Արմեն Բադալյան

Բադալյան. «Վանեցյանը չլռեց` ցույց տալով, որ վերջին խոսքն իրենն է»

190
Քաղտեխնոլոգը կարծում է, որ Արթուր Վանեցյանի պատասխան հայտարարությունը իր մեջ մի քանի մեսիջ էր պարունակում։
Արմեն Բադալյան. «Վանեցյանը չլռեց՝ ցույց տալով, որ վերջին խոսքն իրենն է լինելու»

Քաղտեխնոլոգ Արմեն Բադալյանը Sputnik Արմենիայի եթերում անդրադարձել է վարչապետ Նիկոլ Փաշինյանի և ԱԱԾ նախկին պետ Արթուր Վանեցյանի հայտարարություններին և նշել, որ հատկապես Արթուր Վանեցյանի պատասխանում կային մի քանի կարևոր մեսիջներ: 

«Առաջին՝ ԱԱԾ նախկին տնօրենը շեշտեց այն փաստը, որ սպայի պատվի և ուսադիրների վերաբերյալ իր մոտեցումները շատ ավելի լուրջ են, խորքային և իր կողմից ավելի են գնահատվում, քան այն մարդու կողմից, ով չի ծառայել և բանակի հետ առնչվում է միայն ի պաշտոնե՝ շփվելով անձնակազմի հետ, ինչը դեռ քիչ է, որպեսզի հասկանաս, թե ինչ է ուսադիր կրելը»,-նշեց Բադալյանը:

Ըստ քաղտեխնոլոգի՝ երկրորդ մեսիջն այն է, որ Վանեցյանի փոխանցմամբ վարչապետն իր մոտ մարդ է ուղարկել, որպեսզի իրեն հորդորեն մի փոքր լռել՝ լարվածությունը թոթափելու նպատակով, բայց վարչապետն, ըստ էության, խախտել է այդ պայմանավորվածությունը: Այսինքն՝ վարչապետը լրագրողների հետ հանդիպման ժամանակ անում է հրապարակային հայտարարություն, իսկ տակից կատարում 180 աստիճանով հակառակ գործողություններ: Սրանով Վանեցյանը փորձում է ցույց տալ վարչապետի իրական կերպարը:

Կլինե՞ն նոր պաշտոնանկություններ. պատասխանում է Ավինյանը

«Երրորդ մեսիջն այն է, թե ով ի վերջո կհայտնվի աղբանոցում: Հասկանալի է, թե Վանեցյանը կոնկրետ ում նկատի ուներ: Չորրորդ մեսիջն այն է, որ վարչապետն իրեն հաշիվ չի տալիս, թե ինչ և որտեղ կարելի է խոսել, մինչդեռ Վանեցյանը գիտակցում է, թե ինչ կլինի, եթե ինքը սկսի խոսել: Նա տեղեկացված է և կարող է տեղյակ լինել, թե ինչպես է օրինակ տեղի ունեցել թավշյա հեղափոխությունը կամ, ում հետ ինչ պայմանավորվածություններ է ունեցել Նիկոլ Փաշինյանը, ինչ հարաբերությունների մեջ է վարչապետը կոռուպօցիոն այս կամ այն խմբավորման հետ»,-նշում է Արմեն Բադալյանը:

Վանեցյանի հայտարարությունները ոչ միայն սպային, այլև շարքայինին պատիվ չեն բերում. Ավինյան

Չորրորդ մեսիջն այն է, որ վարչապետն իրեն հաշիվ չի տալիս, թե ինչ և որտեղ կարելի է խոսել, մինչդեռ Վանեցյանը գիտակցում է, թե ինչ կլինի, եթե ինքը սկսի խոսել: Նա տեղեկացված է և կարող է տեղյակ լինել, թե ինչպես է, օրինակ, տեղի ունեցել թավշյա հեղափոխությունը կամ, ում հետ ինչ պայմանավորվածություններ է ունեցել Նիկոլ Փաշինյանը, ինչ հարաբերությունների մեջ է կոռուպցիոն այս կամ այն խմբավորման հետ: 

Ինչ է հուշում Փաշինյան-Վանեցյան առճակատումը. վարչապետը ծուղակո՞ւմ է հայտնվել

Քաղտեխնոլոգի կարծիքով՝ մեսիջներից զատ ամենակարևոր հանգամանքն այն է, որ ԱԱԾ նախկին տնօրենը չլռեց ու պատասխանեց վարչապետին՝ ցույց տալով, որ վերջին խոսքն այս ամենի մեջ իրենն է: 

190
թեգերը:
Նիկոլ Փաշինյան, Արթուր Վանեցյան, քաղտեխնոլոգ, Արմեն Բադալյան, Հայաստան
Ըստ թեմայի
Ուժայինները հասել են սկանդալային նախկին սուպերնախարարին․ բայց ինչո՞ւ հիմա
Բադալյան․«Վարչապետը փորձում է իր վարկանիշն օգտագործելով՝ նպաստել հանքի գործարկմանը»
Վանեցյանը կարող է լավ այլընտրանք լինել Փաշինյանի իշխանությանը. քաղտեխնոլոգ
Բադալյան. «Կոնֆլիկտը Հայաստանին և Ադրբեջանին թույլ չի տա լինել ռազմաքաղաքական մեկ միության մեջ»
Հայկ Ալումյան

Ինչու են Ռոբերտ Քոչարյանի պաշտպանները բողոք ներկայացրել Վճռաբեկ դատարան

112
(Թարմացված է 23:18 11.07.2020)
ՀՀ երկրորդ նախագահի պաշտպան Հայկ Ալումյանը վստահեցնում է, որ Ռոբերտ Քոարյանի նկատմամբ առհասարակ որևէ խափանման միջոց կիրառելու հիմք չկա։
Ալումյան. «Ռոբերտ Քոարյանի նկատմամբ առհասարակ որևէ խափանման միջոց կիրառելու հիմք չկա»

Մարտի 1-ի գործով ամբաստանյալ, հունիսի 18-ին 2 միլիարդ դրամ գրավի դիմաց կալանքից ազատ արձակված Ռոբերտ Քոչարյանի փաստաբանները բողոք են ներկայացրել Վճռաբեկ դատարան, որով վիճարկում են Վերաքննիչ դատարանի դատավոր Արսեն Նիկողոսյանի՝ 2 միլիարդ դրամ գրավով Ռոբերտ Քոչարյանին ազատ արձակելու որոշումը:

Քոչարյանի պաշտպանական թիմի անդամ Հայկ Ալումյանը Sputnik Արմենիային հայտնեց, որ իրենք կտրականապես համաձայն չեն դատարանի այն հետևություններին, որոնց համաձայն՝ Քոչարյանի նկատմամբ անհրաժեշտ է խափանման միջոց կիրառել: Պաշտպանական թիմը կարծում է, որ նրա նկատմամբ առհասարակ որևէ խափանման միջոց կիրառելու հիմք չկա:

«Հիշեցնեմ, որ 2018թ.-ի օգոստոսին 13-ին, երբ Վերաքննիչ դատարանի որոշմամբ պարոն Քոչարյանը ազատ էր արձակվել, նրա նկատմամբ որևէ խափանման միջոց կիրառված չէր, և ընթացքը ցույց տվեց, որ այդպիսի անհրաժեշտություն չկա: Պարոն Քոչարյանն իր գործողություններով ցույց տվեց, որ բացարձակապես որևէ մտավախության հիմք չկա, որ ինքն առանց խափանման միջոցի մնալու կարող է փորձել խոչընդոտել քննությունը կամ թաքնվել քննությունից»,- նշեց փաստաբանը:

Նրա խոսքով՝ Վերաքննիչ դատարանը, սակայն, գրավը կիրառել է` հաշվի առնելով, որ գոյություն ունի վտանգ, որ պարոն Քոչարյանը կարող է խոչընդոտել գործի քննությունը, այսինքն՝ գրավի կիրառումը պայմանավորված է նրանով, որ Վերաքննիչ դատարանը համարել է, որ գոյություն ունի խոչընդոտելու հավանականություն, հետևաբար այդ հավանականությունը զսպելու համար գրավ է կիրառել, բայց պաշտպանական թիմը պնդում է, որ այդպիսի հավանականություն առհասարակ չկա:

«Երկրորդ՝ մենք համարում ենք, որ եթե անգամ Վերաքննիչ դատարանը խափանման միջոց կիրառելու պատճառ կամ անհրաժեշտություն էր տեսել, ապա ինչո՞ւ նախկին չորս վարչապետների երաշխավորությունը հաշվի չառավ, այլ հենց հատկապես գրավը կիրառեց: Մենք գտնում ենք, որ եթե անգամ Վերաքննիչ դատարանն ուներ ինչ-որ մտավախություններ ու, ելնելով դրանցից, համարեց, որ պետք է խափանման միջոց կիրառել, ապա նախկին վարչապետների անձնական երաշխավորությունն ավելի քան արդյունավետ կլիներ նման դեպքում»,- ասաց ՀՀ երկրորդ նախագահի պաշտպանը:

Ալումյանը նշեց նաև, որ իրենց համար անհասկանալի է գրավի նման բարձր չափը:

Հիշեցնենք` ՀՀ երկրորդ նախագահին մեղադրանք է առաջադրվել 2008 թ.–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։ Նա իրեն ուղղված մեղադրանքները քաղաքական հետապնդում է համարում։ 2018թ-ին Քոչարյանին երկու անգամ ձերբակալեցին:

Ռոբերտ Քոչարյանը ցույց է տվել՝ ինչպես է զբաղվում սպորտով. տեսանյութ

2019 թվականի հունիսի վերջին նա ձերբակալվեց երրորդ անգամ: 2020 թվականի հունիսի 18-ին Վերաքննիչ քրեական դատարանի դատավոր Արսեն Նիկողոսյանը որոշեց Քոչարյանին ազատ արձակել 2 մլրդ գրավի դիմաց։ Երկրորդ նախագահին նաև կաշառք ստանալու մեղադրանք է առաջադրված։

Դատախազությունը Քոչարյանին գրավի դիմաց ազատ արձակելու որոշման դեմ բողոք է ներկայացրել

112
թեգերը:
Դատարան, Հայկ Ալումյան, Ռոբերտ Քոչարյան, Հայաստան
թեմա:
Ռոբերտ Քոչարյանի գործը
Ըստ թեմայի
«Տանը». Ռոբերտ Քոչարյանի տեսքն ուրախացրել է հետևորդներին. լուսանկար
«Նորից միասին»․ Բելլա Քոչարյանը ամուսնու հետ լուսանկար է հրապարակել
Ռոբերտ Քոչարյանը խաղում է թոռնիկների հետ. փոքրիկ Դավիթը չի կարողանում զսպել էմոցիաները
Հայկուհի Հարությունյան

Չնայած պայքարի առաջընթացին՝ կոռուպցիան մեր իրականությունից չի վերացել. Հարությունյան

46
(Թարմացված է 23:27 10.07.2020)
Կոռուպցիայի կանխարգելման հանձնաժողովի նախագահ Հայկուհի Հարությունյանը Sputnik Արմենիայի եթերում անդրադարձել է հանձնաժողովի գործունեությանը, հետագա անելիքներին, ինչպես նաև բացահայտումներին: 
Հարությունյան. «Կոռուպցիայի դեմ պայքարի հանրային ընկալումներում գրանցվել է էական առաջընթաց»

Կոռուպցիայի կանխարգելման հանձնաժողովի նախագահ Հայկուհի Հարությունյանի փոխանցմամբ՝ հնաձնաժողովը հնարավորություն է տվել ավելի մանրամասն և հիմնավորված տվյալներ ներկայացնել գույքի ու եկամուտների վերաբերյալ, և եթե դա հնարավոր է դիտարկել որպես նաև առաջիկայում պատասխանատվության տեսանկյունից անձանց վարքագծի փոփոխություն, ապա սա փոքր, բայց նշմարելի փոփոխություն է: Իսկ երկարաժամկետ կտրվածքով Հարությունյանը կարևորում է պաշտոնատար անձանց բարեվարքության հետագա ստուգումը, հատկապես ապագայում պաշտոնի հավակնող թեկնածուների վարքագծի ստուգումը: 

«Պետբյուջեով հանձնաժողովին փոխանցված միջոցները բավարար գնահատել հնարավոր չէ, բայց հանձնաժողովն առաջիկայում ինքն արդեն գործունեության ամբողջական ծրագրից  բխող բյուջետային հայտի ուղղությամբ աշխատանքներ է տանում, որպեսզի ստանա և ապահովված լինի նյութական բոլոր ռեսուրսներով, որոնք անհրաժեշտ են մեծ և լիածավալ մանդտի իրականացման համար»,- Sputnik Արմենիայի հետ զրույցում ասաց նա: 

Հանձնաժողովի նախագահի կարծիքով՝ 2018թ-ի հեղափոխությունից հետո լրիվ նոր օրակարգ ձևավորած և մեծ հավակնություններ ունեցող իշխանության համար, որը գտնում է, որ կոռուպցիան իսկապես պետք է բացառվի պետական կառավարման համակարգում, աջակցությունը ԱՄՆ-ից ու Եվրամիությունից նախօրոք պլանավորվել և իրականացվում է, հետևաբար, ներկայացվող օժանդակությունը բավականին արժեքավոր է ճիշտ քաղաքականություն մշակելու առումով և պրակտիկայում ճիշտ գործողություններ իրականացնելու տեսանկյունից: 

Խորհրդակցություն կառավարությունում. Հակակոռուպցիոն կոմիտեին առնչվող հարցեր են քննարկվել

Հարությունյանի տեղեկացմամբ՝ հանձնաժողովը պաշտոնատար անձանց բարեվարքության ստուգման հարցում արդեն իսկ ստացել է արտասահմանյան գործընկերների խորհրդատվական աջակցությունը: Նրա հավաստմամբ՝ կոռուպցիայի դեմ պայքարի հանրային ընկալումներում գրանցվել է էական առաջընթաց, սակայն դեռևս բավարար չէ արձանագրելու, որ կոռուպցիան արդեն վերացած է մեր իրականությունից, հենց դրա համար էլ պետությունը համառորն շարունակում է ջանքեր ներդնել կոռուպցիայի դեմ պայքարում՝ պլանավորելով Կոռուպցիայի կանխարգելման հանձնաժողովի, առաջիկայում ձևավորվելիք Հակակոռուպցիոն կոմիտեի, ինչպես նաև մասնագիտակցված հակակոռուպցիոն դատարանների աշխատանքները:

Սողոմոնյան. «Հակակոռուպցիոն մարմնի ստեղծման գործընթացն ամբողջությամբ քաղաքականացված է»

Հիշեցնենք՝ այսօր հայտնի դարձավ, որ ԱՄՆ-ն մտադիր է հատուկ մասնագետ վարձել, որը Հայաստանի իշխանությանը խորհրդատվություն կտրամադրի իրավապահ ոլորտում բարեփոխումների մշակման և հակակոռուպցիոն ծրագրերի իրագործման վերաբերյալ։

46
թեգերը:
Հակակոռուպցիոն կոմիտե, կոռուպցիա, Հայաստան, ԱՄՆ
Ըստ թեմայի
Պատրաստվեք... Կոռուպցիայի կանխարգելման հանձնաժողովը նախարարի հանդեպ տույժ է կիրառել
«Կոռուպցիայի որևէ դրսևորում անարձագանք չի մնալու». ԱԱԾ պաշտոնյա է կալանավորվել. տեսանյութ
«Եթե ես կոռուպցիայի մեջ ներգրավվեմ, կոչ եմ անում ինձ կախաղան հանել». Փաշինյան
Հայաստանի կոռուպցիայի և թալանի մասին խոսում են Ալիևն ու Փաշինյանը. Սարգսյանի պատասխանը
Էթերի Տուտբերիձե

Տուտբերիձեն առաջ անցավ Հարությունյանից և աշխարհի լավագույն մարզիչ ճանաչվեց

0
(Թարմացված է 23:55 11.07.2020)
Միջազգային հանրությունը գնահատեց հանրահայտ Տուտբերիձեի պրոֆեսիոնալիզմը, ինչի շնորհիվ մի շարք նվաճումների է հասել Մեդվեդևան։

ԵՐԵՎԱՆ, 11 հուլիսի - Sputnik. Ռուսաստանի գեղասահքի վաստակավոր մարզիչ Էթերի Տուտբերիձեն հաղթեց Չմշկասահքի միջազգային միության (ISU) «Skating Awards» մրցանակաբաշխության «լավագույն մարզիչ» անվանակարգում:

Արարողությունն անցկացվեց առցանց ռեժիմով։

Ռուսաստանցի մարզիչն առաջ անցավ ամերիկացի մասնագետ Ռաֆայել Հարությունյանից, որը մարզում է աշխարհի կրկնակի չեմպիոն Նաթան Չենին, և կանադացի Բրայան Օրսերից, որն աշխատում է օլիմպիական կրկնակի չեմպիոն ճապոնացի Յուձուրու Հանյուի և աշխարհի կրկնակի չեմպիոն Եվգենյա Մեդվեդևայի հետ (վերջինս մի շարք նվաճումների հասավ, երբ նրա մարզիչը Տուտբերիձեն էր):

«Նրան Ռուսաստան տարեք»․ գեղասահորդուհի Եվգենյա Մեդվեդևան զայրացրել է ճապոնացիներին

Մարզիչը հիմա աշխատում է 2018 թվականի օլիմպիական չեմպիոն Ալինա Զագիտովայի, 2020 թվականի Եվրոպայի չեմպիոն Ալյոնա Կոստորնայայի, Ռուսաստանի կրկնակի չեմպիոն Աննա Շչերբակովայի, Ռուսաստանի պատանեկան առաջնության կրկնակի չեմպիոն Դանիել Սամսոնովի հետ:

Եվգենյա Մեդվեդևան նորից իրարանցում է առաջացրել համացանցում. լուսանկար

0
թեգերը:
մրցանակ, Էթերի Տուտբերիձե, մարզիչ, գեղասահք
Ըստ թեմայի
Եվգենյա Մեդվեդևան ցույց է տվել` ինչպես է առավոտն անցկացնում Տորոնտոյում
«Ուզում եմ տատիս կանչել, իսկ նա Մոսկվայում է». Մեդվեդևան` իր կյանքի ամենադժվար փուլի մասին
«Առնվազն հիմարություն է». Մեդվեդևան խոսել է Զագիտովայի հանդեպ վերաբերմունքի մասին