Անժելա Էլիբեգովա

Էլիբեգովա․ «Վստահ եմ, որ դա դիվերսիոն փորձ է եղել»

143
(Թարմացված է 13:57 25.09.2019)
Ադրբեջանագետ Անժելա էլիբեգովան Sputnik Արմենիայի հետ զրույցում խոսել է  Նյու Յորքում կայացած Մնացականյան-Մամեդյարով հանդիպման և դրան նախորդած ադրբեջանական  վերջին դիվերսիոն ներթափանցման փորձի մասին։ 
Էլիբեգովա. «Վստահ եմ, որ դա դիվերսիոն փորձ է եղել»

Ամեն անգամ  Մինսկի խմբի համանախագահների հետ հանդիպումից առաջ Ադրբեջանի  կրկնվող հարձակումներն  ուժի դրսևորման ու նաև հոգեբանական ճնշման գործիք են Ադրբեջանի համար։ Մենք միշտ էլ գիտենք, որ հանդիպումներից առաջ նրանք սադրանքի են գնում։ Sputnik Արմենիային ասել է Անժելա Էլիբեգովան։ 

Ըստ Էլիբեգովայի՝ եթե ներթափանցման փորձը հաջողվում է, Ադրբեջանը դա վաճառում է իր հասարակության վրա որպես մեծ հաջողություն և ճնշում  գործադրում բանակցային սեղանի շուրջ: Եթե չի հաջողվում՝ փորձում են այլ բան վաճառել հասարության վրա․ վա՜յ, մեր քաղաքացին մոլորվել է, նրան բռնել են։ 

Ըստ ադրբեջանագետի՝ հակառակորդ երկիրը երկու տարբերակում էլ իր հասարակության վրա քարոզչական միֆ ունի վաճառելու։  

Ինչ վերաբերում է հայկական կողմի արձագանքին՝ որ հնարավոր է և մոլորված լինի Արդրբեջանի քաղաքացին՝ Էլիբեգովան վստահ է՝ այդպես չէ։ 

«Ես վստահ եմ, որ դա դիվերսիոն փորձ է եղել»,-ասել է Էլիբեգովան։

Ըստ ադրբեջանագետի՝  անգամ ֆեյսբուքի հասարակ օգտատերերն են կարողացել նկարները իդենտիֆիկացնել, որ հատուկ նշանակության ուժերի ներկայացուցիչ է եղել սպանվածը, վերլուծել են զինվորական համազգեստի առանձնահատկությունները․ ուղղակի այդպիսի մարդ նման տեղում պատահական չի մոլորվում և երկրորդ՝ ՊԲ-ն փաստում է, որ ունի ձայնագրություն։  

Միգուցե մոլորվել էր. Տոնոյանը` չեզոք գոտում հայտնված ադրբեջանցի զինծառայողի մասին

Հիշեցնենք, որ  Նյու Յորքում տեղի է ունեցել Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հանդիպումը՝ ԵԱՀԿ Մինսկի խմբի համանախագահներ Իգոր Պոպովի, Ստեֆան Վիսկոնտիի, Էնդրյու Շոֆերի և ԵԱՀԿ գործող նախագահի անձնական ներկայացուցիչ Անջեյ Կասպշիկի մասնակցությամբ։ Իսկ հանդիպմանը նախորոդել էր Ադրբեջանի կողմից դիվերսիոն ներթափանցման փորձ, որը հայկական կողմը կանխել էր։ 

143
թեգերը:
Դավիթ Տոնոյան, Արցախ, Ադրբեջան, դիվերսիա, Անժելա Էլիբեգովա
Ըստ թեմայի
Կանխել է թուրքերի դիվերսիան ու մահացել. սահմանապահի սխրանքը. լուսանկարներ
Արտաքին և ներքին դիվերսիաները չեն բացառվում. ինչպես պաշտպանել կիբեռտիրույթը
Կարենին դիվերսանտ ներկայացնելը ցինիզմ է. Նաիրա Զոհրաբյանը ելույթ է ունեցել ԵԽԽՎ-ում
Տոնոյանը մեկնաբանեց ադրբեջանցի դիվերսանտներին ՀՀ քաղաքացիների հետ փոխանակելու հարցը
Արտակ Մարկոսյան

Ինչ անել, որ 2050-ին ունենանք 5 մլն բնակչություն. ժողովրդագետը`կառավարության քայլերի մասին

39
(Թարմացված է 17:11 02.07.2020)
Իշխանությունները հույս ունեն, որ 2020 թվականի հուլիսի 1-ը կարևոր հանգրվան կդառնա Հայաստանում ժողովրդագրական իրավիճակը փոխելու ճանապարհին, քանի որ հուլիսի 1-ից մեկնարկել են ժողովրդագրական վիճակի բարելավմանն ուղղված ծրագրերը։
Մարկոսյան. «Ժողովրդագրական տեսանկյունից կառավարության քայլերը դրական են, բայց ոչ բավարար»

Միջազգային և անվտանգության հարցերի հայկական ինստիտուտի փորձագետ, ժողովրդագետ Արտակ Մարկոսյանը Sputnik Արմենիայի հետ զրույցում խոսել է Հայաստանի ժողովրդագրական ներկա վիճակի մասին և վերլուծել, թե  կառավարության գործողությունները որքանով են նպաստելու երկրում իրավիճակի բարելավմանը։

Փորձագետը փաստում է, որ այս տարվա առաջին եռամսյակում, նախորդ տարվա նույն ժամանակահատվածի համեմատ, Հայաստանում ծնունդների թիվը նվազել է։ 

«Այս տարի ամուսնական ակտիվ տարիք է մուտք գործում 1993 թվականից հետո ծնված սերունդը, և կառավարության նոր ծրագրերը միտված են ծնելիության խթանմանը, սակայն դրանք բավարար չեն, քանի որ վիճակը գնալով ավելի է բարդանում»,-նկատում է փորձագետը։

Ըստ Մարկոսյանի՝ երեխաների ծնելիության հաճախակիության բարձրացման արդյունքում հնարավոր կլինի ոչ միայն պահել ներկա մակարդակը, այլև՝ գրանցել որոշակի աճ, ինչն էլ իր հերթին թույլ կտա չմտնել դեպոպուլացիոն փուլ, որը սպառնում է Հայաստանին։

«Պատահական չէ, որ աշխատանքի և սոցիալական հարցերի նախարարության ծրագրերն ուղղված են նաև գյուղաբնակ ընտանիքներին, քանի որ վերջին տարիներին ծնելիությունը հատկապես անկում է ապրել գյուղական շրջաններում՝ կապված թե՛ սոցիալ-տնտեսական հիմնախնդիրների, թե՛ ներքին միգրացիայի հետ»,-նշում է Արտակ Մարկոսյանը։

Փորձագետի խոսքով` խնդրահարույց է ներքին միգրացիան, քանի որ գյուղերից քաղաքներում վերաբնակվելով մարդկանց մոտ փոխվում է վերարտադրողականության վարքագիծը, և նրանք չեն ձգտում շատ երեխաներ ունենալ։

Այդուհանդերձ, փորձագետը շարունակում է պնդել, որ կանոնակարգված քաղաքականության դեպքում 2050 թվականին 5 միլիոն բնակչության ունենալու հնարավորությունը դեռ կա։

«Պարզապես պետք է լինի ներգաղթ, ինչին պետք է Հայաստանը պատրաստ լինի»,-ասում է Արտակ Մարկոսյանը։

Սաիյան. «Մենք կանգնած են ժողովրդագրական աղետի նախաշեմին»

Հիշեցնենք` հուլիսի 1-ից բարձրանալու է մինչև 3 տարեկան երեխայի խնամքի արձակուրդում գտնվող ծնողների նպաստը՝ 18 հազարից դառնալով 26 հազար 500 դրամ: Ընդ որում՝ գյուղերում նպաստը տրամադրվելու է անկախ ծնողի աշխատելու հանգամանքից, բայց եթե ծնողն աշխատող է, ապա նպաստի չափը կրկնակի կլինի: Կառավարությունն անգամ հաշվել է, որ այս ծրագրի շնորհիվ գյուղական բնակավայրերում ամեն ամիս կծնվի շուրջ 1200 երեխա: Առաջին և երկրորդ երեխաների ծնվելու դեպքում տրվող միանվագ նպաստը հուլիսի 1-ից դարձել է 300․000 դրամ։ Իսկ հուլիսի 1-ից հետո բնակարան գնող ընտանիքներին պետությունն աջակցություն կտրամադրի` մարելով բնակարանի մայր գումարի որոշ մասը: Ամեն հաջորդ երեխայի լույս աշխարհ գալուց հետո աջակցության չափն էլ ավելի կմեծանա:

39
թեգերը:
դեմոգրաֆիա, ՀՀ կառավարություն, Նպաստ, երեխա, Հայաստան
Անահիտ Թարխանյան

Ինչպես է հնարավոր իրականացնել նախագահի ծրագիրը. Թարխանյանը` Ծիծեռնակաբերդի այգու մասին

176
(Թարմացված է 23:17 01.07.2020)
Ծիծեռնակաբերդի Հայոց ցեղասպանության հուշահամալիրի համահեղինակ, ճարտարապետ Արթուր Թարխանյանի դուստրը`ճարտարապետ Անահիտ Թարխանյանը, Sputnik Արմենիայի հետ զրույցում անդրադարձել է Ծիծեռնակաբերդում համազգային այգի հիմնելու հանրապետության նախագահի նախաձեռնությանը:
Ինչպես է հնարավոր իրականացնել նախագահի ծրագիրը. Թարխանյանը` Ծիծեռնակաբերդի այգու մասին

Ճարտարապետ Անահիտ Թարխանյանը պատրաստակամ է  աջակցել Արմեն Սարգսյանի գաղափարի կյանքի կոչմանը:

ՀՀ նախագահի ծրագրով՝ Ծիծեռնակաբերդի տարածքում պետք է ստեղծել «Հայ պարկ»՝ համազգային այգի, որը կսկսվի Հայոց ցեղասպանության զոհերի հուշարձանի մոտից և կձգվի մոտավորապես 103 հեկտար:
Նախատեսվում է մոտավորապես 1,5 միլիոն ծառ տնկել՝ ցեղասպանության զոհերի թվով. այգին կնկարագրի հայ ժողովրդի պատմական կորուստները՝ միաժամանակ այսօրվա հայկական աշխարհը, հայկական պետականությունը՝ Հայաստանով և Արցախով։

Ըստ Թարխանյանի՝ այգին վերականգնելը բարդ խնդիր չէ, ցանկության հարց է. այդ տարածքում  ի սկզբանե մեկ ու կես միլիոն ծառ է տնկվել, սակայն ժամանակի ընթացքում չի պահպանվել, ծառերը չորացել են:

«Նախագահի ծրագիրը իրականացնելը բարդ խնդիր չէ, բարդը 70 հարկանի շենք կառուցելն է, կանաչ գոտին վերականգնելը բարդ չէ. այս երկու տարիների ընթացքում իշխանությունները մի քանի անգամ արդեն կարող էին վերականգնել այգին» ,-ասել է Անահիտ Թարխանյանը: Նրա գնահատմամբ՝ տարածքը վերականգնելու համար կպահանջվի 1-15 տարի:

Անահիտ Թարխանյանը Ծիծեռնակաբերդի  այգին վերականգնելու կարևոր նախապայման է համարում ոռոգման համակարգի խնդրի լուծումը: «Նախկինում արհեստական ոռոգում եղել է Եղեռնի հուշահամալիրի ամբողջ տարածքում, իսկ հետո հանվել է, և շուրջ տասը տարի չի ոռոգվել այդ հատվածը»,-ասել է Թարխանյանը:

Նրա գնահատմամբ՝ հաջորդ քայլով պետք է ուսումնասիրել և  հասկանալ, թե  ինչ ծառատեսակներ կարող են տնկել այդ հատվածում:

Հիշեցնենք, որ ՀՀ նախագահ Արմեն Սարգսյանը  հանդիպել է ճարտարապետ Անահիտ Թարխանյանին ու նրա հետ քննարկել Ծիծեռնակաբերդի տարածքում համազգային այգի՝ «Հայ պարկ» ստեղծելու իր նախաձեռնությունը:

176
թեգերը:
Անահիտ Թարխանյան, Այգի, Ծիծեռնակաբերդ, Արմեն Սարգսյան
Գագիկ Ծառուկյան. արխիվային լուսանկար

«Կանխելու եմ հակառուսական տրամադրությունները»․ Գագիկ Ծառուկյան

0
ԲՀԿ առաջնորդը կարծում է, որ հակառուսական տրամադրությունները երկրում տարածում են հակահայկական և հակապետական ուժեր։

ԵՐԵՎԱն, 2 հուլիսի - Sputnik. «Բարգավաճ Հայաստան» կուսակցության առաջնորդ Գագիկ Ծառուկյանը Facebook-ում հայտարարություն է տարածել, որով արտահայտել է իր անհանգստությունը՝ կապված երկրում տիրող հակառուսական տրամադրությունների հետ։

«Որպես օրինակ՝ հարկ է նշել, որ հայ հասարակության մեջ ներմուծվում է այն թեզը, որ անհրաժեշտ է վերանայել Ռուսաստանի հետ ռազմական համաձայնագիրը, ինչը կհանգեցնի ռուսական 102-րդ ռազմական բազայի մեր երկրից դուրս բերմանը: Կարծում եմ՝ բոլորս քաջ գիտակցում ենք, որ սա ոչ միայն Թուրքիայի և Ադրբեջանի երազանքն է, որոնք անդադար սպառնում են մեզ պատերազմով և ոչնչացմամբ», - գրել է Ծառուկյանը։

ԲՀԿ առաջնորդը կարծում է, որ հակառուսական տրամադրությունները երկրում տարածում են հակահայկական և հակապետական ուժեր և խոստանում է անձամբ զբաղվել նրանցով։

«Ես՝ որպես ՀՀ ամենամեծ ընդդիմադիր քաղաքական ուժի կուսակցության նախագահ, որպես քաղաքական գործիչ, որպես քաղաքացի, կանեմ ամեն ինչ՝ կանխելու մեր երկրում հակառուսական տրամադրությունների ստեղծմանը նպատակաուղղված սադրանքները: Վստահ եմ, որ Հայաստանի զարգացման և մեր երկրի անվտանգության ու անկախության ամրապնդման համար մենք պետք է էլ ավելի խորացնենք և ամրապնդենք Ռուսաստանի Դաշնության հետ հարաբերությունները», - գրել է Ծառուկյանը։

Նա հավելել է, որ հայ-ռուսական հարաբերությունները պետք է զարգանան ոչ միայն երկկողմ ձևաչափով, այնպես էլ ԱՊՀ, ԵԱՏՄ, ՀԱՊԿ և այլ քաղաքական, տնտեսական, ռազմական ձևաչափերով։

Նշենք, որ «հակառուսական տրամադրությունների» մասին երեկ և այսօր սոցցանցերում ակտիվ քննարկումներ են ծավալվել։

0