Նարեկ Միրզոյան

Միրզոյան. «Ջերմուկում Ամուլսարի հետ կապված տրամադրություններն անփոփոխ են»

492
(Թարմացված է 15:58 08.09.2019)
Ջերմուկի զբոսաշրջություն զարգացման կենտրոնի հիմնադիր տնօրեն Նարեկ Միրզոյանը Sputnik Արմենիայի հետ զրույցում խոսում է Ամուլսարի հետ կապված զարգացումների և հարցի շուրջ ջերմուկցիների տրամադրվածության մասին։
Նարեկ Միրզոյան. «Ջերմուկում տրամադրություններն անփոփոխ են. մարդիկ դեմ են ոսկու հանքի շահագործմանը»

Նա ներկա չի եղել վարչապետի և համաքաղաքացիների երևանյան քննարկմանը, բայց հետևել է հանդիպման վերաբերյալ տեղեկատվությանը:

«Կարծում եմ, այն հարցը, ինչի համար գնացել էին մեր ընկերները՝ Ամուլսարի հանքը պետք է շահագործվի՞, թե՞ ոչ, պատասխանը մենք դեռ չենք ստացել: Ուղղակի մտածում էինք, որ քննարկմանը արդեն հստակ որոշում կլիներ, ու մեզ հստակ պատասխան կտային, բայց, ցավոք, հստակ պատասխան մեզ չտվեցին»,-ասում է Նարեկ Միրզոյանը:

Ինչ վերաբերում է վարչապետ Նիկոլ Փաշինյանի և «Լիդիանի» ղեկավար-ներկայացուցիչների՝ նույն օրը տեղի ունեցած հանդիպմանը, ապա դա մեր զրուցակցին, ով դեմ է ոսկու հանքի շահագործմանը, ոչինչ չի հուշել. «Եղել է հանդիպում, որը մենք էլի ողջունում ենք: Պետք է լսել մի կողմին ու մյուս կողմին ևս: Ուղղակի ցանկալի կլիներ, որ եռակողմ հանդիպում լիներ, արդեն՝ վարչապետի, բնակչության և «Լիդիանի» ներկայացուցիչների միջև, որպեսզի բոլորս կարողանայինք դեմ դիմաց նստել և մեր հարցերի պատասխանները հստակ ստանալ»:

Հնարավո՞ր է, որ այս ընթացքում Ամուլսարի ոսկու հանքի շահագործման հարցում Ջերմուկում տրամադրություններ են փոխվել:

Նարեկ Միրզոյանի դիտարկմամբ՝ ջերմուկցիների տրամադրություններում ոչ մի փոփոխություն չի եղել: Նրա խոսքով՝ ինչպես մեկ տարի առաջ բնակչության զգալի մասը կանգնեց և ոսկու հանքավայրի շահագործմանը դեմ արտահայտվեց, առ այսօր այդ տրամադրվածությունը պահպանվել է: Միրզոյանը համոզված է` Ջերմուկը եղել է հանքաջրաբուժական կենտրոն, Ջերմուկը հիմա այդ «թեքումով» զբոսաշրջային կենտրոն է և պետք է այդպիսին մնա ու զարգանա ու չվերածվի ոսկու հանքավայրի:

Հիշեցնենք, որ սեպտեմբերի 6–ին ՀՀ վարչապետ Նիկոլ Փաշինյանը Ամուլսարի թեմայով հանդիպում է ունեցել ջերմուկցիների, ապա «Լիդիան ինթերնեյշնլ» ընկերության ժամանակավոր նախագահ և գործադիր տնօրեն Էդվարդ Սելլերսի և «Լիդիան Արմենիա» ընկերության գործադիր տնօրեն Հայկ Ալոյանի հետ:

 

492
թեգերը:
Ամուլսար, Լիդիան, Նիկոլ Փաշինյան, Ջերմուկ, հանք, հանքարդյունաբերություն
թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (88)
Ըստ թեմայի
Ամուլսարի հարցը քննարկվել է կառավարությունում. Փաշինյանը հանձնարարական է տվել
Ինչ է որոշվել Ամուլսարի հարցի քննարկմանը. Վլադիմիր Կարապետյանը մանրամասներ է հայտնում
Ամուլսարի հարցով նոր ՇՄԱԳ անցկացնելու վերաբերյալ դեռ վերջնական որոշում չկա. Կարապետյան
Հովհաննես Քոչարյան

Պետությունը պետք է պաշտպանի իր ծառայողներին. Քոչարյանը` հայհոյանքը քրեականացնելու մասին

48
(Թարմացված է 22:17 30.07.2021)
ՀՀ ոստիկանապետի նախկին տեղակալ Հովհաննես Քոչարյանը Sputnik Արմենիայի եթերում անդրադարձել է Ազգային ժողովի կողմից հայհոյանքը քրեականացնելու մասին նախագծի ընդունմանն ու կիրառական նշանակությանը։
Հովհաննես Քոչարյան. «Որպեսզի օրենքն աշխատի, կաևոր է նաև կայուն դատական պրակտիկայի ձևավորման խնդիրը»

ՀՀ ոստիկանապետի նախկին տեղակալ Հովհաննես Քոչարյանը ողջունում է հայհոյանքը քրեականացնելու մասին նախագծի ընդունումը։

Նրա կարծիքով` եթե խոսքը վերաբերում է, օրինակ, պետական ծառայողներին, ապա պետությունը պետք է կարողանա իր ծառայողներին պաշտպանել հարձակումներից։ Դա կարող է լինել երկու ճանապարհով` կա՛մ վիրավորանքի ու զրպարտության դեպքում պետությունը ստանձնի իր ներկայացուցիչների պաշտպանությունը դատարանում քաղաքացիական կարգով վեճեր լուծելիս, կա՛մ պետք է քրեականացնի հայհոյանքը, ինչն արվեց։  

«Ոստիկանությունում աշխատելու տարիներին բազմիցս տեսել եմ, թե ինչպես են պաշտոնյաները դառնում զրպարտչական, վիրավորական հարձակումների թիրախ։ Ոչ մի պաշտոնական, պետական հերքում էլ արդյունք չէր տալիս։ Կարծում եմ, որ այս օրենքի ընդունումը մասնավորապես պետական ծառայողների պաշտպանության համար է, և, անկախ նրանց դիրքից և զբաղեցրած պաշտոնից, ճիշտ քայլ է։ Երբեմն թվում է, թե գործ ունենք մասնավոր դեպքերի հետ, բայց իրականում դա կապված է պաշտոնատար անձանց հանրային գործունեության հետ»,– ասաց ՀՀ ոստիկանապետի նախկին տեղակալը Sputnik Արմենիայի եթերում։

Անդրադառնալով մասնավորապես համացանցում, օնլայն հարթակներում հաճախ հնչող հայհոյանքներին` Քոչարյանն ընդգծեց, որ նշված տիրույթում վերահսկողության հետ կապված հարցի առթիվ ունի վերապահում, քանի որ իրավապահ մարմինները ծախսելու են մեծ ռեսուրսներ նույնականացնելու համար այն անձին, ով տարածում է հայհոյանքը համացանցում, հատկապես եթե քողարկված օգտատեր է։ Հետևաբար` այստեղ օրենքը կարող է լիարժեք չգործել, և այդ անձին ժամանակին հայտնաբերելը կարող է լինել խնդրահարույց։  

«ՏՏ ոլորտի մասնագետները քողարկված օգտատերերին բացահայտելու հնարավորությունն ունեն, բայց եթե հայհոյանքը դրսից է հասցեագրվում անձին կամ տեղեկատվական հարթությունում արվում է քողարկված կերպով, ապա այստեղ կարող են առաջանալ մեծ բարդություններ։ Սա խնդիր է, որն օրենքի լիարժեք կիրառման համար խոչընդոտ կհանդիսանա»,– նշեց ՀՀ ոստիկանապետի նախկին տեղակալը։  

«Հայհոյանքը քրեականացնելու ժամանակ դեռ կլինի». Զոհրաբյանը նյարդային ելույթ ունեցավ ԱԺ–ում

Քոչարյանի կարծիքով` կոնկրետ հայհոյանք բառի ձևակերպման ու եզրույթների հետ կարող են լինել անորոշություններ, սակայն չարժե բացարձականացնել հարցը, քանի որ Մարդու իրավունքների եվրոպական դատարանը և մեր Վճռաբեկ դատարանը վիրավորանքի և զրպարտության հատկանիշների վերաբերյալ բավականին հարուստ դիրքորոշումներ են կուտակել և այսօր էլ, երբ մարդու նկատմամբ կիրառվում է քաղաքացիական պատասխանատվություն, դա արվում է հենց այդ իրավական դիրքորոշումների շրջանակում։ 

Ըստ նրա` այժմ նույն իրավական դիրքորոշումներով պետք է քրեական արդարադատություն իրականացվի, և պետությունն այստեղ անզոր չէ այդ ինստիտուտը կիրառելու հարցում։ Ամեն դեպքում կայուն դատական պրակտիկայի ձևավորման խնդիր կա առաջիկայում, եթե օրենքն աշխատի և եթե ճիշտ դատական պրակտիկա ձևավորվի Եվրոպական դատարանի լույսի ներքո, ապա խնդիրը չի ծանրանա այն աստիճան, որ օրենքի վերանայման հարց առաջանա։    

Նշենք, որ Ազգային ժողովն այսօր ընդունեց հայհոյանքը քրեականացնելու մասին նախագիծը, որի համաձայն` հայհոյանքը, անգամ հեռավար պայմաններում (օնլայն), առաջացնում է պատիժ`տուգանքից մինչև կալանք։

Օրենքն ընդունվեց 75 կողմ ձայնով, ձեռնպահ և դեմ քվեարկողներ չկային։

48
թեգերը:
Հայաստան, ԱԺ, հայհոյանք, Օրենք
Ալեքսանդր Մարկարով

Ի՞նչ հարցեր են քննարկելու նոր գումարման ԱԺ–ի առաջին նիստում

39
Քաղաքագետ, ԱՊՀ ինստիտուտի հայաստանյան մասնաճյուղի տնօրեն Ալեքսանդր Մարկարովը Sputnik Արմենիայի եթերում անդրադարձել է Ազգային ժողովի ներկա գումարման վերջին նիստում քննարկված օրինագծերին, ինչպես նաև հաջորդ գումարման ԱԺ–ի օրակարգում ընդգրկվելիք հարցերին։
Ալեքսանդր Մարկարով. Օրակարգային հարցեր, որոնց մասին խոսում են ոչ այնքան ներքին, որքան արտաքին դերակատարները

Ազգային ժողովում կան քաղաքական դաշտի տարբեր հատվածների ներկայացուցիչներ, և նրանցից յուրաքանչյուրն ունի իր պատկերացումները ներքին ու արտաքին գերակայությունների վերաբերյալ, բայցևայնպես գալիք խորհրդարանի առաջին նիստում օրակարգային կդառնան այն հարցերը, որոնք հուզում են ամբողջ հասարակությանը և որոնց մասին խոսում են ոչ այնքան ներքին, որքան արտաքին դերակատարները։ Sputnik Արմենիայի հետ զրույցում նման կարծիք հայտնեց Ալեքսանդր Մարկարովը։

«Մենք տեսանք Մինսկի խմբի համանախագահների հայտարարությունը, Գերմանիայի խորհրդարանի հայտարարությունը, ՄԱԿ–ի կողմից հնչած անհանգստությունը, այսինքն` այն ամենը, ինչ օրակարգային է, իր անդրադարձը կգտնի ԱԺ հաջորդ գումարման հենց առաջին նիստում»,– ասաց քաղաքագետը։

Մարկարովի կարծիքով` այն հարցերը, որոնք քննարկվում էին ընթացիկ խորհրդարանի վերջին նիստում, գուցե հանրային տեսանկյունից չունեն առաջնային նշանակություն և գալիք ԱԺ–ում գուցե կունենային ավելի խորքային ու բովանդակային քննարկում, սակայն զուտ օրենսդրական նախաձեռնության ընդունման տեսանկյունից մեծամասնություն կազմած իշխող ուժը խնդիր չունի ոչ հիմա և ոչ էլ գալիք խորհրդարանում։

«Ամենայն հարգանքով Աճառյանի հանդեպ, բայց...». ԱԺ–ում վիճում են «հայհոյանք» բառի շուրջ

Հիշեցնենք, որ հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են «Քաղաքացիական պայմանագիր» կուսակցությունը (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան կանցնի իրավունքի ուժով՝ որպես երրորդ ամենաշատ ձայներ ստացած քաղաքական ուժ։

Նորընտիր Ազգային ժողովի առաջին նիստը կկայանա օգոստոսի 2-ին։

«Հայաստան» ու «Պատիվ ունեմ» դաշինքները հանդես կգան ԱԺ փոխխոսնակի միասնական թեկնածուով

39
թեգերը:
Հայաստան, ԱԺ, Ալեքսանդր Մարկարով
Ըստ թեմայի
Պատերազմը քննելու գործը իշխանությունը և ընդդիմությունը փորձում են խլել իրարից. Սուրենյանց
«Ես նմա՞ն եմ մարդու, որ վախենում է լրագրողներից». Ալեն Սիմոնյան
Սահմանին տեսալուսանկարահանում անելու համար 100 հազար դրամ տուգանք կսահմանվի
Դավիթ Դավիթյան

Ռուսական ակումբը պայմանագիր կկնքի Հայաստանի հավաքականի ֆուտբոլիստի հետ

0
(Թարմացված է 23:43 30.07.2021)
23-ամյա Դավիթ Դավթյանի ու Երևանի «Ալաշկերտի» պայմանագիրն ավարտվում է այս տարվա օգոստոսի 2-ին:

ԵՐԵՎԱՆ, 30 հուլիսի - Sputnik. Երևանի «Ալաշկերտի» և Հայաստանի հավաքականի կիսապաշտպան Դավիթ Դավիթյանն առաջիկայում պայմանագիր կկնքի ռուսական «Խիմկի» ֆուտբոլային ակումբի հետ: Տեղեկությունը հայտնում է «Մատչ TV»–ն։

Նշվում է, որ Դավիթյանը բուժզննում է անցնում և շուտով մարզումներ է անցնելու մերձմոսկովյան ակումբում:

«Ալաշկերտի» կազմում Դավիթյանն անցած մրցաշրջանում դարձել է Հայաստանի չեմպիոն, անցկացրել է 19 հանդիպում ՝ աչքի ընկնելով 5 գոլով և 3 գոլային փոխանցմամբ: 23-ամյա Դավիթյանը հրավիրվել էր Հայաստանի հավաքական՝ մասնակցելու Խորվաթիայի և Շվեդիայի հետ ընկերական հանդիպումներին:

Դավիթյանի պայմանագիրը «Ալաշկերտի» հետ ավարտվում է 2021 թվականի օգոստոսի 2-ին։

«Արարատ» -«Շլենսկն» ավարտվեց ոչ–ոքի, բայց հայկական թիմը դուրս մնաց Կոնֆերենցիաների լիգայից

0
թեգերը:
Հայաստան, Ռուսաստան, ֆուտբոլիստ
Ըստ թեմայի
Արցունք, ճիչ ու թենիսի կոտրված ռակետ. օլիմպիական խաղերի ամենավառ կադրերը
12-ից մինչև 66. Տոկիոյի Օլիմպիադայի ամենաերիտասարդ և ամենատարեց մարզիկները. լուսանկարներ
Մահանալ կորտո՞ւմ. Խաչանովին զայրացրել է, որ օլիմպիական խաղերը ցերեկվա շոգին են անցկացվում