Երվանդ Բոզոյան

Բոզոյան. «Պետք է ցույց տային, որ բանակցային գործընթացը վերջնականապես չի մահացել»

54
(Թարմացված է 22:54 24.09.2019)
Մնացականյանի ու Մամեդյարովի հանդիպումն այն մասին էր, թե հետագայում ինչպես պետք է կազմակերպվեն բանակցությունները:

Քաղաքագետ Երվանդ Բոզոյանը Sputnik Արմենիայի եթերում անդրադարձել է Հայաստանի ու Ադրբեջանի արտգործնախարարների նյույորքյան հանդիպմանն ու նշել, որ դա հերթական ու ոչ կարևոր հանդիպում էր, որտեղ պետք է քննարկվեր հաջորդ հանդիպումների հարցը: 

«Այս հանդիպումն, ըստ էության, հանգրվանային բնույթ չէր կրում, որպեսզի նշեինք, թե ինչ-որ առարկայական սպասում կար այդ հանդիպումից: Պարզապես միջնորդների համար կարևոր էր, որպեսզի ցույց տային, որ բանակցային գործընթացը վերջնականապես չի մահացել»,- նշել է Երվանդ Բոզոյանը:

Քաղաքագետի դիտարկմամբ՝ դե ֆակտո, հետագա հանդիպման փորձեր դեռ չկան: Այսինքն բանակցությունները չեն գնացել այն մակարդակի, ինչը թույլ կտար ենթադրել, որ ապագայում հնարավոր է որևէ առարկայական հանդիպում արտգործնախարարների մակարդակով, ուստի սա հանդիպում էր այն մասին, թե հետագայում ինչպես պետք է կազմակերպվեն բանակցությունները: Քաղաքագետը համամիտ է վարչապետի խոսնակի հետ, որ այս պահին հանդիպման հեռանկար գոյություն չունի: 

«Ստատուս քվոն պահպանվում է ավելի քան քսանհինգ տարի, բնական է, որ ընդունվել են որոշ սկզբունքներ, առաջ են եկել խնդրի կարգավորման էլեմենտներ, բայց որպեսզի միս ու արյուն ստացած պայմանագիր կնքվի, բավական բարդ գործընթաց է, ինչն օբյեկտիվ է, որովհետև պահանջում է երկար ժամանակ»,- նշել է Երվանդ Բոզոյանը: 

Քաղաքագետի կարծիքով՝ ադրբեջանական կողմը ցանկանում է, որ բանակցություններն արագ ընթանան, իսկ հայկական կողմը դրան պատրաստ չէ, որովհետև Հայաստանն այժմ ունի ներքին խնդիրներ, և դժվար թե այդ խնդիրների հետ միասին մարսեր նաև Լեռնային Ղարաբաղի հետ կապված խնդիրը: 

54
թեգերը:
Երվանդ Բոզոյան, Զոհրաբ Մնացականյան, Էլմար Մամեդյարով, Ադրբեջան, Հայաստան, ՀՀ Արտաքին գործերի նախարարություն. ԱԳՆ
Ըստ թեմայի
Հարցեր, որոնցով կարելի է փոխզիջման հասնել. Մնացականյան–Մամեդյարով հանդիպման մեխը
Մնացականյան–Մամեդյարով բանակցությունները Վաշինգտոնում. հանդիպումն ապարդյուն կլինի՞
Մնացականյան–Մամեդյարով հանդիպումից հետո ՄԽ համանախագահները հայտարարություն են տարածել
Երևանն ու Բաքուն 2–3 ամիս աշխատելու են Ղարաբաղի վերաբերյալ նոր փաստաթղթերի վրա. Մամեդյարով

sys_stories