Վարդան Այվազյան

Այվազյան. «Արարատ Միրզոյանի հայտարարությունը կոպտագույն միջամտություն է»

75
(Թարմացված է 12:10 17.09.2019)
Երևանի պետական համալսարանի իրավագիտության ֆակուլտետի սահմանադրական իրավունքի ամբիոնի վարիչ Վարդան Այվազյանն անդրադարձել է Ազգային ժողովի նախագահ Արարատ Միրզոյանի` Սահմանադրական դատարանին ու դրա շուրջ ստեղծված իրավիճակի մասին հայտարարությանը։

Վարդան Այվազյանը միայն մեկ փաստով է կիսում Ազգային ժողովի նախագահ Արարատ Միրզոյանի հայտարարությունը։ Նա այս մասին ասաց Sputnik Արմենիայի հետ զրույցում։ Դա այն է, որ 2018 թվականի ապրիլին ուժի մեջ մտած սահմանադրական կարգավորումներով Սահմանադրական դատարանի դատավորներին դատարանի նախագահ ընտրելու իրավունք է վերապահվել: Մինչդեռ այդ կարգավորումների՝ ուժի մեջ մտնելուց օրեր առաջ՝ մարտի 23-ին, Սահմանադրական դատարանի անդամ, իսկ մինչ այդ պաշտոնում ընտրվելը ՀՀԿ-ի անդամ, Ազգային ժողովի քաղաքական մեծամասնության՝ Հանրապետական խմբակցության անդամ, քաղաքական գործիչ՝ Սահմանադրական դատարանի նախագահ նշանակվելու փաստը, ինչպես նաև այդ փաստի բերումով այս պաշտոնում Հրայր Թովմասյանի մինչև 2035 թվականը նախատեսվող պաշտոնավարումն ըստ էության զրկել են Սահմանադրական դատարանի դատավորներին դատարանի նախագահ ընտրելու հնարավորությունից:

Այվազյանը մնացած առումով անթույլատրելի է համարում իշխանության որևէ մարմնի միջամտությունը դատական բարձրագույն մարմնի գործունեությանը։

«Իրական հեղափոխություն կլիներ, եթե իշխանության գալու պահից ընդհանրապես դադարեցվեր գործող սահմանադրությունն ու իրավական համակարգը, և հեղափոխության եկած ուժը հանրության հաստատմանը ներկայացներ արդեն իր իսկ ունեցած պատրաստի գրագետ մշակված սահմանադրությունը, ինչը չարվեց»,– ասում է նա։

Քոչարյանի գործով ՍԴ որոշումն ակնհայտորեն ապօրինի էր. Նիկոլ Փաշինյան

Ըստ Այվազյանի` ավելին, վարչապետի պաշտոնը զբաղեցնելը և Ազգային ժողովի ընտրությունները եղան գործող սահմանադրությամբ և ընթացիկ օրենքների կարգավորումներով։

«Այս պարագայում, եթե իշխանություններն արել են այս քայլերը, ապա այդքանից հետո ՍԴ-ի ընդունած որոշմանը քաղաքական գնահատական տալը ոչ այլ ինչ է, եթե ոչ սահմանադրությամբ ամրագրված իշխանությունների տարանջատման սկզբունքի կոպտագույն ոտնահարում։ Որևէ պետական մարմին իրավունք չունի դիրքորոշում արտահայտել` լավն է, թե վատն է ՍԴ-ի ուժի մեջ մտած որոշումը»,- ընդգծում է մասնագետը։

Նրա խոսքով` եթե ԱԺ-ն կարող է քաղաքական գնահատական տալ ՍԴ-ի որոշմանը, ապա ցանկացած քաղաքացի, նույն տրամաբանությամբ, կարող է գնահատական տալ ԱԺ-ի ընդունած օրենքներին, և մեր հասարակությունը կվերածվի Սոդոմ-Գոմորի և քաոսի։

«Այս համատեքստում ԱԺ-ի նախագահի հայտարարությունը կոպտագույն միջամտություն է, և ոտնահարվում է իշխանությունների տարանջատման սկզբունքը»,- վստահեցնում է Այվազյանը։

Հիշեցնենք, Ազգային ժողովի նախագահ Արարատ Միրզոյանը խորհրդարանում անդրադարձել է Սահմանադրական դատարանին ու դրա շուրջ ստեղծված իրավիճակին ու հայտարարել, որ Ազգային ժողովը` որպես Հայաստանի ժողովրդի օրինական և լեգիտիմ ներկայացուցիչ և առաջնային մանդատով օժտված միակ պետական ինստիտուտ, իր իրավասությունների շրջանակում իր դիրքորոշումը պիտի արտահայտի վերը նկարագրված խնդիրների և իրավիճակի կապակցությամբ:

«Փոթորիկ մի բաժակ ջրում». ո՞վ է կազմել Քոչարյանի գործով ՍԴ դիմումը, և ի՞նչ կապ ունի Elawphant–ը

75
թեգերը:
Վարդան Այվազյան (սահմանադրագետ), Արարատ Միրզոյան, Հայաստան
Ըստ թեմայի
Հայաստանի ու Արցախի միջև ոչ ոք չի կարող սեպ խրել. Արարատ Միրզոյանը Ստեփանակերտում է
Ինչո՞ւ Արարատ Միրզոյանը չի մասնակցել Գագիկ Ծառուկյանի դստեր հարսանիքին. «Հրապարակ»
«Գուցե հարցը կացնով լուծելու պահանջարկ կա, բայց մենք այդպես չենք կարող». Արարատ Միրզոյան

sys_stories