Մկրտիչ Մինասյան

Մինասյան. «Մենք ժառանգել ենք փայլուն ճարտարապետություն»

81
ՀՀ ճարտարապետների պալատի նախագահ Մկրտիչ Մինասյանը Sputnik Արմենիայի հետ զրույցում ճարտարապետության միջազգային օրվա առթիվ իր մտահոգություններն է հայտնել հայկական ճարտարապետական ժառանգության, մերօրյա լուծումների և իրողությունների վերաբերյալ:
Մկրտիչ Մինասյան. «Մենք ժառանգել ենք փայլուն ճարտարապետություն»

Հայերը նախնիներից ժառանգել են փայլուն ճարտարապետությունը, որը գնահատել են տարբեր երկրներ ու ժողովուրդներ։ Այս մասին Sputnik Արմենիայի հետ զրույցում ասաց ճարտարապետ Մկրտիչ Մինասյանը։

«1990-ական թվականներից մեր ճարտարապետությունը զարգացավ շատ հախուռն կերպով: Այդուհանդերձ, այլևս չկար քաղաքաշինական կամ ճարտարապետական գործունեության վերաբերյալ պետական քաղաքականություն, ինչի հետևանքով ունեցանք էկլեկտիկ կառույցներ: Իհարկե, եղան լավ կառույցներ, փողոցներ, կամուրջներ, շինություններ, սակայն դրանք հանրությանը չհագեցրին, որովհետև հասարակությունն ուզում է տեսնել իրեն ավելի ջերմ, ավելի հասկանալի, ապագային ուղղված ճարտարապետություն: Մենք կանգնած ենք դրա շեմին»,- նշեց Մինասյանը:

ՀՀ ճարտարապետների պալատի նախագահը հուսով է, որ կառավարությունը, երիտասարդ կադրերը կգիտակցեն, որ քաղաքաշինությունն ու ազգային ճարտարապետությունը մեծ դեր ունեն երկրի զարգացման գործում: Ընդ որում, պետք է նկատի ունենալ, որ ոչ թե առանձին կառույցների ճոխությունն է գրավում մարդկանց ուշադրությունը, այլ հաճելի միջավայրը, որտեղ յուրաքանչյուր մարդ իրեն լավ կզգա:

Վարդագույն Երևանը դարձել է մոխրագույն. նոր նախագիծը կօգնի՞ վերականգնել քաղաքի դիմագիծը

«Մենք շատ անելիք ունենք, պետք է պահպանենք քաղաքի, հատկապես թամանյանական շրջանի շենքերի ֆոնդը, ճարտարապետության մեջ անաղարտ վիճակում պահպանենք հայկական հետքը:  Ոչ թե պետք է ճչացող բաներ անենք, այլ քաղաքը մարդկանց համար ընկալելի վիճակի բերենք»,- ասաց Մինասյանը:

Մուրճով փխրուն օրիորդը. ինչպես Նարինեն խաչքարագործություն սովորեց և տեղափոխվեց հայրենիք

Ճարտարապետը համոզված է, որ Երևան ասելով՝ մարդիկ հասկանում են ոչ թե նորակառույցները, այլ թամանյանական շրջանի, թամանյանական դպրոցի ներկայացուցիչների կառուցած շենքերը: 

81
թեգերը:
Երևան, Նախագահ, Ալեքսանդր Թամանյան, ճարտարապետ, Մկրտիչ Մինասյան, Հայաստան
Ըստ թեմայի
Ինչ է առաջարկում հիասքանչ Գյումրին իր հյուրերին և որ վայրերում արժե լուսանկարվել
Հայ ուսանողներին վստահում են եվրոպական շենքերի 3D դիզայնը
Հայաստանի պատմության թանգարանի հոբելյանին նվիրված արծաթե հուշադրամ է թողարկվել
Անտիկ քաղաքի վերածնունդը. զբոսաշրջիկները Պալմիրա են վերադառնում
Տիգրան Քեյան

60 կմ/ժ և ոչ ավելի. Երևանում երթևեկության կանոնների փոփոխությունը՝ ՀԿ խոշորացույցի տակ

744
(Թարմացված է 21:50 07.07.2020)
«Վարորդի ընկեր» ՀԿ նախագահ Տիգրան Քեյանը Sputnik Արմենիայի եթերում անդրադարձել է Ճանապարհային ոստիկանության հայտարարությանը, որն առնչվում է Երևանի որոշ ճանապարհահատվածներում երթևեկության կանոնների փոփոխությանը:
Քեյան. «Չեմ կարծում, թե 60 կմ/ժ արագությունը կդանդաղեցնի Երևանի երթևեկությունը»

«Վարորդի ընկեր» ՀԿ նախագահ Տիգրան Քեյանի դիտարկմամբ՝ փոփոխությունն ուղղված է երթևեկության անվտանգության բարձրացմանը, քանի որ շատերը մինչև այս թույլատրելի արագության շեմի հաստատումն ավելի արագ էին երթևեկում հատկապես այն հատվածներում, որոնցում Ճանապարհային ոստիկանությունը սահմանափակումներ է մտցրել:

«Մենք շատ ենք տեսել, որ օրինակ, Ծովակալ Իսակովի պողոտայում վթարների քանակը տարեցտարի չի նվազում, ինչի հիմնական պատճառը արագության գերազանցումն է, այդտեղ եղել են նաև մահացու ելքով վթարներ: Իմ կարծիքով՝ բոլոր հատվածներում նույն արագությունը սահմանելը ճիշտ է, վարորդներն էլ չեն մտածի՝ արագ վարեն մեքենան, թե դանդաղ, հետևաբար չեն լինի նաև չարաշահումներ, և կտեսնենք վթարների նվազման միտում»,- Sputnik Արմենիայի հետ զրույցում ասաց նա: 

Անդրադառնալով այն հարցին, թե ինչպ՞ս կանդրադառնա փոփոխությունը խցանումների խնդրի վրա, Քեյանը նշեց, որ իր հաշվարկով՝ ներկայում Երևան քաղաքի միջին արագությունը չի անցնում 21 կիլոմետրը, և եթե առանձին հատվածներում նախկինում սահմանված էր 70 կամ 80 կմ/ժ արագություն, դա չէր նպաստում խցանումների վերացմանը, հետևաբար ներկա փոփոխությամբ ամբողջ քաղաքի համար սահմանված է նորմալ արագություն:

 Եթե ուղևորը չենթարկվի, վարորդը չի շարունակի ընթացքը. տրանսպորտից օգտվելու նոր կանոնները

Քեյանի հավաստմամբ՝  երբ նախկինում տարբեր հատվածներում սահմանված էր տարբեր արագություն, դրանց սահմանագծին կամ խաչմերուկներում հաճախակի էին լինում վթարներ, հետևաբար «Վարորդի ընկեր» ՀԿ նախագահը չի կարծում, որ 60կմ/ժ արագությունը կդանդաղեցնի Երևանի երթևեկությունը, միայն թե ավելի չնվազեցնեն: 

Հիշեցնենք՝ Ճանապարհային ոստիկանության որոշմամբ՝ 2020թ. հուլիսի 18-ից Երևան քաղաքի բոլոր ճանապարհահատվածներում երթևեկության թույլատրելի առավելագույն արագությունը կսահմանվի 60 կմ/ժ:

Փոփոխությունը վերաբերում է մասնավորապես Իսակովի, Մյասնիկյան և Սարալանջի պողոտաներին, Թբիլիսյան և Աշտարակի խճուղիներին, Մոնթե Մելքոնյան, Աճառյան, Դավիթ-Բեկի փողոցներին:

ՃԵԿ օրինախախտներին կհետևեն հեռախոսով. վարչապետը կոչ արեց ներառել նաև դիմակ չկրողներին

744
թեգերը:
որոշում, Ճանապարհային ոստիկանություն(ՃՈ), Երևան, վարորդ, Տիգրան Քեյան
Ըստ թեմայի
Ժամանակավորապես կասեցվում է Երևան-Թբիլիսի-Երևան գնացքների երթևեկությունը
Մյասնիկյան պողոտայի երթևեկությունը ժամանակավորապես կդադարեցվի
Վերին Լարս տանող ճանապարհի որոշ հատվածում կարգելվի կոնկրետ մեքենաների երթևեկությունը
Վրաստանից Ռուսաստան բեռնատար և մարդատար կցորդիչով մեքենաների երթևեկությունը կդադարեցվի
Արթուր Աթոյան

Նախարարության հայտարարությունն իրարմերժ է և հակասական. ի՞նչ է կատարվում արագիլների հետ

77
(Թարմացված է 21:06 07.07.2020)
«Հայ ձկնարտադրողների և ձկնարտահանողների միասնություն» ՀԿ նախագահ Արթուր Աթոյանը Sputnik Արմենիայի եթերում անդրադարձել է աղտոտված արագիլների հետ կապված Շրջակա միջավայրի նախարարության մամուլի ծառայության հաղորդագրությանը: 
Աթոյան. «Աղտոտված արագիլներին առնչվող ՇՄՆ հայտարարությունը լի է հակասություններով»

Արթուր Աթոյանի փոխանցմամբ՝ նախարարության ուսումնասիրություններն  ու հայտարարությունը գտնվում են հակասության մեջ, նախ ասում են` հնարավոր է, կարող է, մինչդեռ կոնկրետ փաստեր ձեռք չեն բերվել, թե ինչպիսի հիմքերի առկայության դեպքում է հնարավոր արագիլների աղտոտումը ձկնաբուծարաններում: Եթե ներկայացվեն հիմնավոր փաստեր, պատրաստ են համատեղ այցերի շրջանակներում հայտնաբերել մեղավորներին ու ենթարկել պատասխանատվության՝ դադարեցնելով անօրինական գործառույթները: 

«Ի՞նչ է նշանակում՝ արագիլներն աղտոտվել են ձկնաբուծարաններում: Ի՞նչ է, ձկնաբուծարանները կեղտի ու յուղի մե՞ջ են գտնվում: ՍԱՏՄ ու անվտանգություն ապահովող այլ ծառայությունները պարբերաբար մտնում են ձկնաբուծարաններ, ստուգում տարածքները, բա նրանք չե՞ն տեսնում, թե ինչ է կատարվում, չեն տեսնում, որովհետև նման երևույթներ ուղղակի չկան, ինչպիսիք ներկայացնում է Շրջակա միջավայրի նախարարությունը: Անցյալ տարվանից այդ հայտարարությունները հնչում են, սակայն մինչ օրս որևէ կոնկրետ փաստ չի հայտնաբերվել կամ ներկայացվել»,- նշում է Աթոյանը: 

Նրա դիտարկմամբ՝ խոսում են Հովտաշենից, Երասխահուն և Հայանիստ գյուղերի միջակայքից, սակայն չի նշվում, թե այդտեղ որքան ձկնաբուծարան կա, արդյո՞ք աղտոտված են, թե՞ ոչ, արդյո՞ք նրանք են գետն աղտոտել: Ըստ նրա՝ Շրջակա միջավայրի նախարարությունը պետք է հստակ ներկայացնի, թե ինչ են արվում թափոնները, եթե դրանք կան: Աթոյանի տեղեկացմամբ՝ կան ձկնաբուծարաններ, որոնք ընդհանրապես թափոններ չունեն, նույնիսկ եթե անհրաժեշտություն առաջանա, կարող են իրենք թափոններ ձեռք բերել: 

«Դրանք այնքան հակասություններով լի, իրարամերժ հայտարարություններ են, երևակայական ենթադրություններ, որոնց լուրջ չենք վերաբերվում: Ոչ մի նշանակալից ապացույց չի ներկայացվում հանրությանն առ այն, թե ինչ հանգամանքների առկայությամբ է տեղի ունենում արագիլների աղտոտումը: Սա պետական կառույցին, նախարարությանը անհարիր գործելակերպ է»,- նշում է նա:

Արագիլները չե՞ն աղտոտվել. տեսչական մարմնի աշխատակիցներն այցելել են «դեպքի վայր»

Աթոյանի հավաստմամբ՝ ձկնաբույծնեն իրենք շահագրգռված են, որ արագիլները և ընդհանրապես թռչունները չհայտնվեն ձկնաբուծարաններում: Նրանք բերում են բացիլներ, համարվում են վարակի աղբյուր, ինչը ձկնաբուծարանների համար կարող է ճակատագրական լինել: Մի քանի արագիլ, օրինակ, կարող են վերացնել մանրաձկան ամբողջ քանակությունը՝ տնտեսավարողին պատճառելով մեծ վնաս։ Հետևաբար ձկնաբուծարաններում տեղադրվում են խրտվիլակներ և ցանցեր, որպեսզի արագիլներին հեռու պահեն ջրավազաններից:   

Նախարարության տարածած հայտարարության մեջ ասվում է, որ աղտոտված կենդանիների զգալի մասը կերի հայթայթման նպատակով իջնում է որոշ ձկնաբուծարանների տարածք, որին էլ՝ նախնական տվյալներով, կարող է հաջորդել կենդանիների աղտոտումը։ Հետազոտությունները ցույց են տվել, որ այս պահին աղտոտված են Հովտաշենից Երասխահուն և Հայանիստ գյուղերի միջակայքում բնադրող արագիլների մոտ 60 տոկոսը։

77
թեգերը:
Շրջակա միջավայրի նախարարություն, արագիլ
Թբիլիսի

Հայտնի է, թե որ երկրների համար է Վրաստանը բացում սահմանները

17
(Թարմացված է 14:55 08.07.2020)
Նշվում է, որ Վրաստանն առաջին հերթին սահմանները բացում է «անվտանգ» երկրների համար, որոնք այսպես կոչված «կանաչ գոտում» են։

ԵՐԵՎԱՆ, 8 հուլիսի – Sputnik. Առաջիկայում Վրաստանը սահմանները կբացի Գերմանիայի, Ֆրանսիայի, Էստոնիայի, Լատվիայի և Լիտվայի համար։ Տեղեկությունն այսօր ճեպազրույցի ժամանակ հայտնել է կառավարության մամուլի խոսնակ Իրակլի Չիկովանին։

Սակայն նշված երկրներից այցելուների համար հատուկ պայմաներ են սահմանվելու։ Վրաստանի օդականավակայան ժամանելուն պես այցելուները ստիպված կլինեն հատուկ էլեկտրոնային հարցաթերթիկ լրացնել, որտեղ կնշվի, թե որտեղ են եղել ժամանումից 14 օր առաջ։ Զբոսաշրջիկները նաև պետք է նշեն, թե Վրաստանում որտեղ են կանգ առնելու, լրացնեն հասցեն և հեռախոսահամարը։

Սակայն Չիկովանին չի ասել, թե երբ են սահմանները բացվելու։

Վրաստանի ֆինանսների նախարար Իվանե Մաչավարիանին իր հերթին նշել է, որ մյուս երկրների համար Վրաստանը սահմանները կբացի, երբ նրանք հաղթահարեն նոր տիպի SARS-CoV-2 կորոնավիրուսի համաճարակը։ Նա ընդգծել է, որ այդպիսով իշխանությունները նախատեսում են վտանգը նվազագույնի հասցնել։

Չիկովանին խոստովանում է, որ այն երկրները, որտեղից Վրաստան էր ժամանում զբոսաշրջիկների առյուծի բաժինը (Հայաստանը Վրաստան այցելողների առաջատար եռյակում է՝ խմբ․), այսօր կա՛մ համաճարակի գագաթնակետին են, կամ դեռ չեն հաղթահարել այն։

Նա ընդգծել է, որ թեև ԵՄ-ում COVID-19-ը ավելի քիչ է տարածված, դա չի բացառում ռիսկի առկայությունը։ Կարող է և այնպես պատահել, որ Վրաստան նվազագույն քանակով զբոսաշրջիկներ ժամանեն, սակայն դա բավարար լինի վիրուսի նոր ալիքի տարածման համար։

Նշենք, որ Վրաստանի տնտեսության մեջ զբոսաշրջության չափաբաժինը 10-12% է։ Ավելի վաղ ԵՄ-ն Վրաստանը ներառել էր ԵՄ անդամ չհանդիսացող 15 անվտանգ պետությունների ցանկում, որոնց համար հուլիսի 1-ից սկսած սահմանները բաց են։ Վրաստանի համար սահմանները բացել են Շվեյցարիան, Հունգարիան, Գերմանիան, Լատվիան, Ֆրանսիան, Իսպանիան, Նիդեռլանդները և Իտալիան։

Վրաստանում կորոնավիրուսից հայ է մահացել. նա Հայաստանից էր մեկնել այնտեղ

Վրաստանում կորոնավիրուսով վարակման առաջին դեպքը գրանցվել է փետրվարի 26-ին։ Հուլիսի 8-ի դրությամբ այդ երկրում COVID-19-ի հայտնաբերված դեպքերի թիվը կազմում է 963, նրանցից 841-ն արդեն առողջացել են, մահացել է 15 մարդ։

 

17
թեգերը:
Սահման, կորոնավիրուս, Հայաստան, Վրաստանի Հանրապետություն
Ըստ թեմայի
Վրաստանը պատրաստվում է բացել սահմանները, բայց ոչ բոլորի համար. Հայաստանից մարդ կընդունե՞ն
Հայաստանի և Ռուսաստանի բարեկամության խորհրդանիշները. նախագահն այցելել է պետական սահման
Սահմանամերձ Նորշենի միակ տերն ու տիրակալը Վահանդուխտ տատն է, կամ ինչո՞ւ է աղմկում գետը