Գայանե Ավագյան

Ավագյան. «Կարևորը անպտղության կանխարգելումն է. առողջ ապրելակերպ, անվտանգ սեռական վարքագիծ»

14
(Թարմացված է 18:19 11.09.2019)
Մայրական և վերարտադրողական առողջության պահպանման բաժնի պետ Գայանե Ավագյանը Sputnik Արմենիայի հետ զրույցում խոսել է կառավարության կողմից անպտղությունը կանխարգելող ծրագրի մշակման մասին, կարևորելով կանխարգելիչ միջոցառումների անցկացումն ու իրազեկումը։

Հանրապետությունում հաշվառված է 20.000–ից ավելի առաջնային անպտղությամբ տառապող զույգ, որոնց պետությունը չի կարող  միանգամից օգնել։ Այս մասին Sputnik Արմենիայի հետ զրույցում ասաց Գայանե Ավագյանը։

«Պետք է լինեն ընտրության որոշակի չափանիշներ։ Իհարկե, իդեալական կլիներ, որ պետությունը կարողանար առաջնային անպտղությամբ տառապող բոլոր զույգերին աջակցել, սակայն հնարավոր չէ»,- ասաց նա։

Ավագյանը կարծում է, որ անպտղության հարցում ամենակարևոր նպատակը կանխարգելումն է։

«Առողջ ապրելակերպ, անվտանգ սեռական վարքագիծ, ճիշտ սնուցում։ Սրանք անպտղությունից խուսափելու կարևորագույն պայմաններից են։ 18 տարեկան աղջիկներին և տղաներին մենք հետազոտում ենք, գնահատում  վերարտադրողական օրգանների վիճակը, ախտահարումների դեպքում այժմ նաև աղջիկներին ենք բուժում։ Հյուս ունենք առողջացնել մայրական պոտենցիալը»,–նշեց Ավագյանը։ 

Մասնագետների ահազանգը․ դեռահասության շրջանում մազահեռացումը կարող է ճակատագրական լինել

Ըստ նրա`հասարակության շրջանում նաև լայն իրազեկման անհրաժեշտություն կա. այն կարող է մեծ ազդեցություն ունենալ կնոջ և տղամարդու սեռական ֆունկցիայի վրա։ Ժողովուրդը դեմ է պատվաստումներին, մինչդեռ դրանց  ազդեցությունը վերարտադրողական ֆունկցիայի վրա բարերար ազդեցություն ունի։ 

«Կան տղամարդիկ, որոնք ունեն սպերմայի խնդիր` դա խոզուկի վարակիչ հիվանդության հետևանք է։ ԿԿԽ-ի պատվաստման նպատակը այն է, որ տղաները խոզուկով չհիվանդանան»,–ասաց Ավագյանը։

Նրա խոսքով` արհեստական բեղմնավորման մինչև 6 փորձ անվճար ծրագրով թույլատրելի է, բեղմնավորման առաջին, երկրորդ փորձի 50%–ը պետությունը վերցնում է իր վրա և եթե սաղմ ստանան, ապա 2–րդ ու 3–րդ սաղմերի տեղադրումը նույնպես կկատարվի անվճար։

Գործում է տարիքային սահմանափակում` մինչև 35 տարեկան, քանի որ 36–ից հետո երեխա ունենալու հավանականությունը նվազում է։ Աջակցությունը տրամադրվում է ըստ հերթագրման կարգի։  Հետազոտությունը շահառուների համար անվճար է։

Անվճար պայմաններով անպտղության բուժման ծրագրից կարող է օգտվել 290 զույգ։

Սկանդալ Գարդասիլ պատվաստանյութի շուրջ․ արդյո՞ք պատվաստվածներին անպտղություն է սպառնում

Նշենք նաև, որ անպտղության բուժումն անվճար կլինի այն դեպքում, երբ ամուսիններից մեկը զինծառայող է կամ զույգերն ընդգրկված են ընտանեկան նպաստի համակարգում (30.01 և ավել բարձր անապահովության բալ ունեցողներ)։ Բուժումն անվճար կլինի նաև սոցիալական աջակցություն ստացող սահմանամերձ համայնքների բնակիչներին, ինչպես նաև այն զույգերին, որոնցից մեկի մոտ առկա է հաշմանդամություն։ <

14
թեգերը:
երեխա, սաղմ, կանխարգելում, անպտղություն, Գայանե Ավագյան (Մայրական և վերարտադրողական առողջության պահպանման բաժնի պետ), Հայաստան
Ըստ թեմայի
Առողջապահության նախարարությունը մոտ 200 մլն դոլար կհատկացնի անպտղության դեմ պայքարի համար
Նիկոլ Փաշինյանի ու նախարարի երկխոսությունը կամ պետական ո՞ր ծրագիրը կոռուպցիոն ռիսկ չունի
ՄՊՎ–ի դեմ պատվաստանյութը բացասաբար չի ազդում ապագա հղիության վրա. Տերմենջյան
Դա արվելու է խնամի, ծանոթ, բարեկամ սկզբունքով. Փաշինյանը չընդունեց Թորոսյանի առաջարկը