Տիգրան Աթանեսյան

Աթանեսյան. «Մանիպուլյացիա է` իբր Ալեքսանդր Սարգսյանը հատուցել է Վլադիմիր Գասպարյանի վնասը»

443
(Թարմացված է 15:01 08.10.2019)
Նախկին ոստիկանապետի պաշտպանը կարծում է, որ իր պաշտպանյալի դեմ ուղղված մեղադրանքներն ընդամենը հանրությանը հաճոյանալու և հասարակական կարծիք ձևավորելու նպատակով սկսած խաղ է:

 

Տիգրան Աթանեսյան. «Վլադիմիր Գասպարյանի դեմ մեղադրանքը սխալ է ու անհիմն, ուստի պահանջում ենք գործը կարճել»

Նախկին ոստինականպետ պաշտպան, փաստաբան Տիգրան Աթանեսյանը Sputnik Արմենիայի հետ զրույցում անդրադարձել է Վլադիմիր Գասպարյանի դեմ հարուցված քրեական գործի հանգամանքներին և նշել, որ առաջադրված մեղադրանքը սխալ է ու անհիմն, հետևաբար, պահանջում է գործը կարճել:

«Քննչական կոմիտեն և դատախազությունը կարդալով մեր միջնորդությունը՝ տեսել են, որ մենք ամբողջությամբ ճիշտ ենք, պարզապես զբաղված են նյարդային ջղաձգումներով, հետևաբար, որոշել են դնել ավելի խիստ հոդված, որը ոչ մի կերպ չի կարող վերագրվել Վլադիմիր Գասպարյանին, որովհետև ոստիկանության աշխատավարձերի ֆոնդի նկատմամբ ռազմական ոստիկանության պետը որևէ լիազորություն չունի: Այսինքն` նրանք իրենց դրել են ծիծաղելի վիճակում»,- նշեց Աթանեսյանը: 

Փաստաբանի համոզմամբ՝ նման մեղադրանքները, սովորաբար, նախապես դրենաժվում են դատախազության հետ: Սա ընդամենը խաղ է, որպեսզի հաճոյանան հանրությանը՝ ձևավորվելով հասարակական կարծիք: 

«Մենք պարոն Գասպարյանի հետ մեկ անգամ ենք եղել Քննչական կոմիտեում, մեղադրանք առաջադրելու օրը: Այս պահի դրությամբ նա ձեռնպահ է մնում ցուցմունք տալուց, շատ հանգիստ է իրավիճակին վերաբերվում և անլուրջ է համարում այս ամենը: Եթե օրենքի ինչ-որ նշույլ մնացել է, ապա այս գործը պետք է կարճվի»,- ասաց պաշտպանը։

  Ըստ նրա՝ կեղծիք է այն տեղեկությունը, թե իբր Ալեքսանդր Սարգսյանը փոխհատուցել է Վլադիմիր Գասպարյանի հասցրած վնասը: Պաշտոնական տեղեկությունները, ըստ փաստաբանի, դարձել են ֆեյսբուքյան անպատասխանատու ստատուսներ, հետևաբար Գասպարյանը ոչ մի վնաս չի պատճառել և նրա փոխարեն ոչ ոք չի փոխհատուցել, դա մանիպուլյացիա է, ստորություն: 

Այժմ Տիգրան Աթանեսյանն ու իր պաշտպանյալը ուզում են հասկանալ առաջադրված մեղադրանքի ձևակերպումները, իսկ հետո կգնան իրավական ճանապարհով: Փաստաբանի կարծիքով՝ իրենք դուրս են մղվել իրավական ուղուց և իրենց դեմ մարդիկ զբաղված են PR մանիպուլյացիաներով:

443
թեգերը:
Մեղադրանք, պաշտպան, Ալեքսանդր (Սաշիկ) Սարգսյան, Վլադիմիր Գասպարյան, Հայաստան
Ըստ թեմայի
Վլադիմիր Գասպարյանի նկատմամբ քրեական հետապնդումը դադարեցնելու միջնորդություն է ներկայացվել
Աթանեսյան. «Վլադիմիր Գասպարյանը ոչ մի կապ չունի վնասի հատուցման հետ»
Սաշիկ Սարգսյանը բոլորի փոխարեն վճարել է, բայց Վլադիմիր Գասպարյանի մեղադրանքը խստացվել է
ՀՔԾ–ն ստուգո՞ւմ է Քոչարյանի, Խաչատուրովի ու Հարությունյանի հաշիվները
Հակոբ Արշակյան

Փաշինյանը Շուռնուխ չի այցելել. բնակիչների հետ մայրուղում են հանդիպել. Արշակյան

176
(Թարմացված է 20:57 16.06.2021)
Շուռնուխի ղեկավար Հակոբ Արշակյանը Sputnik Արմենիայի հետ զրույցում անդրադարձել է ՀՀ վարչապետի պաշտոնակատար, վարչապետի թեկնածու Նիկոլ Փաշինյանի և մոտ մեկ տասնյակ շուռնուխցիների հանդիպմանը։
Փաշինյանը Շուռնուխ չի այցելել, բնակիչների հետ մայրուղում են հանդիպել. Արշակյան

ՀՀ վարչապետի պաշտոնակատար Նիկոլ Փաշինյանը Շուռնուխ չի այցելել։ Կապանից վերադառնալիս շուռնուխցի մի քանի ընտանիք մայրուղի են իջել, որ Փաշինյանի հետ հանդիպեն։ Տեղեկությունը Sputnik Արմենիայի հետ զրույցում հայտնեց Շուռնուխի վարչական ղեկավար Հակոբ Արշակյանը։

«Ինքը Շուռնուխ չի այցելել, Կապանից հետ վերադառնալու ճանապարհին մի քանի ընտանիք ընդամենը 15 րոպեի մեջ հավաքվել են ու իջել մայրուղի` Փաշինյանի հետ հանդիպելու։ Կարծում եմ` նախապես պայմանավորվել են, թե չէ ինչպես պետք է իմանային` որ ժամին է գալու, որ ժամին հավաքվեն»,- ասաց նա։ 

Վարչապետի պաշտոնակատարի հետ հանդիպման ժամանակ շուռնուխցի մի տղամարդ առաջարկեց գործարկել խելացի անասնագոմերի գաղափարը, որպեսզի լուծվի թշնամուն թողած արոտավայրերի բացը։ Վարչապետը հավանություն տվեց առաջարկին, բայց Շուռնուխի վարչական ղեկավարն ասում է` համագյուղացու առաջարկը Գորիսի համայնքապետարանում մեկ ամիս առաջ են քննարկել, նախագիծն արդեն կազմել են, պատրաստվում են գործարկել։

«Իբրև թե միտք ծագեց մեկի գլխում խելացի անասնագոմերի մասին, վարչապետի պաշտոնակատարն էլ համաձայնեց։ Ասեմ, որ համայնքի ղեկավար Առուշ Առուշանյանը մեկ ամիս առաջ դա ներկայացրել է, նախագիծը կազմվել է, մնում է` այդ աշխատանքները սկսեն։ Ծրագիրն իրականացվում է ռազմավարական զարգացման գործակալության հետ»,- նշեց Արշակյանը։

Նրա խոսքով` արոտավայրերի մի մասը թշնամուն նվիրելուց հետո գյուղում անասնագլխաքանակն էականորեն կրճատվել է։ 

«Արդեն 70 գլուխ խոշոր եղջերավոր են վաճառել, 19 գլուխ էլ անցել է թշնամու կողմը, չի վերադարձվել։ Մանրն էլ են վաճառել, մի բնակիչ էլ մոտ 200 գլուխ մանր եղջերավորների վնաս է կրել. անասունները կոտորվել են։ Երբ թուրքը եկել է, ներքևի թաղից բնակիչն անասունները տեղափոխել է Եղեգնաձոր` կենդանիները ցրտահարվել են»,- հավելեց Շուռնուխի ղեկավարը։

Նժենք, որ Նիկոլ Փաշինյանը նախընտրական քարոզարշավի շրջանակում երեկ այցելել էր Սյունիքի մարզ: ՀՀ վարչապետի պաշտոնակատարը Facebook-ի իր էջում տեսանյութ էր տեղադրել, որտեղ Շուռնուխի բնակիչները վարչապետին էին ուղղում իրենց հուզող որոշ հարցեր։

Սյունիքում նոր ճանապարհներ են կառուցվում. Նիկոլ Փաշինյան

176
թեգերը:
Սյունիք, Նիկոլ Փաշինյան, Շուռնուխ, Հակոբ Արշակյան
Ըստ թեմայի
«Զանգեզուրի պղնձամոլիբդենային կոմբինատը» Փաշինյանի խոսքերի համար կդիմի իրավապահներին
«Չագուճն առաջինը ձեր գլխին է ջարդվելու». Փաշինյանը կրկին սպառնացել է Զանգեզուրի կոմբինատին
«Գազպրոմ Արմենիան» պատասխանել է Փաշինյանի՝ «ժողովրդի դեմ աշխատելու» մեղադրանքին
Ընտրակաշառքի մասին վկայող տեսանյութի համար խոստանում ենք 1000 դոլար պարգև. Փաշինյան
Անի Սամսոնյան

Ի՞նչ են ընտրողները հարցնում ԼՀԿ-ի թեկնածուներին. Անի Սամսոնյանը` ընտրարշավի մասին

33
(Թարմացված է 19:09 16.06.2021)
ԱԺ «Լուսավոր Հայաստան» խմբակցության պատգամավոր Անի Սամսոնյանը Sputnik Արմենիայի եթերում անդրադարձել է արտահերթ խորհրդարանական ընտրությունների քարոզարշավին և իրենց ծրագրային դրույթներին։
Սամսոնյան. «Լուսավոր Հայաստանը» երկրի ներսում թշնամիներ չի փնտրում և կարմիր գծեր չի հատել

«Լուսավոր Հայաստանի» պատգամավորության թեկնածու Անի Սամսոնյանն ասում է, որ մարդկանց հետաքրքրում է այն հարցը, թե ինչպես կարող է «Լուսավոր Հայաստանը» լինել այլընտրանք և իրականացնել համախմբող գործառույթ։ Իսկ նրանք պոտենցիալ ընտրողներին ասում են, որ ԼՀԿ–ն թշնամիներ չի փնտրում երկրի ներսում, չի հատել կարմիր գծերը ո՛չ նախկինների, ո՛չ ներկաների հետ և այդ երկու բևեռներին թշնամին չէ, բանականորեն է մոտենում իրավիճակին ։

«Երկրորդ` «Լուսավոր Հայաստանը» խորհրդարանական ուժ է, և եթե ցանկացած ուժ համախմբելու հայտ է ներկայացնում, ապա նման բան անելու համար պետք է ունենա դիրք և շնորհք։ Մենք կարող ենք շատ հանգիստ կյանքի կոչել մեր օրակարգը, որովհետև ունենք և՛ պատրաստակամություն, և՛ հնարավորություն»,– նշեց ԱԺ պատգամավորը։

Սամսոնյանի խոսքով` իրենք բավականին քիչ ժամանակ ունեն քարոզարշավի համար, հետևաբար փորձել են հնարավորինս արդյունավետ ծախսել ժամանակը։ Ըստ այդմ` բաժանվել են երկու թիմի, որոնցից մեկը քարոզն իրականացնում է մայրաքաղաքի համայնքներում, մյուսը` Էդմոն Մարուքյանի գլխավորությամբ, այցելում է մարզեր։ Կուսակցությունը եղել է բոլոր մարզերում, քարոզարշավը սկսել է Սյունիքից և արել այնպես, որ համերաշխության օրակարգը հասանելի լինի ամենուր։ 

«Երբ շփվում ենք մարդկանց հետ, պարզվում է, որ նրանք արդեն իսկ գիտեն, թե ինչ ենք ցանկանում, ուստի սկսում են ավելի մանրամասն հետաքրքրվել համախմբման ու միաբանության ուղիների մասին։ Նրանց հուզող առաջին հարցը երկրում պառակտված վիճակն է, մարդիկ շատ լավ հասկանում են, որ եթե այսպես շարունակվի, ապա հնարավոր չի լինի լուծել որևէ հարց։ Երկրի առջև ծառացած բոլոր խնդիրների լուծումը բխում է համերաշխության և հաշտության հաստատումից»,– նշեց ԱԺ պատգամավորը։

Սամսոնյանի կարծիքով` քաղաքական դաշտում գեներացվող ատելության քարոզն անմիջականորեն ազդում է շարքային քաղաքացիների տրամադրության վրա, հետևաբար «Լուսավոր Հայաստանը» ցանկանում է հենց այդ իրավիճակը փոխել` գիտակցելով, որ բոլոր մյուս հարցերը, որոնց վերաբերյալ ԼՀԿ–ն նույնպես ունի ծրագրային առաջարկներ, կարող են լուծվել միայն ներքին համերաշխության մթնոլորտում։    

ՀՀ Ընտրական օրենսգիրքը համապատասխանում է միջազգային նորմերին. ԱՊՀ դիտորդական խմբի ղեկավար

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:

Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են  Հայաստանի ընտրողների ռեգիստրում ընդգրկված 2 581 093 ընտրողների ձայների համար։

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։ 

33
թեգերը:
քարոզարշավ, Ազգային ժողովի ընտրություններ, Հայաստան, «Լուսավոր Հայաստան» կուսակցություն, Անի Սամսոնյան
թեմա:
ԱԺ արտահերթ ընտրություններ 2021
Ըստ թեմայի
Մեր դաշինքը ձևավորվել է ազգային համերաշխությունը վերականգնելու ցանկությամբ. Հայրիկյան
Մենք մուրճը կօգտագործենք միայն նպատակային. Ռոբերտ Քոչարյան
Պետք է ռուսական ներկայությունը սարքենք ժամանակակից. Քոչարյանը` 102-րդ ռազմաբազայի մասին
Чемпион молодежного Чемпионата Европы по вольной борьбе Арен Исраелян

Հայաստանի փառահեղ հաջողությունը. Արեն Իսրայելյանը ևս ոսկե մեդալակիր դարձավ ԵԱ–ում

21
(Թարմացված է 00:10 17.06.2021)
Հայաստանի պատանեկան հավաքականը թիմային հաշվարկում զբաղեցրեց 2-րդ տեղը՝ զիջելով միայն ըմբշամարտի գերտերություն համարվող Ռուսաստանին։

ԵՐԵՎԱՆ, 17 հունիսի – Sputnik. Բուլղարական Սամոկով քաղաքում շարունակվում է ըմբշամարտի Եվրոպայի պատանեկան առաջնությունը: Ազատ ոճային Արեն Իսրայելյանը (71կգ) առաջնության ոսկե մեդալակիր դարձավ՝ եզրափակիչում 12:1 հաշվով առավելության հասնելով ռուս մրցակցի նկատմամբ: Տեղեկությունը հայտնում է Հայաստանի ըմբշամարտի ֆեդերացիան։

Հայկ Գասպարյանը (45կգ) դարձավ արծաթե մեդալակիր, իսկ Տիգրան Բունիաթյանը (51կգ)` բրոնզե մեդալակիր։

Հիշեցնենք` 55 կգ քաշային կարգի, ազատ ոճային ըմբիշ Անդրանիկ Ավետիսյանը ևս դարձել էր Եվրոպայի առաջնության հաղթող:

Այսպիսով, ազատ ոճի ըմբշամարտի Հայաստանի պատանեկան հավաքականը ԵԱ-ի թիմային հաշվարկում զբաղեցրեց 2-րդ տեղը՝ զիջելով միայն ըմբշամարտի գերտերություն համարվող Ռուսաստանին։

Հայտնի են հայկական ակումբների մրցակիցները Կոնֆեդերացիաների գավաթի խաղարկությունում

21
թեգերը:
մեդալ, ըմբշամարտիկ, Հայաստան
Ըստ թեմայի
Ամեն ինչ՝ հեծանվորդների համար. երևանցի ամուսինների վանաձորյան նախագիծը
Արոնյանը զբաղեցրեց երկրորդ հորիզոնականը «Grand Chess Tour»-ում
Հայտնի է «Ալաշկերտի» մրցակիցը Չեմպիոնների լիգայում