Դավիթ Հարությունով

Հարությունով. «Հայ-ռուսական ռազմաարդյունաբերական համագործակցությունն այլընտրանք չունի»

63
(Թարմացված է 15:57 29.08.2019)
Փոքր երկրների պարագայում ռազմաարդյունաբերական ոլորտը դեռ պետք է երկար ճանապարհ անցնի:
Դավիթ Հարությունյով. «Ներկայում հայ-ռուսական ռազմաարդյունաբերական համագործակցությունն այլընտրանք չունի»

Ռազմական փորձագետ Դավիթ Հարությունովը Sputnik Արմենիայի հետ զրույցում անդրադարձել է Հայաստանի ռազմաարդյունաբերական համալիրին առնչվող հարցերին, նրա զարգացման հեռանկարին ու նշել, որ կան համաշխարհային ոլորտներ, որտեղ Հայաստանը կարող է իր արտադրանքը ներկայացնել, բայց ընդհանուր առմամբ՝ արտահանման լուրջ արդյունքներ ակնկալելը վաղաժամ է, որովհետև մեր ռազմաարդյունաբերական համալիրը դեռ թույլ է, մյուս կողմից՝ ուժեղ չէ նաև Հայաստանի արդյունաբերական ներուժը, մինչդեռ դրսի շուկաներում կա բավական լուրջ մրցակցություն: 

«Չնայած այդ հանգամանքին՝ մեր ռազմաարդյունաբերական համալիրն, այնուամենայնիվ, որոշակի հնարավորություններ ունի այն խնդիրների առթիվ, որոնք ուղղված են զինված ուժերին որոշակի զինատեսակներով ապահովելուն, ինչպես նաև սպառազինության արդիականացմանը: Բայց կրկնում եմ՝ հիմնական կորիզը՝ ծանր սպառազինությունները, Հայաստանը շարունակելու է ներկրել»,- նշում է Դավիթ Հարությունովը:  

Փորձագետի տեղեկացմամբ՝ Ռուսաստանի Դաշնության հետ այս ոլորտում կա արդյունավետ համագործակցություն: Վերջին տարիների ընթացքում ներկրվեցին որոշ համակարգեր, ռազմական բարդ տեխնիկա, և կարևորվեց նշված համակարգերի նորմալ շահագործման ու տեխնիկական սպասարկման ապահովումը: Այժմ տեղի է ունենում երկու երկրների ռազմաարդյունաբերական համալիրների լուրջ ինտեգրացիա, ստեղծվում են համատեղ ձեռնարկություններ: 

Դավիթ Հարությունովի համոզմամբ՝ իրականության մեջ այդ համագործակցությունն այլընտրանք չունի, որովհետև եթե դիտարկենք փոքր երկրների փորձը, որոնք ունեն քիչ թե շատ խոշոր ռազմաարդյունաբերական համալիրներ, ապա դրանց աճը տեղի է ունենում ավելի հզոր դաշնակցի աջակցության արդյունքում: 

Ի՞նչ է պետք ռազմարդյունաբերական համալիրի զարգացման համար. Փաշինյանի տեսլականը
Հարությունովը նշեց, որ Ռազմաարդյունաբերական համալիրը շատ սերտորեն կապված է պետության հետ, ուստի մեր կառավարությունն այս հարցում ցուցաբերում է լիբերալ մոտեցումներ՝ գտնելով, որ այս ոլորտը նույնպես պետք է լինի շահութաբեր:

«Բայց այստեղ կա մի խնդիր: Եթե դարձյալ ուսումնասիրենք համաշխարհային փորձը, ապա պարզ կերևա, որ փոքր երկրների պարագայում ռազմաարդյունաբերական ոլորտը դեռ պետք է անցնի երկար ճանապարհ, որպեսզի կոմերցիոն տեսակետից լինի ինքնաբավ: Այնպես որ, պետության աջակցությունը պետք է լինի շարունակական»,- նշում է Դավիթ Հարությունովը:    

Ռազմաարդյունաբերության բնագավառում նորագույն տեխնոլոգիաների ներդրման ու կիրառման վերաբերյալ՝ ռազմական փորձագետը նշում է, որ այդ գործընթացն արդեն որոշ չափով տեղի է ունենում: Այն սպառազինության համակարգերը, որոնք կան Հայաստանում, և որոնք արտադրվում են տեղում, որոշակի բացառություններով կապ ունեն նաև ՏՏ ոլորտի հետ: Օրինակ՝ անօդաչու սարքերի, կառավարման ավտոմատացված համակարգերի արտադրությունը, ինչպես նաև սպառազինության որոշ տեսակների՝ հակաօդային պաշտպանության, ռադիոլոկացիոն համակարգերի արդիականացումը: Այս ամենն անմիջականորեն կապված է բարձր տեխնոլոգիաների ոլորտի հետ: 

63
թեգերը:
ռազմարդյունաբերություն, Ռուսաստան, Հայաստան, Դավիթ Հարությունով (ռազմական փորձագետ)
Ըստ թեմայի
Հայկական ռազմարդյունաբերական տաղավարն Աբու Դաբիում. Տոնոյանն այցելել է IDEX-2019
Ռազմարդյունաբերական ոլորտը կարող է խթանել Հայաստանի տնտեսության մյուս ճյուղերը․ փորձագետ
Ռազմարդյունաբերության համար փող կա, գաղափարներ` ոչ. Փաշինյան
Հայաստանը լուրջ հաջողություններ է գրանցում ռազմարդյունաբերության ոլորտում. պատգամավոր
Արամ Սարգսյան

Ինչու չեն բացվում սահմանները. Հայաստան–ԵԱՏՄ գագաթնաժողովից առաջ մտորում է Արամ Սարգսյանը

61
Հայաստանի դեմոկրատական կուսակցության նախագահ Արամ Սարգսյանը Sputnik Արմենիայի եթերում անդրադարձել է հոկտեմբերի 9-ի երևանյան գագաթնաժողովից առաջ Հայաստան–ԵԱՏՄ փոխհարաբերությունների օրակարգի կարևորագույն խնդիրներին։
Ինչու չեն բացվում սահմանները. Հայաստան–ԵԱՏՄ գագաթնաժողովից առաջ մտորում է Արամ Սարգսյանը

Հայաստանի դեմոկրատական կուսակցության նախագահ Արամ Սարգսյանի դիտարկմամբ` ԵԱՏՄ–ի հետ մեր հարաբերությունները զարգանում են այնքանով, որքանով այդ կառույցը կարողանում է կարգավորել բոլորի հարաբերությունները, և այստեղ չկա առանձնահատկություն` Հայաստան–ԵԱՏՄ կամ Հայաստան–Բելառուս կամ Ղազախստան–Ղրղզստան, որովհետև կառույցը դեռ ժամանակի կարիք ունի, որ կայունանա և ի զորու լինի ընդհանրացնել բոլորի հետ կապված խնդիրները։

«Հայաստանի գլխավոր դերն այն է, որ լինի նախաձեռնող, ներկայացնի իր առաջարկները, թե ինչպիսին պետք է լինի ԵԱՏՄ–ն, որովհետև մեր աչքի առջև կա Եվրամիության ոչ այնքան հաջող օրինակը, որտեղ գնալով ավելի են բարդանում անդամ երկրների փոխհարաբերությունները, մյուս կողմից ունենք խորհրդային ժամանակաշրջանի փորձն ու հարաբերությունները, ուստի այժմ առավել ևս տնտեսական կապերն այն մակարդակի վրա չեն, որ կարողանանք ասել, թե բոլորը հավասար պայմաններում են, ունեն հավասար հնարավորություններ` իրացնելու իրենց ծրագրերը»,– Sputnik Արմենիայի հետ զրույցում ասաց նա։ 

Սարգսյանի կարծիքով`առայժմ  միակ առավել դրական հանգամանքն այն է, որ ինտեգրացիայի մակարդակը գնալով բարձրանում է, ինչը շատ կարևոր է Հայաստանի համար ընդհանուր շուկա դուրս գալու և տեղում տնտեսական առավելությունները զարգացնելու առումով։ 

«Չեմ կարծում, որ ԵԱՏՄ–ում մեր նախաձեռնողականությունը բացահայտ է, քանզի պարզ երևում է, որ մենք դեռ չունենք համապատասխան փորձ, մեր կարողություններն էլ դեռ թույլ չեն տալիս, որպեսզի միանգամից անհրաժեշտ առաջարկություններ անենք, ըստ այդմ` ունենք ֆինանսական շուկայի, բանկային համակարգի, տնտեսական ապրանքների տեղափոխման ու իրացման, աշխատուժի օգտագործման հետ կապված խնդիրներ։ Այսինքն` ունենալով համապատասխան մտավոր ներուժ, կարող ենք հանդես գալ ավելի շատ առաջարկություններով»,– նշեց ՀԴԿ նախագահը։

Սարգսյանի գնահատմամբ` ծրագրերը ներկայացնելիս անհրաժեշտ է ցույց տալ դրանց իրականացման ուղիներն ու մեխանիզմները։ Ըստ նրա` Հայաստանը ԵԱՏՄ–ում դեռ այդ մակարդակի հանդես չի գալիս։ 

Անդրադառնալով այն խնդրին, որ Ռուսաստանը ԵԱՏՄ բոլոր երկրների առջև բացել է օդային սահմանը, բացառությամբ Հայաստանի, ՀԴԿ նախագահն ընդգծեց, որ պատճառներից գլխավորն այն է, որ Հայաստանն իր ձեռքով փակեց իր սահմանները` հայտարարելով չորսամսյա կարանտին, ինչը նշանակում է, որ մենք մեզ պատկերացնում ենք շատ ավելի վատ վիճակում, թեև ավելի վաղ կարանտին հայտարարելու անհրաժեշտություն կար։

Ըստ նրա`գուցե մեկ ամիս հետո կարանտինի կարիք չունենանք, սակայն կարանտինային դրության որոշումը բերեց անվստահության, մեր ցուցանիշներն ամենաբարձր են եղել այս ողջ ընթացքում, մենք չենք կարողացել համոզել գործընկերներին, որ հաղթահարել ենք համավարակով պայմանավորված դժվարությունները։ Բացի դրանից, անհրաժեշտ է, ըստ նրա, միշտ ունենալ վստահելի հարաբերություններ Ռուսաստանի հետ, ինչն էլ ցայսօր չեն ձևավորել գործող իշխանությունները։

61
թեգերը:
տնտեսություն, Եվրասիական Տնտեսական Միություն (ԵԱՏՄ), Հայաստան, Արամ Սարգսյան
թեմա:
Հայաստան և ԵԱՏՄ

Նորություններն ու «Ուրիշ նորությունները»` Sputnik–ի ռադիոեթերի ուղիղ տեսահեռարձակմամբ

12
(Թարմացված է 09:14 22.09.2020)
Այս եթերում` Ի՞նչ պետք է արվի, որ Փաշինյանի ներկայացրած ծրագիրը կենացների փաստաթուղթ չդառնա. Թևան Պողոսյանի դիտարկումները։ ԱԺ փոխնախագահ Ալեն Սիմոնյանը` «Դոսյե» կենտրոնի հրապարակման մասին։ Կանդրադառնանք նաև այլ թեմաների։

Լուրերի հաղորդավար` Հովհաննես Շողիկյան
«Ուրիշ նորությունների» հաղորդավարներ` Արամ Չախոյան, Կարեն Ավետիսյան, Աննա Ապրեսովա

12
Նիկոլ Փաշինյան

Ի՞նչ է փոխվել բարձր տեխնոլոգիական արդյունաբերության ոլորտում. Փաշինյանը թվեր է ներկայացրել

5
(Թարմացված է 19:45 22.09.2020)
Բարձր տեխնոլոգիաների ոլորտի շրջանառությունն այս տարվա առաջին կիսամյակում զգալի աճել է։

ԵՐԵՎԱՆ, 22 սեպտեմբերի – Sputnik. ՀՀ բարձր տեխնոլոգիական արդյունաբերության ոլորտում աշխատողների քանակը 2020 թվականի առաջին կիսամյակում, նախորդ տարվա նույն ժամանակաշրջանի համեմատ, աճել է 13%-ով։ Տեղեկությունը հայտնում է ՀՀ վարչապետ Նիկոլ Փաշինյանը։

«Բարձր տեխնոլոգիական արդյունաբերության ոլորտում ընթացիկ տարվա առաջին կիսամյակում աշխատատեղերի քանակը հասել է 16 442-ի` նախորդ տարվա 14 533-ի փոխարեն»,–Facebook սոցցանցի իր էջում գրել է նա։

Ըստ Փաշինյանի` ոլորտի շրջանառությունն այս կիսամյակում աճել է 24%-ով` 142 մլն դոլարից հասնելով 176 մլն դոլարի, իսկ ոլորտում ակտիվ կազմակերպությունների քանակն աճել է 11%-ով՝ 1007-ից հասնելով 1118-ի:

Հիշեցնենք, որ երեկ` սեպտեմբերի 21-ին, Փաշինյանն Անկախության օրվա կապակցությամբ ներկայացրել էր Հայաստանի՝ մինչև 2050 թ. վերափոխման ռազմավարությունը։

Ռազմավարությունը ենթադրում է, որ Հայաստանը կդառնա բարձր տեխնոլոգիական արդյունաբերական երկիր։ Նախատեսվում է ունենալ մինչև 10 մլրդ և ավելի արժեքով առնվազն 5 տեխնոլոգիական ընկերություն և առնվազն 10 000 աշխատող ստարտափ։

5
թեգերը:
աշխատատեղ, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Փաշինյանի «Մեր ժամանակի հերոսների» թվում այս տարի կան նաև բժիշկ ու զինվոր
Հայաստանը՝ բարձր տեխնոլոգիական արդյունաբերական երկիր. ինչ ռիսկեր և հնարավորություններ կան
Վարչապետի գլխավոր մրցանակին արժանացավ մանուկների համար խելացի խաղալիքներ ստեղծողը
Փաշինյանը ՄԱԿ–ի ասամբլեայում խոսել է միջազգային հարաբերություններում ուժ չկիրառելու մասին