Սերոբ Խաչատրյան

Խաչատրյան. «ՀՊՏՀ–ի ռեկտորի նախկին պաշտոնակատարի հրաժարականը հետևանք էր նրա կտրուկ քայլերի»

172
Եթե գնում ես կտրուկ քայլերի, պետք է 100%-ով վստահ լինես, որ մյուս կողմը չի կարողանալու քո դեմ հակափաստարկներ ներկայացնել:
Խաչատրյան. «ՀՊՏՀ–ի ռեկտորի նախկին պաշտոնակատարի հրաժարականը հետևանք էր նրա կտրուկ քայլերի»

Կրթության փորձագետ Սերոբ Խաչատրյանը Sputnik Արմենիայի հետ զրույցում անդրադարձել է Հայաստանի պետական տնտեսագիտական համալսարանի ռեկտորի նախկին պաշտոնակատարի շուրջ ստեղծված վիճակին։

Խաչատրյանի խոսքով, ՀՊՏՀ–ի ռեկտորի նախկին պաշտոնակատարի հրաժարականը հետևանք էր նրա կտրուկ քայլերի։ Փորձագետը փաստում է, որ տնտեսագիտական համալսարանի ռեկտորի պաշտոնակատար Ռուբեն Հայրապետյանը փորձեց ավելի համարձակ ու կտրուկ քայլերով առաջ գնալ ու հայտարարեց մրցույթ, որի արդյունքում տեղի ունեցան բավականին մեծ փոփոխություններ`մի շարք դասախոսներ դուրս մնացին, ոմանք ժամեր կորցրեցին։

«Դրա հետևանքով ներսում սկսվեց դասախոսների դժգոհություն, տեղի ունեցան որոշակի դատական գործընթացներ և այդ ամենի արդյունքում՝ մեջտեղ եկավ ռեկտորի պաշտոնակատարի դոկտորական թեզի խնդիրը, այսինքն՝ հայտնվեց տեսակետ, որ այնտեղ կան ակադեմիական անազնվության դրսևորումներ»,–ասաց Սերոբ Խաչատրյանը։

Ըստ Սերոբ Խաչատրյանի՝ այդ ամենին հետևեց Հայրապետյանի թեզի հետ կապված տարաձայնությունները ստուգելու մասին` Բարձրագույն որակավորման կոմիտեի նախագահ Սմբատ Գոգյանի հայտարարությունը։

«Արդյունքում, Կրթության, գիտության, մշակույթի և սպորտի նախարար Արայիկ Հարությունյանը հանդիպելով ռեկտորի պաշտոնակատարի հետ, կարծես թե հաստատեց, որ իսկապես թեզում կային խնդիրներ, ու բնականաբար, հետագա պաշտոնավարումը ճիշտ չէր լինի»,–նկատում է կրթության փորձագետը։

Ըստ Սերոբ Խաչատրյանի՝ ռեկտորի պաշտոնակատարը պետք է հստակ մեկ բան իմանար, որ ներսում կան մարդիկ, որոնք տիրապետում են որոշակի ինֆորմացիայի։

«Եթե դու գնում ես կտրուկ քայլերի, պետք է 100%-ով վստահ լինես, որ մյուս կողմը չի կարողանալու քո դեմ հակափաստարկներ ներկայացնել»,–ասում է փորձագետը։

Ըստ Սերոբ Խաչատրյանի՝ ամբողջ խնդիրն այն է, որ մեր հասարակության, ինչպես նաև կրթության ոլորտում երկխոսություն չկա, և այդ վիճակում նույնիսկ ամենալավ քայլերը չեն ընդունվելու։ Կրթության, գիտության, մշակույթի և սպորտի նախարար Արայիկ Հարությունյանի հետ երկու օր առաջ տեղի ունեցած հանդիպումից հետո իր պաշտոնից հրաժարվեց պետական տնտեսագիտական համալսարանի ռեկտորի ժամանակավոր պաշտոնակատար Ռուբեն Հայրապետյանը։

Տնտեսագիտականի ռեկտորի պաշտոնակատարը կթողնի պաշտոնը

Նախարար Հարությունյանն, անդրադառնալով հանդիպմանը, Facebook-ի իր էջում գրել էր, որ ռեկտորի պաշտոնակատարի հետ քննարկվել է բուհի շուրջ ստեղծված իրավիճակը, մասնավորապես՝ մեղադրանքները Հայրապետյանի դոկտորական ատենախոսության մեջ առկա խնդիրների մասին, որոնց մի մասն, ըստ նախարար Հարությունյանի, հրապարակավ ընդունել է նաև ռեկտորի պաշտոնակատարը: Երեկ արդեն, նախարարի հրամանով՝ Պետական տնտեսագիտական համալսարանի ռեկտորի պաշտոնակատար է նշանակվել ԲՈՒՀ-ի ուսումնական աշխատանքների գծով պրոռեկտոր, տնտեսագիտության դոկտոր, պրոֆեսոր Դիանա Գալոյանը՝ մինչև օրենսդրությամբ սահմանված կարգով ռեկտորի ընտրությունն ու նշանակումը:

172
թեգերը:
Սերոբ Խաչատրյան, ռեկտոր, Հայաստանի պետական տնտեսագիտական համալսարան (ՀՊՏՀ)
Ըստ թեմայի
Հայ պատգամավորները թույլ կտան ուսանողներին ուսման վարձը վճարել ամիս առ ամիս
Հայկական կեղծ դիպլոմների թեման շարունակվում է. ովքե՞ր են «դիպլոմակիրները»
Բուհ ընդունվելը հեշտացել է, մնում է… դիմորդ գտնել
Վիկտոր Մանցականյան

Առանց հայեցակարգի ճիշտ չի լինի Կոնդում շինարարական շռայլություններ թույլ տալ. Մնացականյան

37
(Թարմացված է 23:27 26.05.2020)
Երևանի Կենտրոն վարչական շրջանի նախկին ղեկավար Վիկտոր Մնացականյանը Sputnik Արմենիայի եթերում անդրադարձել է մայրաքաղաքի Կոնդ թաղամասի կառուցապատման և ուրբանիզացիայի խնդիրներին, որոնք տարիներ շարունակ մնում են վիճահարույց։ 
Մնացականյան. «Կոնդ թաղամասը չհամակարգված շինարարության պատճառով դարձել է «տարածքային գետտո»»

Երևանի Կենտրոն վարչական շրջանի նախկին ղեկավար Վիկտոր Մնացականյանը դեմ չէ Կոնդում կառուցապատման աշխատանքներին, պարզապես ուզում է, որ թաղամասը շարունակի լինել կենտրոնի եզակի տարածքներից մեկը և կառուցապատման ու շինությունների առումով մնա անաղարտ։

«Հարցին պետք է մոտենալ ավելի հայեցողական, այսինքն` պետք է ունենանք մի հայեցակարգ, թե ինչ ենք ուզում լինի Կոնդում կամ ինչ տիպի շնարարություն պետք է ծավալվի։ Ուզու՞մ ենք արդյոք, որ այնտեղ լինեն բիզնես կենտրոններ, բազմաֆունկցիոնալ շենքեր, թե՞ ուզում ենք, որ ընդամենը մայրաքաղաքին օգնի տուրիզմի զարգացման մասով։ Լինելու՞ են արդյոք այնտեղ հյուրանոցներ, բնակելիներ, սրճարաններ ու ռեստորաններ։ Այս հարցի պատասխանը չունենալու դեպքում ճիշտ չի լինի Կոնդում թույլ տալ շինարարական շռայլություններ»,– Sputnik Արմենիայի հետ զրույցում ասաց նա:   

Մնացականյանը ողջունում է բոլոր այն մարդկանց, շինարարներին, կառուցապատողներին ու ներդրողներին, որոնք ուզում են Կոնդում շինարարություն սկսել, ուղղակի այդ ամենը պետք է համակարգել։ Նրա դիտարկմամբ` անհրաժեշտ է հայտարարել ժամանակավոր, մեկամյա դադար, որպեսզի կառավարության հետ մեկտեղ մշակվի վերոհիշյալ հայեցակարգը, իսկ հետո առանձին լոտերով, ըստ ներդրումների, հատկացվեն կամ վաճառվեն առանձին տարածքներ։ 

Տպարանը քանդած ընկերության նկատմամբ վարչական վարույթ է հարուցվել

«Այդուհանդերձ տեղային շինարարությունների ծավալումը սխալ է այն տեղերում, որոնք եզակի են. օրինակ` Սարյան–Լեո խաչմերուկին հարող տարածքը, որը տարբերվում է կանաչ զանգվածով և իր ինքնատիպությամբ։ Անկախությունից հետո կառուցվել են 5–6 շենքեր, որոնք չեն սազում ոչ միայն տեղանքին, այլև ողջ մայրաքաղաքին։ Այդ դիմապատկերն ուղղակի փչացնում է Կոնդի արտաքին տեսքը։ Բացի այդ, պետք է լինի թաղամաս տանող գոնե մեկ բարեկարգ մուտք։ Եթե քաղաքային իշխանությունն ունի ազատ հողեր, ավելի լավ է, որ դրանք անհատույց տրվեն ներդրողներին, որոնք կառաջադրեն լուծումներ»,– նշեց Մնացականյանը։ 

Նրա խոսքով` քանի որ Կոնդը բարձրադիր թաղամաս է, ապա պետք է այդտեղ հասնելու համար ավելի մատչելի լուծումներ գտնել. օրինակ՝ ինչ–որ ճոպանուղի կամ գեղեցիկ աստիճաններ կառուցել։  Ըստ Մնացականյանի` Կոնդը չհամակարգված շինարարության պատճառով վերածվել է «տարածքային գետտոյի». ժամանակին այդտեղ գործում էր ավտոբուսային երթուղի, մինչդեռ տարիների ընթացքում անկանոն շինարարության պատճառով փողոցները նեղացել են, տրանսպորտը բացակայում է, դեպի թաղամաս տանող մուտքերը փակվել են և Կոնդն այժմ չունի թաղամասին հարիր, ուրբանիստիկ առումով գրագետ մուտք։ 

«Հին Երևանի»` խախտումներով շինարարություն իրականացնելու դեպքով քրգործ է հարուցվել

Կենտրոն վարչական շրջանի նախկին ղեկավարը նշում է, որ իր պաշտոնավարման տարիներին փորձել է խնդիրն ավելի խորքային արծարծել ու բարձրաձայնել է այդ մասին, սակայն շինարարական թույլտվությունների մանդատ չի ունեցել, ինչը բացառապես քաղաքապետարանի իրավասության շրջանակում է:

37
թեգերը:
Երևանի քաղաքապետարան, շինարարություն, Վիկտոր Մնացականյան, Կոնդ, Երևան
Ըստ թեմայի
Երևանում կասեցվել է հերթական ապօրինի շինարարությունը
Կոնդի բնակիչները արդարություն են փնտրում. նրանք հանդիպել են կառավարության ներկայացուցչին
Երևանում ապօրինի շինարարության համար կաշառել է պաշտոնատար անձի. հարուցվել է քրեական գործ
«Մեզ դեսուդեն են տշում, որ չարանանք Փաշինյանի դեմ». կոնդեցիների բողոքի ակցիան 1 ժամ տևեց
Կոնդը կարող է հայկական Մալագա դառնալ. Երևանի գլխավոր ճարտարապետ
Լիլիթ Մայիլյան

Բիզնեսի աշխարհում այլևս ոչինչ առաջվանը չէ. ի՞նչն է կարևոր նոր իրավիճակում

167
(Թարմացված է 20:53 26.05.2020)
«Պրոֆայնընս» ՍՊԸ–ի հիմնադիր տնօրեն Լիլիթ Մայիլյանը Sputnik Արմենիայի եթերում անդրադարձել է այն հարցին, թե ինչ խնդիրների առջև են կանգնել այն կազմակերպությունները, որոնց բիզնեսը վերաբացվել է մայիսի կեսից։ 
Մայիլյան. «Բիզնեսը վերաբացվելով` առաջնահերթություն է տալիս զուտ իրավիճակային լուծումներին»

«Պրոֆայնընս» ՍՊԸ–ի հիմնադիր տնօրեն Լիլիթ Մայիլյանի դիտարկմամբ` ճիշտ է, բիզնեսները վերաբացվում են, սակայն ղեկավարները բախվում են բավականին լուրջ խնդիրների և պետք է արագ կողմնորոշվեն, ճկուն լինեն, հարմարվեն իրենց աշխատակիցների, հաճախորդների ու մատակարարների փոփոխվող կարիքներին։ 

«Այն, ինչ նախկինում էր, բոլոր դեպքերում չէ, որ հիմա ճիշտ է ու կիրառելի։ Նրանք հիմա պետք է դիմակայեն նոր ֆինանսական, գործառնական մարտահրավերներին։ Ի դեպ` շուկայում արդեն գրանցվել են ճնշող մրցակցային մարտահրավերներ։ Բիզնեսը վերաբացվելով` առաջնահերթություն է տալիս իրավիճակային լուծումներին։ Մարդիկ հեռուն չեն նայում»,– նշում է «Պրոֆայնընս» ՍՊԸ–ի հիմնադիր տնօրենը։   

Մայիլյանի պնդմամբ` նման իրավիճակը ոչ միայն Հայաստանում է առկա, այլև ամբողջ աշխարհում։ Նրա փոխանցմամբ` վերջերս հետազոտություններ են իրականացվել արտերկրի բավականին մեծ կորպորացիաներում, թե կորոնավիրուսով պայմանավորված սահմանափակումներն ինչ ազդեցություն են ունեցել իրենց տնտեսական ակտիվության վրա, և պարզվել է, որ ֆինանսական ոլորտի աշխատողները, որոնք միշտ, յուրաքանչյուր տարի սեպտեմբեր–հոկտեմբեր ամիսներին կատարում էին կանխատեսումներ մեկ կամ հինգ տարվա կտրվածքով, այս տարի փետրվար–մարտ ամիսներին արդեն ստիպված էին նախապես արված իրենց կանխատեսումներում և հաստատված բյուջեներում մտցնել փոփոխություններ։

«Փոփոխվեցին նաև նախանշված ծախսերը, վերանայվեցին եկամուտները, արտադրության տեսականին ու ծավալները, ինչպես նաև առք ու վաճառքի պայմանները։ Կանխատեսումներն այժմ արվում են շատ կարճաժամկետ կտրվածքով, մինչև վեց ամիս ժամկետով»,– տեղեկացնում է «Պրոֆայնընս» ՍՊԸ հիմնադիր տնօրենը։

Լիլիթ Մայիլյանի կարծիքով` անորոշությունը շատ բարձր է, հետևաբար, ընկերությունների ղեկավարներն ուղղակի անիմաստ են համարում երկարաժամկետ կանխատեսումները։ Նրանց հիմնական խնդիրն ավելի սպոտան լինելն է, իրավիճակային խնդիրներ լուծելը, աշխատակիցների մասին  հոգ տանելը` շարունակ մտածելով եկամուտների կայունացման ու ձեռքբերումների շղթան պահպանելու ուղղությամբ։   

Օգոստոսին լրջագույն ճգնաժամը բախելու է մեր դուռը. Մելքումյան

167
թեգերը:
բիզնես, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Երբ ծախում ես մայրիկիդ թխած լահմաջոն կամ որոշում ես ճագար բուծել. բիզնեսի նոր կանոններ
Հայկական բիզնեսը կշահի ԵԱՏՄ ապրանքների մատակարարման կանոնների պարզեցումից
Իրական օգնություն, թե միջազգային թրենդից հետ չմնալու փորձ. բիզնեսին կօգնի՞ պետության քայլը
Արայիկ Հարությունյան. ախիվային լուսանկար

Սպիտակի մատուռի մոտ դպրոցականների մեծ կուտակումներ են գրանցվել. ո՞վ է պատասխան տալու

0
(Թարմացված է 12:11 27.05.2020)
Կորոնավիրուսի համավարակի օրերին դպրոցներում կազմակերպվող միջոցառումների ու էքսկուրսիաների համար պատասխանատվությունը կդրվի դպրոցների տնօրենների ու համայնքների ղեկավարների վրա:

ԵՐԵՎԱՆ, 27 մայիսի — Sputnik. ՀՀ ԿԳՄՍ նախարար Արայիկ Հարությունյանն այսօր կառավարության նիստում հայտարարեց, որ չնայած համավարակի տարածման ակտիվացմանն ու դրա դեմ պայքարի խստացմանը, դպրոցներում ուսումնական տարվա ավարտին շարունակում են լոկալ միջոցառումներ կազմակերպել:

«Մենք զգուշացրել ենք, որ նման բան չանեն: Բայց նման տեղեկություններ ունենք ու հիմա նույնպես աշխատանքներ ենք տանում այդ ուղղությամբ: Օգտվելով այս հնարավորությունից, ուզում եմ կոչ անել, հորդորել, նաև պահանջել դպրոցական հաստատություններից ու ծնողական խորհուրդներից, որ զերծ մնան նման միջոցառումների կազմակերպումից»,- ասաց Հարությունյանը:

Նա հիշեցրեց, որ շրջանավարտներին խոստացել է «Վերջին զանգի» միջոցառումների համար համավարակի հաղթահարումից հետո մեկ օր նշանակել ու ամբողջ երկրի տարածքում նշել: Բայց այս պահին նախարարը հորդորեց զերծ մնալ միջոցառումներ կազմակերպելուց ու հատկապես առաջիկա 4 հանգստյան օրերին սրբավայրեր այցելելուց: Նախարարն այս հանգամանքի վրա հրավիրեց ՀՀ ոստիկանապետի ուշադրությունը:

Արայիկ Հարությունյանը հայտնեց, որ անցյալ շաբաթ հատկապես մեծ կուտակումներ են գրանցվել Սպիտակի Սբ. Հովհաննես մատուռի մոտ:

«Հսկայական կուտակումներ են եղել և սոցիալական ցանցերում, մամուլում այդ նկարները կան: Ես կխնդրեի, որպեսզի ոստիկանությւնը նաև այստեղ հսկողություն իրականացնի և առնվազն թույլ չտանք նման կուտակումներ, որոհետև դրանք դառնում են համավարակի տարածման մեծ աղբյուրներ»,- ասաց նախարարը:

ՀՀ վարչապետ Նիկոլ Փաշինյանն առաջարկեց հնարավոր դեպքերի համար պատասխանատվությունը դնել դպրոցների տնօրեններին ու համայնքների ղեկավարների վրա:

«Երբ որ մենք տեղեկատվութսյունը կհավաքենք, թե ովքեր են նման միջոցառումներն արել՝ կանոնների խախտմամբ, կարծում եմ` դա որոշակի կոնկրետ հետևանք կունենա դպրոցների տնօրենների և համայնքների ղեկավարների հետագա գործունեության գնահատականի վրա»,- ասաց Փաշինյանը:

Նա նաև հանձնարարաեց ոստիկանությանը հավաքել տեղեկատվություն այն մասին, թե ովքեր չեն ենթարկվում կանոններին:

Նշենք, որ մայիսի 27–ի տվյալներով` Հայաստանում կորոնավիրուսով վարակվածների թիվը 7774 է։ Այս պահին փաստացի բուժում է ստանում 4377 մարդ, կատարվել է 53678 թեստավորում, առողջացել են վարակվածներից 3255–ը։ Մեկ օրում գրանցվել է մահվան 7 դեպք։

Վերջին մեկ օրում վարակը հաստատվել է 372 մարդու մոտ, փաստացի առողջացել են 35–ը։

Դատարկվող գյուղի միակ շրջանավարտը. Չինչինում եկող տարի այդ մեկն էլ չի լինի

0
թեմա:
Կորոնավիրուսը Հայաստանում և Արցախում
Ըստ թեմայի
«Միակ ելքը կանխարգելիչ միջոցներն են». կորոնավիրուսի դեմ պայքարող բժիշկի խորհուրդները
Հայաստանում կորոնավիրուսով վարակվածների թիվն ավելացել է 372-ով և դարձել 7774
Աննախադեպ ցուցանիշ. Հայաստանում մեկ օրում կորոնավիրուսից 7 մարդ է մահացել