Գագիկ Մակարյան

Մակարյան․ «Հայկական աշխատաշուկայում հնդիկները գրավել են հայերի տեղերը»

68
(Թարմացված է 19:06 27.09.2019)
Հայաստանի գործատուների միության նախագահ Գագիկ Մակարյանը Sputnik Արմենիայի հետ զրույցում խոսել է հայկական աշխատաշուկայի խնդիրների մասին։

Հնդիկները որպես շատ էժան, դիմացկուն և պարտաճանաչ աշխատուժ՝ աշխատաշուկայից դուրս են մղում հայերին։ Այս մասին Sputnik Արմենիայի հետ զրույցում ասաց Գործատուների հանրապետական միության նախագահ Գագիկ Մակարյանը։ 

«Վերջին մի քանի ամսվա ընթացքում իրավիճակը փոխվեց. հնդիկները, որպես դիմացկուն,  էժան, նաև սուսուփուս, պարտաճանաչ աշխատող քաղաքացիներ անմիջապես գրավեցին հայերի տեղը»,–ասաց Մակարյանը։

Մակարյանը նշում է, որ հայերի մոտ խնդիրը միայն գումարի մեջ չէ, միշտ կա նաև էմոցիոնալ կողմը։

«Կոպիտ ասած կամ չեն ցանկանում այդ աշխատանքը կատարել,  կամ «լայաղ» չեն անում այդ աշխատավարձով աշխատել ու կարծում են, որ, եթե այդ գնով չանեն, գործատուն կամ պատվիրատուն ստիպված կլինեն փողն ավելացնել»,–նշեց Մակարյանը։

Նա հավելեց, որ ի տարբերություն հայերի՝  հնդիկների հոսքը Հայաստան շատացավ, քանի որ մեր երկրում նրանց համար բավականին լավ կեցության հնարավորություն կա։

«Հայաստանում «անծանոթ» հասկացություն չկա. ինչո՞վ է մեր երկիրը գրավել ամերիկացունl

«Եթե Հայաստանում մեր աշխատողները մեքենա լվանալու համար 5–6 հազար դրամ են պահանջում, ապա հնդիկները դա անում են 2 կամ 3 հազարով, գյուղերում կանայք չեն բարեհաճում 5 հազարով խաղող քաղել կամ դաշտային աշխատանք կատարել, իսկ հնդիկները դրա կես գնով են աշխատում»,– ասաց նա։

Աշխատանքի ընդունվելու պայմանը` հաշմանդամություն. Գյումրիում ինքնատիպ փուռ–սրճարան բացվեց

Մակարյանը նշում է, որ շինարարների խոսքով`հայերը մի հատկություն էլ ունեն` դեռ չաշխատած կանխավճար են ուզում։

Ըստ Մակարյանի` այս վիճակը կհանգեցնի նրան, որ որոշ քաղաքացիներ կպատժվեն՝ նրանք, որոնք աշխատանքն ու գործատուին չեն հարգում, աշխատանքի արժեքը չեն գնահատում։ 

68
թեգերը:
աշխատատեղ, աշխատանք, աշխատավարձ, Գագիկ Մակարյան, հայեր, հայ, Հայաստան
Ըստ թեմայի
Ղահրամանյան. «Մեքենաների գրանցման նոր մոտեցումները կհեշտացնեն վարորդների կյանքը»
Անուշաբույր ու քաղցրահամ. ռեկորդային գաթան ցուցադրվել է Կարապի լճում. լուսանկարներ
Ինչպես երիտասարդը Գյումրուց տեղափոխվեց գյուղ ու որոշեց ծղոտե հյուրատուն կառուցել
Զոհրաբ Մնացականյանը և Ֆեդերիկա Մոգերինին քննարկել են վիզայի ազատականացման խնդիրները