«Կառավարության եզրակացությունը հակասում է հաշմանդամ երեխաների լավագույն շահին». Էդուարդ Իսրայելյան

211
(Թարմացված է 12:59 07.09.2019)
ՄԻՊ գրասենյակի երեխաների իրավունքների պաշտպանության բաժնի պետ Էդուարդ Իսրայելյանը Sputnik Արմենիայի «Մութ անկյուն» հաղորդման շրջանակում անդրադարձել է «Հայկական Կարիտաս» կազմակերպության «Երեխաների քաղաք» ծրագրի վերաբերյալ ՀՀ կառավարության կողմից տրված դրական եզրակացությանը։

Սոցիալական տարբեր խմբերին պատկանող և հաշմանդամություն ունեցող երեխաներին իրենց համայնքներից տեղափոխելը և նրանց համար հատուկ կառուցվող բնակավայրում տեղավորելը հակասում է համայնքում ապրելու հավասար իրավունքին («Հաշմանդամություն ունեցող անձանց իրավունքների մասին» ՄԱԿ-ի կոնվենցիա)։ Այդ մասին Sputnik Արմենիայի «Մութ անկյուն» հաղորդման շրջանակում ասաց ՄԻՊ գրասենյակի երեխաների իրավունքների պաշտպանության բաժնի պետ Էդուարդ Իսրայելյանը։

Ըստ Իսրայելյանի՝ քաղաքի կառուցումը հակասում է նաև ՄԱԿ-ի մանկական հիմնադրամի «Երեխայակենտրոն քաղաք» ծրագրի սկզբունքներին: «Երեխայակենտրոն քաղաք» ստեղծելը չի նախատեսում մեկուսացած բնակավայրերի կառուցում: 

Սահմանափակ հնարավորությունների պայմաններում ապրող երեխաների և հաշմանդամություն ունեցող երեխաների մասնակցությամբ կրթությունը խնդրահարույց է նաև երեխաների ներառականության տեսանկյունից: 

«Ծրագրի իրականացումն այս տարբերակով կնպաստի հաշմանդամություն ունեցող և սոցիալապես անապահով երեխաների նկատմամբ կարծրատիպերի խորացմանը, հետևաբար, կառավարության եզրակացությունը միանշանակ հակասում է նշված երեխաների լավագույն շահին»,- նշում է Իսրայելյանը: 

«Պետք չէ ստեղծել քաղաք, որը կպիտակավորի երեխաներին». պահանջում են չեղարկել որոշումը

ՄԻՊ գրասենյակն արդեն իսկ իր մտահոգություններն ու դիտարկումները փոխանցել է ՀՀ կառավարությանը՝ հույս հայտնելով, որ ծրագիրն այս տարբերակով կչեղարկվի:

211
թեգերը:
եզրակացություն, ՀՀ կառավարություն, երեխա, հաշմանդամ, ՀՀ ՄԻՊ, Հայաստան
թեմա:
Մութ անկյուն (86)
Ըստ թեմայի
Կառավարությունն ավելացնում է դայակներին տրամադրվող պետական աջակցությունը
Ինչո՞ւ են Հայաստանում ծնողները հրաժարվում երեխաներից. սոցապ նախարարության մեկնաբանությունը
Օտարների դեպքում կապը կտրվում է. ի՞նչ կփոխվի հայ երեխաների որդեգրման գործընթացում

sys_stories