Սուրեն Պարսյան

Պարսյան․ «Հայաստանում բիզնես սկսելու համար հանդիպում են Փաշինյանի կամ Ավինյանի հետ»

141
(Թարմացված է 14:04 09.10.2019)
Տնտեսագետ Սուրեն Պարսյանը Sputnik Արմենիայի թեթրում խոսել է հետհեղափոխական Հայաստանում ներդրումային քաղաքականության մասին։
Պարսյան․ «Հայստանում բիզնես սկսելու համար փորձում են հանդիպել Փաշինյանի կամ Ավինյանի հետ»

Օտարերկրյա կազմակերպությունները, որոնք գործում էին Հայաստանում, իրենց դիվիդենտները հանել են մեր երկրից։ Այս մասին Sputnik Արմենիայի հետ զրույցում ասաց տնտեսագետ Սուրեն Պարսյանը։

«Մոտ 30 միլիարդ դրամի չափով դիվիդենտներ են դուրս բերվել Հայաստանից, բացի այդ, նախորդ տարի 1, 3 միլիարդ դոլարի չափով արտահոսք է տեղի ունեցել. դա ազդեցություն է թողնում Հայաստանի բիզնես միջավայրի, բիսնես իմիջի վրա: Հայաստանը չի տալիս երաշխիքներ ներդողների համար ո՛չ բիզնես առումով, ո՛չ քաղաքական»,- ասաց Պարսյանը։

Նրա դիտարկմամբ` եթե տնտեսվարողները ցանկանում են Հայաստանում  գործունեություն ծավալել՝ փորձում են կամ Փաշինանի հետ հանդիպել կամ Ավինյանի գրասենյակ այցելել, քանի որ ուրիշ տարբերակ չունեն։

«Ներդրողները  հասկացել են, որ միայն այդպես կարող են երաշխիք ստանալ, ինչը բացասական ազդակ է բիզնեսի զարգացման համար: Երաշխիք պետք է տան պետական ինստիտուտները, ոչ թե անհատները»,- ասաց Պարսյանը։

 

Նա կարծում է, որ ներդրումային քաղաքականությունը, որն այսօր իրականացնում է պետությունը, մնացել է 2015-ի մակարդակում. նոր իշխանությունը նոր ռազմավարություն չի մշակել, օրենքները նույնն են։ Նրա խոսքով` ձեռքբերումներ ունենալու համար պետք է հին համակարգը փոխել, մինչդեռ ցանկություն չկա։

«Տեսլական, թիմ  չկա, իսկ սա լուրջ խնդիր է առաջացնում երկրում ներդրումային քաղաքականությունը զարգացնելու և խորացնելու ուղղությամբ»,-նշեց Պարսյանը:

Ըստ տնտեսագետի՝ ներդրողի համար կարևոր է ոչ միայն օրենսդրական դաշտը, հարկային արտոնությունները, այլ նաև կադրերի հարցը․ յուրաքանչյուր ներդրող այս կամ այն ծրագիր իրականացնելիս հաշվի է առնում նաև թե արդյոք տվյալ երկիրն ունի՞ անհրաժեշտ կադրային բազա։ 

«Ներդումներ-կրթություն-պետություն. սա փոխկապակցված համակարգ է, որտեղ մեծ անելիք ունի պետությունը։ Միայն «փայ չեմ մտնի», «ձեզ չեմ խանգարի» ասելով ներդրումներ չեն ապահովում։ Պետությունը լուրջ անելիքներ ունի․ պետք է կրթական դաշտը ապահովի, շուկաները համակարգի, քանի որ մենաշնորհ ունեցող ընկերությունները շարունակում են իրենց ազդեցություն ունենալ շուկայի վրա»,- ընդգծեց Պարսյանը։ 

Տնտեսագետը նշեց, որ խնդիրներ կան նաև հարկային դաշտում. հարկային օրենսդրությունն անընդհատ փոխվում է և օտար ներդրողները ստիպված են իրենց բիզնես պլանները նույնպես փոփոխել, ինչը ևս խոչընդոտ է, որպեսզի մարդիկ խուսափեն ներդրումներից։  

 

141
թեգերը:
բիզնես, Տիգրան Ավինյան, Նիկոլ Փաշինյան, Ներդրում, տնտեսագետ, Սուրեն Պարսյան, Հայաստան
Ըստ թեմայի
Մարգարյան. «Այնուամենայնիվ, մենաշնորհների որոշակի ճնշում կա տնտեսության վրա»
Փաշինյանը «Յանդեքսի» գլխավոր տնօրենի հետ քննարկել է ընկերության աշխատանքի հեռանկարները
«Հայաստանը կարող ենք դարձնել դրախտ տաղանդավոր մարդկանց համար». Փաշինյան
Սիրում եմ Հայաստանը. Իվոն Չուն պատրաստ է ներդրողներին անձամբ ուղեկցել Հայաստան
Борис Габриелян

Ինչո՞ւ է Սևանն այս տարի ավելի շուտ սկսել կանաչել. մասնագետը` լճի խնդիրների մասին

48
(Թարմացված է 22:19 02.06.2020)
Հիդրոէկոլոգիայի և ձկնաբանության ինստիտուտի տնօրեն Բարդուղ Գաբրիելյանը Sputnik Արմենիայի եթերում խոսել է Սևանա լճի էկոհամակարգին, ձկնապաշարներին առնչվող խնդիրների մասին և անդրադարձել լճի կանաչելու հարցին։
Գաբրիելյան. «Սևանա լիճն այս տարի կծաղկի ու կկանաչի ավելի ինտենսիվորեն` նախորդ տարվա համեմատ»

Բարդուղ Գաբրիելյանի փոխանցմամբ` այն, որ Սևանա լիճն այս տարի նույնպես կանաչելու է, նորություն չէ, քանի որ երբ նախորդ երկու տարիներին տեղի ունեցավ այդ պրոցեսը, ինստիտուտը ահազանգեց, որ այդ երևույթը կարող է խորանալ։ 

«Երբ ջրիմուռները մահանում են, նստում են լճի հատակին` ստեղծելով բարենպաստ պայմաններ, որպեսզի առաջանա օրգանական նյութի ավելցուկ, ինչն էլ խթանում է ծաղկման հետագա պրոցեսը։ Դրա ապացույցն այն է, որ այս տարի կանաչելու երևույթը սկսվել է հունիսին, մինչդեռ նախորդ երկու տարիներին լիճը սկսում էր կանաչել հուլիսին։ Մեր գիտնականներն արդեն իսկ գիտարշավ են անցկացրել լճի վրա ու նկատել ծաղկման վաղ շրջանը»,– նշում է Հիդրոէկոլոգիայի և ձկնաբանության ինստիտուտի տնօրենը։ 

Թեև Բարդուղ Գաբրիելյանը չի կարող ասել, թե Բնապահպանության նախարարությունն այս տարի ինչ քայլեր կձեռնարկի այդ ուղղությամբ, սակայն իրենք բազմիցս դիմել են գերատեսչությանը, որպեսզի կատարվեն հետևյալ հիմնական գործողությունները։ Ըստ այդմ` նախ պետք է հավուր պատշաճի իրականացվեն ջրավազանի մաքրման աշխատանքները, որպեսզի արգելափակվի կենսածին տարրերի հոսքը դեպի լիճ, իսկ դրա համար անհրաժեշտ է միջոցառումներ անցկացնել մաքրման կայաններում, որպեսզի մասնավորապես ազոտի և ֆոսֆորի մուտքը հնարավորինս նվազեցվի։ Մյուս կողմից պետք է ամեն ինչ անել, որպեսզի ջրի մակարդակը սկսի բարձրանալ, ինչը կկանխարգելի լճի հետագա ծաղկումը։ 

«Լճի կանաչելու պայմաններում օրգանական նյութերի մեծացումն անփուսափելի է, մինչդեռ եթե ունենայինք ձկնային մեծ պաշարներ, ապա այդ հանգամանքը որոշակիորեն կնվազեցներ ծաղկման պրոցեսը։ Բայց ցավոք սրտի ձկան անխնա որսը շարունակվում է, աջ ու ձախ կարելի է տեսնել ձկան վաճառք։ Ճիշտ է, լճի մակարդակը մի քանի սանտիմետրով բարձրացել է, սակայն դա բավարար չէ, հետևաբար այս տարի էլ հավանականությունը շատ մեծ է, որ լիճն ավելի ինտենսիվորեն կկանաչի»,– նշում է Գաբրիելյանը։

Սևանի սիգը պետք է թանկացնել, արտահանումը` արգելել

Նրա համոզմամբ` պետք է ոչ թե աշխատել ձկնապաշարներն ավելացնելու,այլ եղածը պահպանելու ուղղությամբ, քանզի եթե պատշաճ կերպով պահպանվեն պաշարները, և կառավարելի դառնա ձկան որսը, այդ դեպքում խնդիրներ չեն առաջանա։ Ըստ այդմ` պետք է որսը խստագույնս արգելվի ձվադրման շրջանում, աշնանն ու ձմռանը, և հատկապես գարնանը, երբ որսում են մանրաձուկը։ Բարդուղ Գաբրիելյանի տեղեկացմամբ` աշխարհում ընդունված կարգ է, որ կենդանուն չեն որսում, որը պետք է աճի ու բազմանա, իսկ մեզ մոտ փողոցներում 100-150 դրամով արդեն իսկ վաճառվում է մանրաձուկը, որը պետք է աճեր ու բազմանար։      

Հիշեցնենք` Սևանը բավական նկատելի ծաղկել էր նաև 2018թ.–ի ամռանը։ Նախորդ տարի ամռանը նույնպես կանաչեց։

48
թեգերը:
որս, ձուկ, Սևանա լիճ
Ըստ թեմայի
«Կառավարության քայլը հարց չի լուծում»․ Դանիելյանը՝ հանքարդյունաբերության վտանգների մասին
Սևան քաղաքը կփակվի. պարետը նոր որոշում ունի
Սամվել Մարտիրոսյան

Մարտիրոսյան. «Մահացած անձանց տվյալների արտահոսքը կարող է լինել սաբոտաժի հետևանք»

54
(Թարմացված է 18:34 02.06.2020)
Տեղեկատվական անվտանգության փորձագետ Սամվել Մարտիրոսյանը Sputnik Արմենիայի եթերում խոսել է կորոնավիրուսից մահացած անձանց տվյալների արտահոսքի մասին։
Մարտիրոսյան. «Մահացած անձանց տվյալների հայտնվելը համացանցում կարող է լինել սաբոտաժի արդյունք»

Սամվել Մարտիրոսյանը նշում է` մահացածների տվյալները հայտնվել են ֆեյսբուքյան մի էջում, որը մինչ այդ էլ ակնհայտորեն զբաղվում էր մանիպուլյատիվ տեղեկություններ տարածելով, այսինքն` քաղաքական բացահայտ քարոզչությամբ, շատ հազվադեպ է ակտիվանում և շատ գրառումներ չի անում։

«Սա կա՛մ հաքերային հարձակման հետևանք է, կա՛մ էլ ներքին արտահոսքի, երբ աշխատակիցներից մեկը ուղղակի սաբոտաժ է արել»,– ասում է տեղեկատվական անվտանգության փորձագետը։

Թեև Մարտիրոսյանը դժվարանում է ասել, թե կարանտինային, ճգնաժամային իրավիճակում կառավարումն ինչպես է իրականացվում նախարարության ներսում, որտեղ են տեղադրված տվյալները, որքանով են դրանք հասանելի կամ ինչ համակարգ է գործում ներսում, բայց նշում է, որ միայն ներսի մարդը կարող է գնահատել տվյալների ապահովության մակարդակը։

«Հիմա հարցն այն է, թե արդյո՞ք վերոնշյալ էջին հաքերներն ու սաբոտաժով զբաղվողներն են տեղեկություններ ուղարկել, թե՞ հենց այդ էջը ներգրավված է շղթայի մեջ որպես առաջնային աղբյուր։ Դժվար է այս պահին ասել, թեև հաշվի առնելով այն հանգամանքը, որ այս էջն ակտիվ չէ և շատ ընթերցողներ չունի` կարելի է ենթադրել, որ ներգրավված է հստակ շղթայում»,– նշում է նա։

Մարտիրոսյանի դիտարկմամբ` այդ էջի արգելափակումը բավականին հեշտ կլինի, որովհետև կարելի է անմիջապես դիմել Facebook–ին, որն իր հերթին հաշվի առնելով կորոնավիրուսի հետ կապված իրադրությունը` բավականին լուրջ է վերաբերվում նման երևույթներին։ Փորձագետի համոզմամբ` հանցագործին գտնելը կախված է մասնագիտական գիտելիքներից և այն հանգամանքից, թե ինչպես կարելի է վնասազերծել անձին, որը մասնագիտացած է նման էջեր վարելու գործում, և եթե կիրառել է հատուկ միջոցներ, հնարավոր է` նույնիսկ չգտնեն նրան, սակայն հնարավորություններ կան։

Ավելի վաղ տեղեկացրել էինք, որ Հայաստանում կորոնավիրուսից մահացածների տվյալները հրապարակվել են Facebook-ում։ ՀՀ առողջապահության նախարարի խոսնակ Ալինա Նիկողոսյանը Sputnik Արմենիային հայտնել էր, որ տվյալների արտահոսքի համար արդեն դիմել են իրավապահներին։ 

Հիշեցնենք` Հայաստանում կորոնավիրուսով վարակվածների թիվը հասել է 10009–ի։ Կորոնավիրուսից մահացել է 158 մարդ, ևս 56–ն էլ մահացել են այլ հիվանդություններից։

54
թեգերը:
Սամվել Մարտիրոսյան, կորոնավիրուս, Հայաստան
Ըստ թեմայի
Գևորգ Կոստանյանը կորոնավիրուսով է վարակվել
Ազատազրկվածների շրջանում կորոնավիրուսով վարակվածներ չկան. փոխնախարար
Երևանի քաղաքապետարանի աշխատակիցներից մեկը վարակվել է կորոնավիրուսով
Հրայր Թովմասյան. արխիվային լուսանկար

Հանրաքվեն կչեղարկվի. Հրայր Թովմասյանը և ՍԴ դատավորները կշարունակեն պաշտոնավարել

18
(Թարմացված է 10:30 03.06.2020)
Ազգային ժողովի պատգամավորները քիչ առաջ քվեարկեցին ՍԴ–ում փոփոխություններին առնչվող հանրաքվեն չեղարկելու մասին օրինագծի համար։

ԵՐԵՎԱՆ, 3 հունիսի – Sputnik. Ազգային ժողովն այսօր երկրորդ ընթերցմամբ ընդունեց «Հանրաքվեի մասին» սահմանադրական օրենքում փոփոխություններ և լրացումներ կատարելու մասին» օրենսդրական փաթեթը:

Նախագիծը երկրորդ ընթերցմամբ և վերջնականապես ընդունելով` արտակարգ դրության ավարտից հետո հնարավոր կլինի չեղարկել Սահմանադրական դատարանի նախագահ Հրայր Թովմասյանի և 6 անդամների լիազորությունների դադարեցման հանրաքվեն:

Հիշեցնենք՝ սահմանադրության փոփոխությունների հանրաքվեով առաջարկվում է դադարեցնել Սահմանադրական դատարանի նախագահ Հրայր Թովմասյանի և դատարանի 6 անդամների պաշտոնավարումը: Սահմանադրության փոփոխությունների հանրաքվեն նախատեսված էր ապրիլի 5-ին, սակայն չկայացավ արտակարգ դրության հայտարարման պատճառով:

18
թեգերը:
Սահմանադրական դատարան, Սահմանադրական փոփոխությունների նախագիծ, հանրաքվե, ԱԺ, Հրայր Թովմասյան