այն է, որ խստացվում են, այսպես կոչված, կարգապահական վարույթները, ինչը թույլ կտա անդամավճարը մի քանի անգամ ուշացրած կամ այդ տխրահռչակ վերապատրաստումներին չմասնակցող փաստաբաններին զրկել արտոնագրից, եթե տարվա մեջ այդ «խախտումը» կատարվի մի քանի անգամ:

«Բռնությունը կամ բռնության սպառնալիքն անթույլատրելի է». Արման Թաթոյան

Ըստ փաստաբանի՝ հաշվի առնելով երկրում վերջին զարգացումները՝ դատական անկախ իշխանության ոչնչացմանն ուղղված քաղաքականությունը, հասկանալի է, որ ցանկանում են ոչնչացնել նաև անկախ փաստաբանությունը և անկախ կարծիք ունեցող փաստաբաններին։  

«Ես նաև մտավախություն ունեմ, որ նման փոփոխությունները պայմանավորվածության արդյունք են․ մեր մի քանի փաստաբանի գործունեությունը դուր չի գալիս իշխանություններին․ մենք մեսիջներ ենք ստանում իշխանությունից, որ վատ ենք անում այն, ինչ անում ենք, օրինակ` այս փաստաբանի նման աշխատեք, այսինքն` ձայն չհանող փաստաբանի, դա ծիծաղելի է»,-ընդգծեց Աթանեսյանը։ 

Փաստաբանի խոսքով` դժվար է իրենց լռեցնել։ Ոչ նախկին իշխանությանն է դա հաջողվել, ոչ էլ` գործողին կհաջողվի։  

Աթանեսյանը փաստում է՝ փոփոխություններով հնարավորություն կտրվի պալատի փաստաբաններին զրկել արտոնագրից և դա բավարար է, որ մնացած 2000 փաստաբանները դառնան «սովետական հանգիստ փաստաբաններ»։ 

Աթանեսյան. «Մանիպուլյացիա է` իբր Ալեքսանդր Սարգսյանը հատուցել է Վլադիմիր Գասպարյանի վնասը»

Փաստաբան Աթանեսյանը նաև իրենց մասնագիտության նկատմամբ հարգանք տածող բոլոր արժանապատիվ փաստաբաններին կոչ է արել բոյկոտել պալատի ընդհանուր ժողովը, չվախենալ ահաբեկումներից ու  ճնշումներից  և պայքարել այդ փոփոխությունների դեմ։

45
թեգերը:
Տիգրան Աթանեսյան, փաստաբան, Հայաստան
Ըստ թեմայի
Եթե Գրիգորյանի հետ ինչ–որ բան պատահի, պատասխանատուն նախարար Թորոսյանն է լինելու. պաշտպան
«Սատանայի փաստաբան» Հրայր Թովմասյանը գնալու է Սերժ Սարգսյանի հետևից. Ալեն Սիմոնյան
Յուրի Խաչատուրովի փաստաբանը դատարանից նկատողություն ստացավ
«Դատարանի որոշումն անհիմն է, Գևորգյանի նախկին մեղադրանքն այլևս գոյություն չունի». պաշտպան
Արարատ Միրզոյան

Ինչո՞ւ կորոնավիրուսի տարածումը չկանխվեց. ՀՀ առողջապահության նախկին նախարարի կարծիքը

180
(Թարմացված է 18:00 05.06.2020)
ՀՀ առողջապահության նախկին նախարար Արարատ Մկրտչյանը Sputnik Արմենիայի եթերում հանգամանորեն անդրադարձել է նախարարության ներկայիս գործունեությանն ու կոնկրետ քայլերին, որոնք ուղղված են կորոնավիրուսի համավարակի տարածման դեմ և կրում են կանխարգելիչ բնույթ։
Մկրտչյան. «Համավարակի դեմ պատնեշներ ստեղծելն արդյունավետության առումով կարճատև միջոցառում է»

Արարատ Մկրտչյանի դիտարկմամբ` նախարարության գործողությունները յուրահատուկ չեն և չեն տարբերվել այլ երկրներում իրականացվող գործողություններից, և դրանք հիմնականում եղել են Առողջապահության համաշխարհային կազմակերպության կողմից վարակի հետ կապված տեղեկատվության վրա հիմնված քայլեր, այսինքն` սկզբում, ապրիլից սկսած բոլոր երկրներն ավելի մեղմ վերաբերմունք ցուցաբերեցին գնահատականներին, թե որքանով է համաճարակն իր մեջ վտանգներ պարունակում։

«Շատ գիտնականներ, գիտական կենտրոններ ու միջազգային կազմակերպություններ ամենայն մանրամասնությամբ տեղեկացված չէին, ինչը ԱՀԿ–ի հիմնական պրոբլեմն է, բայց կա նաև նոր համավարակի ճանաչողության հետ կապված լուրջ խնդիր։ Այդուհանդերձ ձեռնարկվող միջոցառումների հետ կապված քննադատությունների առնչությամբ կցանկանայի ժամանակը մի փոքր հետ պտտել ու նշել, որ մարդկության պատմության մեջ համաճարակներ շատ են եղել։ Նոր հարուցիչների դեպքում տարածման տեմպերը բավականին մեծ են լինում, և պետությունների կառավարությունների գործողությունները գնահատելիս տեսնում ենք, որ օդակաթիլային ճանապարհով տարածվող վարակների ժամանակ կառավարությունների գործողությունները շատ սահմանափակ են, որովհետև պատնեշներ ստեղծելը, մարդկանց ու ճանապարհներ փակելը արդյունավետության առումով կարճատև միջոցառումներն են»,– նշում է առողջապահության նախկին նախարարը։

«Հիվանդությունը կա, վիրուսը կա». ինչ է հորդորում կորոնավիրուսով վարակված տղամարդը

Մկրտչյանի կարծիքով` երկու խնդիր ունենք լուծելու. համավարակը կանխարգելել և մարդկանց բուժել։ Ըստ նրա` կանխարգելման գործիքները, որոնք պետության, նախարարության մակարդակով կիրառվում են, շատ սահմանափակ են հարուցիչի տարածումը արգելափակելու տեսանկյունից։ Իսկ գործընթացը բուժօգնության կազմակերպման տեսանկյունից, ըստ նրա, մասնագիտական բարձր մակարդակի վրա է` ի պատիվ բուժաշխատողների անձնուրաց աշխատանքի։

«Կանխարգելման խնդիրներն ավելի շատ վերաբերում են հանրությանը, մարդիկ ամենուր և անընդհատ պետք է կատարեն երեք պարզագույն քայլ` կրեն դիմակ, ախտահանեն ձեռքերն ու միմյանց միջև պահպանեն սոցիալական հեռավորություն։ Այդ առումով տարբեր ժամանակներում նկատվեց թուլացում, այնինչ անհրաժեշտ էր, օրինակ, հանրային սննդի փակ և բաց տարածքների վերաբացումն անել աստիճանաբար, նախ պետք է ստուգեին, հետո տային վերագործարկման թույլտվություն»,– նշում է առողջապահության նախկին նախարարը։

Մկրտչյանի գնահատմամբ` ավելի ճիշտ կլիներ, որ առաջին իսկ դեպքերի արձանագրման ժամանակ անհրաժեշտ քայլեր կատարվեին ամբողջ ծավալով պոլիկլինիկաների ընդգրկման ուղղությամբ, մինչդեռ դա արվեց ավելի ուշ։ Նրա կարծիքով` ՀՀ ողջ տարածքում կան հիվանդանոցներ, որոնք կիսադատարկ են, հետևաբար պետք չէ կենտրոնանալ Երևանի վրա, ուղղակի տարափոխիկ հիվանդությունների համաճարակի պայմաններում պետք է կոնցեպտը փոխել ու ցուցաբերել ավելի ժամանակակից մոտեցում, այսինքն` հնարավոր է հիվանդանոցներում ստեղծել առանձին մուտքեր և շատ արագ ձևավորել վերակենդանացման բաժանմունքներ, որոնք կարող են բուժօգնությունն իրականացնել բարձր մակարդակի վրա նաև Երևանի մերձակայքում գտնվող բուժհաստատություններում։

Հիշեցնենք` Հայաստանում կորոնավիրուսով վարակվածների թիվը վերջին մեկ օրում ավելացել է 596–ով և դարձել 11817։ Այս պահին փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է մահվան 183 դեպք։

Կորոնավիրուսը դեռ կարող է «անակնկալներ» մատուցել․ Մյասնիկով

180
թեմա:
Կորոնավիրուսը Հայաստանում և Արցախում
Ըստ թեմայի
Կորոնավիրուսից մահացածների տվյալների հրապարակման դեպքով քրեական գործ է հարուցվել
Թքած կորոնավիրուսի վրա. ոչ ոք չի ուզում դադարեցնել զինված հակամարտությունները
Համաճարակն ու Հայաստանը․ կորոնավիրուսը արագացնո՞ւմ է քաղաքական գործընթացները
Կորոնավիրուսի տարածման դինամիկան Հայաստանում
Ավետիք Իշխանյան

Հայաստանում քրգործերը հարուցվում են պատվերով և սարքովի են. Իշխանյանը`Մինասյանի գործի մասին

50
Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը Sputnik Արմենիայի եթերում անդրադարձել է Վերաքննիչ քրեական դատարանի վճռին։
Իշխանյան. «Հայաստանում քրեական գործերը հարուցվում են ուղղակի պատվերով, սարքովի են և համատարած»

Իրավապաշտպան Ավետիք Իշխանյանը կարծում է, որ չարժե շտապել ու մտածել, որ դատական ատյանները սկսել են իշխանությունների համար ոչ հաճո որոշումներ կայացնել,  որովհետև դրանք  կարող են տարբեր մոտիվացիաներ ունենալ։

Խոսքն այս պարագայում Վերաքննիչ քրեական դատարանի վճռի մասին է, որի համաձայն` դատական նշված ատյանը` նախագահությամբ դատավոր Սերգեյ Մարաբյանի, վերացրել է Սուրբ Աթոռում ՀՀ նախկին դեսպան Միքայել Մինասյանին կալանավորելու վերաբերյալ Երևան քաղաքի առաջին ատյանի ընդհանուր իրավասության դատարանի դատավոր Արտուշ Գաբրիելյանի որոշումը և գործն ուղարկել վերանայման։

«Ի վերջո պետք է հաշվի առնել այն հանգամանքը, որ թեև դատավորների մեծ մասը, նույնիսկ գերակշիռ մասը միշտ եղել է իշխանությունների կամակատար, սակայն որոշումներ կայացնելիս կրում է որոշակի պատասխանատվություն։ Ծանոթ լինելով մի քանի գործերի բովանդակությանը` կարող եմ ասել, որ քրեական գործերը հարուցվում են ուղղակի պատվերով, վարչապետը հանձնարարական է տալիս որոշ անձերի նկատմամբ գործեր հարուցել և քննչական մարմինները սկսում են պեղել ինչ–որ գործ հարուցելու համար։ Եթե նրանք ուշացնում են, նրանց սաստում են, որ հնարավորինս շուտ մի բան գտնեն»,–նշում է իրավապաշտպանը։

Ավետիք Իշխանյանը ենթադրում է, որ այդ գործերը, երբ մտնում են դատարան, նույնիսկ կախյալ դատավորները երկար մտածում են, թե ինչ որոշում կայացնեն, ու պատահական չէ, որ մինչև հիմա մենք որևէ գործով դատավճիռ չունենք։ Ընդ որում` խոսքը հաճախ վերաբերում է կալանման հետ կապված հարցերին։ Իրավապաշտպանի կարծիքով` կոնկրետ Միքայել Մինասյանին առնչվող գործն այնքան անհիմն է եղել, որ իր մասնագիտության նկատմամբ մի փոքր հարգանք ունեցող դատավորը, թեկուզ ճնշումների ներքո, ստիպված մերժում է, քանի որ նման սարքովի գործերը կրում են համատարած բնույթ։ Իսկ ՀՀ 2–րդ նախագահ Ռոբերտ Քոչարյանին Իզմիրլյան կենտրոնում թողնելու վճռի կապակցությամբ իրավապաշտպանը ձեռնպահ է մնում մեկնաբանություններից, քանի որ կալանքը փոխելու որոշում, ըստ նրա, որևէ կերպ չկայացվեց, և այս տարբերակը կարող է դիտվել որպես իշխանությունների կողմից ցուցաբերված փոխզիջում։ 

Միքայել Մինասյանի անվան հետ կապվող բիզնեսների բաժնեմասերը կալանքի տակ են

Նշենք, որ մայիսի 29–ին պարզ դարձավ, որ վարչական դատարանը բավարարել է ՀՀ երկրորդ նախագահ Ռոբերտ Քոչարյանի պաշտպան Արամ Օրբելյանի հայցադիմումը։ Ըստ այդմ՝ մինչև կորոնավիրուսի նոր տեսակի համավարակի ավարտը Ռ․ Քոչարյանը կշարունակի մնալ «Իզմիրլյան» ԲԿ-ում, որտեղ նա ստացիոնար բուժում է ստանում։

50
թեգերը:
Նիկոլ Փաշինյան, Դատարան, Դատավոր, դատ, Միքայել Մինասյան, Ռոբերտ Քոչարյան
Ըստ թեմայի
ՊՆ–ին փորձում են ներգրավել անորակ քաղաքական խաղերի մեջ. Բալայանը` Մինասյանի ասածի մասին
Դատարանը Ռոբերտ Քոչարյանի գործով ապացույցների փուլին անցնելու բոլոր հիմքերն ունի. դատախազ
Ռոբերտ Քոչարյանը դատի է տվել Քրեակատարողական ծառայությանը
Լիլիթ Մակունց. արխիվային լուսանկար

«Մեր պաշտոնը չենք օգտագործել բիզնեսներ հիմնելու ու խլելու համար»․ Մակունցը՝ Ծառուկյանին

15
(Թարմացված է 13:16 06.06.2020)
Լիլիթ Մակունցը վստահ է, որ որոշ մարդիկ կորոնավիրուսով պայմանավորված իրավիճակում փորձում են բարձրագոչ ելույթներ ունենալ, ներկայացնելով, իբր իրենք դա անում են «հանուն ժողովրդի ու պետության»։

ՐԵՎԱՆ, 6 հունիսի — Sputnik. ԱԺ «Իմ քայլը» խմբակցության ղեկավար Լիլիթ Մակունցը Facebook-ի իր էջում անդրադարձել է ԲՀԿ առաջնորդ Գագիկ Ծառուկյանի հայտարարություններին, դրանք որակելով «պատերազմական վիճակում դավադիր գործողություններ» պետության դեմ։

«Որոշ քաղաքական ուժերի մոտ այդպես էլ չի ստացվում ճիշտ քաղաքական հաշվարկ անել: Վարչապետի՝ կորոնավիրուսով վարակված լինելու հանգամանքի վրա բոլոր խաղադրույքները դնելը և կառավարող ուժի դեմ համավարակի պայմաններում կոնսոլիդացիայի կոչ անելը՝ քաղաքական ու անձնական մղումներին հագուրդ տալու նպատակով, նույնն է, ինչ պատերազմական վիճակում դավադիր գործողություններ ձեռնարկելը պետության դեմ»,-նշել է Մակունցը։

Նրա խոսքով՝ որոշ մարդիկ ստեղծված իրավիճակը փորձում են հրամցնել «երկրի մասին մտածողների, հանուն ժողովրդի ու պետության» բարձրագոչ ելույթներով:

«Այո՛, չունենք թալանի ու կոռուպցիայի մեջ թաթախված լինելու փորձ:Այո՛, չունենք ապարանքներ, և մեր պաշտոնը չենք օգտագործել բիզնեսներ հիմնելու ու խլելու համար: Այո՛, չենք կեղեքում ու չենք թալանում: Եվ, այո՛, հաղթահարելու ենք այս վիճակը»,-շեշտել է «Իմ քայլը» խմբակցության ղեկավարը:

Նա ափսոսում է, որ «Բարգավաճ Հայաստան» խմբակցության ղեկավարն իրեն դիտարկում է ոչ թե Հայաստանի իշխանությունների և քաղաքացիների հետ այս ծանր իրավիճակը հաղթահարողի դիրքում, այլ որպես մերժված, բայց վերականգնվել ցանկացող քաղաքական խմբերի մի մասնիկ:

Հիշեցնենք` երեկ ԲՀԿ առաջնորդ Գագիկ Ծառուկյանն ասել էր, որ իշխանության անդամների 100 տոկոսը պետք է փոխվի, քանի որ բոլոր ոլորտները ձախողված են։

Նրա խոսքով` կառավարությանը հնարավորություն էր տրված, որ կարողանար ժողովրդի սպասելիքներն իրականացնել, սակայն ոչինչ չի ստացվել։

Երեկ ՀՀ վարչապետ Նիկոլ Փաշինյանի խոսնակ Մանե Գևորգյանն արձագանքել էր «Բարգավաճ Հայաստան» կուսակցության նախագահ Գագիկ Ծառուկյանի հայտարարությանը։

Նա ասել էր, որ կարծում է` պարոն Ծառուկյանը պարզապես մտահոգված է մի շարք քրեական գործերի ընթացքով, որոնք վերաբերվում են փողերի լվացմանը, ընտրակաշառք բաժանելուն, հարկերից խուսափելուն, կոռուպցիային:

Նրա խոսքով՝ եթե Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է։

Նշենք`հունիսի 2-ին ՀՀ քննչական կոմիտեն հայտնել էր, որ «Երևանի Արարատ կոնյակի-գինու-օղու կոմբինատի» տնօրենին մեղադրանք է առաջադրել երկու հոդվածով` ապացույցները կեղծելու և գույքային վնաս պատճառելու համար։

Գագիկ Ծառուկյանին պատկանող ընկերության տնօրենին 2 հոդվածով մեղադրանք է առաջադրվել

15
թեգերը:
կորոնավիրուս, Գագիկ Ծառուկյան, Նիկոլ Փաշինյան, Լիլիթ Մակունց
Ըստ թեմայի
Ամեն ինչ թափվելու է անդունդը. Ծառուկյան
Ի՞նչ պատժամիջոցներ կկիրառվեն Ծառուկյանի նկատմամբ, եթե նա հրաժարվի վճարել աշխատակիցներին
«Մենք չենք կարծում, որ վեթինգի գործընթացը տապալվել է»․ Մակունց