Հրանտ Միքայելյան. արխիվային լուսանկար

Միքայելյան. ««Էլարդի» զեկույցն այնպես է գրված, որ ով ինչպես ուզի՝ կարող է մեկնաբանել»

80
(Թարմացված է 21:30 30.08.2019)
Քաղաքագետ Հրանտ Միքայելյանը Sputnik Արմենիայի հետ զրույցում խոսել է Ամուլսարի հանքի շահագործման և ընդհանրապես, հանքարդյունաբերության ոլորտի մասին։
Միքայելյան. ««Էլարդ»-ի զեկույցը այնպես է գրված, որ ով ինչպես ուզի կարող է մեկնաբանել»

Հանքարդյունաբերությունից, տնտեսական առումով, օգուտը շատ քիչ է. արտադրության ծավալները մեծ են, հարկերը` համեստ։ Վերջում մնում է բավական բարդ էկոլոգիական վիճակ: Sputnik Արմենիային այս մասին ասել է քաղաքագետ Հրանտ Միքայելյանը։

Ըստ քաղաքագետի՝ կա նաև թափանցիկության խնդիրը. պաշտոնապես շահագործողները  միջազգային կազմակերպություններ են, բայց հասարկության մեջ կան կասկածներ,  որ դրանց հետևում տեղացի պաշտոնյաներ են։

 

Ինչ վերաբերում է «Էլարդ» ընկերության փորձագիտական աշխատանքին, ապա այստեղ քաղաքագետը խնդիրներ է տեսնում։

««Էլարդի» զեկույցն այնպես է գրված, որ ով ինչպես ուզի՝ կարող է մեկնաբանել: Իրականում, եթե ջուրը հանես՝ բացասական է»,-ասել է Միքայելյանը։

Ըստ քաղաքագետի՝ կառավարությունը այժմ մի կետում է, որ չի կարող որոշում կայացնել՝ փակուղու  մեջ է։ Անցած տարի Փաշինյանը  ցույց տվեց, թե ինչպես կարելի է լուծել խնդիրները: Դա բերեց նրան, որ մարդկանց անհամաձայնությունն ավելի առարկայական է դառնում, ավելի մեծ ազդեցություն է ունենում, և նույն Փաշինյանը կամ կառավարությունը չեն կարող հասարակությանը զսպել։ Այս ամենը գումարվում է և դառնում շատ մեծ քաղաքական խնդիր։

Բացի այդ, Միքայելյանի խոսքով, կառավարության մեջ էլ կան մարդիկ, ովքեր այդ բնապահպանական շարժումներից եկել և իրենք էլ են դժգոհ: Այսինքն, դժգոհությունը ոչ միայն  կառավարությունից դուրս է, այլ նաև իշխող ուժի մեջ է, և դա  բերում է ներքին հակասությունների։  

«Մտածելու շատ բան կա». Փաշինյանը Ամուլսարի հարցով քննարկում է ունեցել «Էլարդի» հետ
Մյուս կողմից, ըստ քաղաքագետի՝ մեծ է արտաքին ուժերի ազդեցությունն ու  ճնշումը, որպեսզի հանքը գործի, և դա բավական մեծ գործոն է։ Եթե որևէ եվրոպական երկրում փորձեին նաման հանք շահագործել,  որտեղ հանգստյան գոտի է, բուժիչ ջրեր, չէր անցնի նման որոշում, Հայաստանում էլ չէր լինի, եթե չլինի այսքան մեծ արտաքին ճնշում։ 

80
թեգերը:
Հրանտ Միքայելյան (քաղաքագետ), Ամուլսար
Ըստ թեմայի
Ամուլսարի քննիչն ու նախկին նախարարն ազգականներ են. Քննչական կոմիտեն չի հերքում
«Չի՛ կարելի դուխով ոչինչ չանել». Կարեն Քոչարյան
Քննչական կոմիտեն «Էլարդից» պահանջել է պայմանագրով չնախատեսված եզրահանգումներ
Գևորգ Հայրապետյան

Ինչ անել ադրբեջանցի հաքերների զոհը չդառնալու համար. խորհուրդ է տալիս Հայրապետյանը

138
(Թարմացված է 18:13 27.10.2020)
Անձնական տվյալների պաշտպանության գործակալության պետ Գևորգ Հայրապետյանը Sputnik Արմենիայի հետ զրույցում անդրադարձել է թշնամու կողմից իրականացվող ևս մեկ վտանգավոր գործունեությանը, որ կարող է վտանգի ենթարկել անձնական տվյալները:
Ինչ անել ադրբեջանցի հաքերների զոհը չդառնալու համար. խորհուրդ է տալիս Հայրապետյանը

Անձնական տվյալների պաշտպանության գործակալությունը մոնիթորինգի արդյունքում պարզել է, որ ադրբեջանցի հաքերներին հաջողվել է կոտրել Հայաստանի մասնավոր սեկտորի մի քանի տեսանկարահանող սարքեր և տեսագրությունը տեղադրել Youtube-ում: Խոսքը բնակարանների տեսախցիկների և մի քանի տնտեսվարողների տեսանկարահանող սարքերի մասին է:

«Այսինքն` նրանք կարողացել են մարդկանց տանը, խանութում և այլ վայրերում տեղադրված տեսախցիկների հասանելիություն ստանալ, քանի որ դրանք բավականաչափ պաշտպանված չեն»,- Sputnik Արմենիային ասաց Հայրապետյանը։

Նրա խոսքով՝ տեսախցիկներ ունեցողները պետք է պաշտպանության համապատասխան միջոցառումներ իրականացնեն` ընտրելով ապահով գաղտնաբառ: Եթե ինքնուրույն հնարավոր չէ ապահովել տեսահսկման համակարգերի անվտանգությունը, ապա պետք է դիմել համապատասխան մասնագետների, իսկ եթե չկա օգտագործման խիստ անհրաժեշտություն, ճիշտ կլինի որոշ ժամանակով անջատել սարքերը։

Հայրապետյանը զգոնության կոչ արեց և ասաց, որ տեսահսկման համակարգերին միջամտություն նկատելու դեպքում անհապաղ պետք է տեղեկացնել իրենց գործակալությանը և իրավապահ մարմիններին:

Ինչպես տարբերել թացը չորից, կամ ինչ պետք է իմանան հայերը պատերազմի ժամանակ

138
թեգերը:
հաքեր, Ադրբեջան, Հայաստան
Ըստ թեմայի
Հայ հաքերները կոտրել են Իլհամ Ալիևի պաշտոնական կայքը
Ադրբեջանական 13 հեռուստաալիքով հայկական տեսանյութ է ցուցադրվել
Ինչպես պաշտպանել Facebook-յան էջերն ադրբեջանական հարձակումներից. կարևոր կանոններ
Թևան Պողոսյան

Պետք է ամեն ինչ անենք, որ ժնևյան բանակցություններին ներկայանանք որպես օրակարգ թելադրող

618
(Թարմացված է 00:23 27.10.2020)
«Մարդկային զարգացման միջազգային կենտրոնի» ղեկավար Թևան Պողոսյանը Sputnik Արմենիայի եթերում անդրադարձել է այն հարցին, թե ինչ կարելի է ակնկալել հոկտեմբերի 29-ին նախանշված ժնևյան հանդիպումից։
Թևան Պողոսյան_26.10.2020

Թևան Պողոսյանի դիտարկմամբ` հրադադարին առնչվող խնդիրն Ադրբեջանում կապված է իրենց չավարտված ծրագրերի հետ, որովհետև Էրդողանն ու Ալիևը կամ ավելի շուտ Էրդողանն Ալիևին պարտադրելով բոլորովին այլ նպատակներ է հետապնդում, ուստի ձևավորված ճնշումների այս շրջանակում հակառակ կողմը փորձում է պարզապես ապացուցել, թե իրենք են որոշումներ կայացնողը։

«Մինսկի խմբի համանախագահող երկրները պետք է հասկանան, որ տարբեր ժամանակներում իրենց դիվանագիտական գործիքակազմը կիրառելիս, որոնք առանձին վերցրած բխել են նաև իրենց շահերից, այդուհանդերձ առաջին օրից բաց են թողել կենսական խնդիրները, մինչդեռ Թուրքիան ներգրավվելով հակամարտության մեջ` այսօր ինքնուրույն որոշումներ է կայացնում։ Համանախագահող երկրները պետք է կարողանան իրական հողի վրա օգտագործել արդյունավետ գործիքակազմ` լինի տնտեսական պատժամիջոցների տեսքով, թե ռազմական պարտադրանքի միջոցով»,– նշում է «Մարդկային զարգացման միջազգային կենտրոնի» ղեկավարը։

Պողոսյանի կարծիքով` նույնիսկ հոկտեմբերի 19-ին, երբ ՄԱԿ–ում եղան քննարկումներ, ԵԱՀԿ Մինսկի խմբի երեք համանախագահող երկրները, որոնք նախապես քննարկել ու ձևավորել էին միասնական մոտեցում, չկարողացան իրենց որոշումն անցկացնել, ինչը վկայում է այն մասին, որ նրանք այլևս չպետք է առաջնորդվեն լոկ հայտարարություններով։

«ԱՄՆ–ն կարող է ճնշում գործադրել Թուրքիայի վրա, եթե ներկա պահին իր շահերից ձևավորվեն այլ մոտեցումներ, սակայն այսօրվա դրությամբ նույն ԱՄՆ–ն հաշվի առնելով նախընտրական ժամանակաշրջանը` ցույց է տալիս, որ իր ներդրած բաժինը բավարար չի եղել։ Իրենք պետք է իրենց հարց տան` արդյո՞ք իրենք չեն ցանկացել իսկապես օգտագործել այն գործիքակազմը, որն անշուշտ կսաստեր Թուրքիային, թե՞ պարզապես սխալ են հաշվարկել Թուրքիայի իրական մղումները։ Սա վերաբերում է նաև Մինսկի խմբի մյուս երկու համանախագահներին։ Նրանք երեքն էլ պետք է հենց իրենց հարց տան` արդյո՞ք ճիշտ են եղել իրենց հաշվարկները, թե՞ ներդրված ջանքերը բավարար չեն եղել»,– նշում է «Մարդկային զարգացման միջազգային կենտրոնի» ղեկավարը։

Անդրադառնալով այն հարցին, թե ինչ կարելի է ակնկալել հոկտեմբերի 29-ին Ժնևում Հայաստանի, Ադրբեջանի արտգործնախարարների ու Մինսկի խմբի համանախագահների հանդիպումից` Պողոսյանն ընդգծում է, որ մինչև այդ հանդիպումը մենք ազգովի բռունցք դարձած պետք է ամեն ինչ անենք տնտեսական, սոցիալական, դիվանագիտական ասպարեզներում և իհարկե մարտի դաշտում, որպեսզի բանակցությունների սենյակ մտնենք որպես օրակարգ թելադրող։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

618
թեգերը:
Ադրբեջան, Թևան Պողոսյան, հրադադար, Արցախ, Հայաստան
Ըստ թեմայի
Շփման նոր գիծը գծվում է պատերազմում, կամ բանակցությունների բովանդակային կողմը մշուշոտ է
Ղարաբաղյան հակամարտությունը միայն խաղաղ կարգավորում կարող է ունենալ. Պեսկով
Ադրբեջանն առաջնագծի ողջ երկայնքով վերսկսել է նախահարձակ գործողությունները. Արցախի նախագահ
Թշնամին հրադադարը խախտեց խաղաղ բնակավայրերում. Մարտունու վրա կիրառվել է ռազմական ավիացիա
Հայկ Եսայան

«Վեոնը» պաշտոնապես հայտնում է, որ «Բիլայնի» ակտիվները վաճառել է հայկական ընկերությանը

0
Բջջային օպերատորի գնման գործարքը, որի մասին խոսվում էր ամիսներ շարունակ, մոտ է իր ավարտին։

ԵՐԵՎԱՆ, 29 հոկտեմբերի – Sputnik. Կապի օպերատոր «Վեոն» ընկերությունը պաշտոնապես հայտարարել է, որ Հայաստանում ունեցած իր ակտիվները՝ «Վեոն Արմենիա» ընկերությունը («Բիլայն» ապրանքանիշ) վաճառել է հայկական նորաստեղծ «Թիմ» օպերատորին։

««Վեոնը» այսօր հայտարարում է, որ համաձայնագիր է կնքել իր դուստր ընկերությունը՝ «Վեոն Արմենիան» «Թիմ» ԲԲԸ-ին վաճառելու մասին։ Ակնկալվում է, որ գործարքը կիրականացվի առաջիկայում», - նշված է հայտարարության մեջ։

Ընկերությունից նշել են, որ Հայաստանում եղած ակտիվների վաճառքը համապատասխանում է «Վեոն» ընկերության նպատակներին, որոնք ուղղված են ընկերությունների խմբի կառուցվածքի պարզեցմանն ու շուկայում դրա գրավչության բարձրացմանը։

Հիշեցնենք՝ դեռ այս տարվա օգոստոսին դատարանը չեղարկել էր «Թիմի» կողմից «Վեոն Արմենիան» գնելու գործարքի ավարտի արգելքը։

Մինչ այդ «Յուքոմ» ընկերությունը դատարան էր դիմել` պահանջելով արգելել «Թիմ» օպերատորին գնել «Վեոն» կորպորացիայի հայկական ակտիվները։ «Յուքոմը» պնդում էր, որ «Թիմը» բանակցությունների ընթացքում օգտագործել էր «Յուքոմի» ներքին տեղեկությունները՝ խախտելով բարեխիղճ մրցակցության օրենքները։ Երևանի ընդհանուր իրավասության դատարանը ժամանակավորապես արգելել էր ավարտել գործարքը։

0