Արտակ Զաքարյան

Զաքարյան. «Չնայած ներքին տարաձայնություններին՝ շատ ամուր բռունցքվելու ենք Արցախի հարցում»

41
(Թարմացված է 15:33 19.09.2019)
Զաքիր Հասանովի հայտարարությունը քաղաքական մոտիվներ ունի, որն արվում է ներքին լսարանի համար, միևնույն ժամանակ, անընդհատ փորձ է արվում օրակարգում պահել ռազմական լուծման տարբերակը, և այն բարձրացնել միջազգային մակադակի։

Պաշտպանության նախկին փոխնախարար, Հանրապետական կուսակցության խորհրդի անդամ Արտակ Զաքարյանը Sputnik Արմենիայի հետ զրույցում անդրադարձել է Ադրբեջանի պաշտպանության նախարար Զաքիր Հասանովի ռազմատենչ հայտարարությանը` կապված «Արցախը Հայաստան է և վերջ» արտահայտության հետ, որը Ստեփանակերտում օգոստոսի սկզբին հնչեցրել էր Հայաստանի վարչապետ Նիկոլ Փաշինյանը։ Զաքարյանը հիշեցնում է, որ նախքան Ադրբեջանի պաշտպանության նախարարի հայտարարությունը, Փաշինյանի արտահայտությանն արձագանքել էր նաև Ադրբեջանի ԱԳՆ-ն։

«Ադրբեջանի պաշտպանության նախարար Զաքիր Հասանովի հոխորտալը բնականաբար շարունակությունն է նախկինում ունեցած ռազմատենչ հռետորաբանության։ Բայց ամբողջ խնդիրն այն է, որ նախկինում մենք կարողանում էինք բանակցային գործընթացում քաղաքական առումով բալանսները պահել, ինչն այսօր, ցավոք, չի երևում»,-նշում է ՀՀ պաշտպանության նախկին փոխնախարարը։

Ըստ Արտակ Զաքարյանի՝ այսօր պետք է ավելի մեծ շեշտադրում անենք ուժայինի վրա, և առաջին հերթին՝ ներքին կայունություն, ներքին համերաշխության մթնոլորտ ապահովենք, ինչը, ցավոք, դեռևս լիարժեք չի իրականացվում։

Ադրբեջանի արձագանքը կանխատեսելի էր. տարակուսանք են առաջացնում Վրաստանը և Ուկրաինան

«Զաքիր Հասանովի հայտարարությունը քաղաքական մոտիվներ ունի, որն արվում է ներքին լսարանի համար, միևնույն ժամանակ, անընդհատ փորձ է արվում օրակարգում պահել ռազմական լուծման տարբերակը, և այն բարձրացնել միջազգային մակադակի։ Ինչ-որ առումով՝ փորձում են նաև ՀՀ հասարակության վրա հոգեբանական ճնշում գործադրել»,-նշում է ՀՀԿ խորհրդի անդամը։ Ըստ պաշտպանության նախկին փոխնախարարի՝ բոլորս միասին, առաջին հերթին՝ մեր երկրի իշխանությունները պետք է ամեն ինչ անեն, որ նույնիսկ հոգեբանական առումով Ադրբեջանի նման վարքը մեր հասարակության որևէ ազդեցություն չունենա։

«Իշխանությունից հեռանալուց առաջ ասել ենք, որ 4 հիմնական խնդիր կա մեր ամենօրյա ուշադրության կենտրոնում, որոնցից առաջինը արցախյան հիմնահարցն է։ Թեև մենք ներքաղաքական գործընթացներում շատ հաճախ քննադատում ենք, սակայն երբ խնդիրը հասավ անվտանգությանը, բնականաբար, մենք շատ ամուր բռնունցքվելու ենք Արցախի անվտանգության հարցում»,-վստահեցնում է Արտակ Զաքարյանը։

Ադրբեջանի պաշտպանության նախարար Զաքիր Հասանովն արձագանքել էր ավելի քան մեկ ամիս առաջ Արցախի մայրաքաղաք Ստեփանակերտում Հայաստանի վարչապետ Նիկոլ Փաշինյանի՝ «Արցախը Հայաստան է և վերջ» արտահայտությանն ու հանդես եկել հերթական ռազմատենչ հայտարարությամբ, ասելով՝ «Մենք մեր խոսքը կասենք ռազմի դաշտում, և մենք երազում ենք այդ մասին. այն շուտով ի կատար կածվի: Այդ ժամանակ կտեսնենք, թե նա պատասխանատո՞ւ է իր խոսքերի համար, թե՞ ոչ»։

Հիշեցնենք, որ ՀՀ պաշտպանության նախարարի առաջին տեղակալ Արտակ Զաքարյանը պաշտոնից հրաժարվելու դիմում գրեց 2018թ.-ի մայիսի 8-ին՝ իր որոշումը հիմնավորելով քաղաքական իրավիճակի փոփոխությամբ։

41
թեգերը:
Նիկոլ Փաշինյան, ՀՀ Պաշտպանության նախարարություն (ՊՆ), Արտակ Զաքարյան, Արցախի պաշտպանության բանակ (ՊԲ), Արցախ
Ըստ թեմայի
Եվ կրկին Նախիջևանը. ի՞նչ էր «ազատագրում» Զաքիր Հասանովը և արդյո՞ք մտահոգվելու առիթ կա
ՀՀ պաշտպանության նախարարությունը պատասխանել է «հողեր ազատագրած» Զաքիր Հասանովին
Հասանով. 100 տարի անց Թուրքիան նոր ցեղասպանություն է իրականացնում
Ինչպես արցախցիներն Ադրբեջանին առաջարկեցին վարձակալել Լաչինի միջանցքը. տեսանյութ

sys_stories