Արա Գալոյան

Գալոյան. «ՀՀ տնտեսությունը զարգանում է իներցիայով»

63
Տնտեսագետ Արա Գալոյանը Sputnik Արմենիայի հետ զրույցում Հայաստանում տիրող գործազրկության մասին կոնկրետ թվեր է ներկայացնում՝ շեշտելով, որ տնտեսության վերլուծությունը թվերի վերլուծություն է, ոչ թե գաղափարների:
Գալոյան. «ՀՀ տնտեսությունը զարգանում է իներցիայով»

Տնտեսագետ Արա Գալոյանը Sputnik Արմենիայի հետ զրույցում անդրադարձել է գործազուրկների միջին ամսական թվաքանակի նվազման մասին ցուցանիշներին, որոնք իր Facebook-յան էջում հրապարակել էր վարչապետ Նիկոլ Փաշինյանը։

Ըստ տնտեսագետի` առայժմ պաշտոնապես հրապարակված են աշխատանքի շուկայի միայն առաջին եռամսյակի տվյալները։ Բանավոր խոսքը, Facebook-յան գրառումները հիմք չեն կարող հանդիսանալ։

«Գործազուրկների թիվը 2018թ. առաջին եռամսյակում եղել է 237.600, իսկ 2019թ.-ին` 253.600»,-նշում է Գալոյանը։

Տնտեսագետի խոսքով՝ ՀՀ տնտեսությունը զարգանում է իներցիայով։

«Սովորաբար, արտահանումներով են չափում տնտեսության որակը։ Այդ ոլորտում մենք համարյա կրկնել ենք այն, ինչը եղել է անցած տարվա առաջին կիսամյակում: Ես փոփոխություններ չեմ նկատում»,–ասում է Գալոյանը։

Խոսելով ներդրումների մասին՝ տնտեսագետը նշում է, որ առաջին 15 խոշոր հարկատուներից 4–ը ծխախոտ արտադրող ընկերություններ են։

«Տնտեսության վերլուծությունը թվերի վերլուծություն է, ոչ թե իդեաների»,–ասում է տնտեսագետը։

Ըստ Արա Գալոյանի, ՀՀ տնտեսությունն ի վիճակի չէ զբաղվածության շուկա մտնող մարդկանց ներգրավել, և եթե տնտեսական ծրագրեր չմշակվեն՝ մեզ սպասում է իներցիոն դանդաղ ընթացք՝ այն, ինչ տեղի էր ունենում վերջին 7 տարում։

«Ես չեմ տեսնում տնտեսական զարգացման ծրագիր, ուղղություններ»,–ասում է տնտեսագետը։

Հիշեցնենք, որ վարչապետ Նիկոլ Փաշինյանը Facebook-ի իր էջում փաստել է, որ 2019 թվականի հունվար-հունիս ամիսներին պաշտոնապես գրանցված գործազուրկների միջին ամսական թվաքանակը նախորդ տարվա նույն ժամանակահատվածի համեմատ նվազել է 6.4%-ով: 2019 թվականի նույն ժամանակահատվածում Զինծառայողների ապահովագրության հիմնադրամին իրականացված պարտադիր վճարումները 2018 թվականի հունվար-հունիսի ցուցանիշը գերազանցել են 347.8 միլիոն դրամով, կամ 9.6 տոկոսով: Վարչապետը նշել է, որ աճը վարձու աշխատողների թվաքանակի ավելացման արդյունք է։

63
թեգերը:
Գործազրկություն, Նիկոլ Փաշինյան, տնտեսագետ, Արա Գալոյան
Ըստ թեմայի
Գործազուրկները նվազել են, հարկ վճարողներն ավելացել. Փաշինյանը նոր թվեր է հրապարակել
Փաշինյանը` զբոսավար. վարչապետն օտարերկրացի զբոսաշրջիկների հետ շրջում է ավտոբուսով
Ոչ մի ոլորտում ես չեմ պատրաստվում հարմարվել այն իրողություններին, որոնք եկել են. Փաշինյան
Մարդիկ այլևս ողորմության չեն սպասում, ուզում են աշխատել. Փաշինյան
Տիգրան Բարսեղյան

«ԱԱԾ–ն ինքնամաքրման կարիք ունի». ԱԱԾ նախկին պաշտոնյան`ընթացող փոփոխությունների մասին

109
(Թարմացված է 21:46 12.08.2020)
ՀՀ ԱԱԾ Սահմանադրության, հասարակական կարգի պահպանության, ահաբեկչության դեմ ուղղված պայքարի գլխավոր վարչության պետի նախկին տեղակալ, գեներալ-մայոր Տիգրան Բարսեղյանը Sputnik Արմենիայի եթերում անդրադարձել է ԱԱԾ–ում տեղի ունեցած վերջին կադրային փոփոխություններին։

 

Բարսեղյան. «ԱԱԾ–ն իրականում ինքնամաքրման կարիք ունի»

Տիգրան Բարսեղյանի դիտարկմամբ` ԱԱԾ–ն երկրի հենասյուներից մեկն է, և այդ կառույցում փոփոխությունները նշանակում են, որ անհրաժեշտ են երկրի համար։ Ըստ նրա` Նիկոլ Փաշինյանը որոնումների մեջ է և ցանկանում է ԱԱԾ–ն դարձնել իրավական տեսանկյունից ամենահզոր կառույցներից մեկը։

«ԱԱԾ փոփոխությունները նշանակում են նաև ընդհանուր փոփոխություններ երկրում, որոնք պիտի նպաստեն ներքաղաքական ու տնտեսական կայունության ամրապնդմանը, բարեփոխումների սահուն իրականացմանը, արտաքին աշխարհի հետ հարաբերությունների հստակեցմանը, և այս ամենը հետապնդում է մի նպատակ. որպեսզի ԱԱԾ–ն առկա խնդիրները լուծի հետհեղափոխական ժամանակաշրջանի պահանջներին համապատասխան»,– նշում է գեներալ–մայորը։

Տիգրան Բարսեղյանի գնահատմամբ` նախկին ԱԱԾ–ն սպասարկում էր կոռուպցիոն որոշակի համակարգերին, հետևաբար պետք է ձերբազատվել կոռուպցիոն կապերով կաշկանդված նախկին աշխատակիցներին։ Անդրադառնալով այն հարցին, որ ԱԱԾ ներկայիս տնօրենն ընդամենը 29–ամյա անձ է և համակարգից չէ, ուստի կկարողանա՞ արդյոք արդյունավետորեն լուծել կառույցի առջև ծառացած խնդիրները, Տիգրան Բարսեղյանը նշեց, որ Արգիշտի Քյարամյանի գլխավորությամբ կառույցը հաստատապես կհաջողի իր աշխատանքներում, քանզի նորանշանակ տնօրենը վայելում է վարչապետի աջակցությունը։   

«Կարևոր է, որ Արգիշտի Քյարամյանը որոշել է կառույցի ղեկավար կազմում հավաքագրել մաքուր և պրոֆեսիոնալ անձանց, ովքեր պատրաստ են քաշել լուծը և ԱԱԾ–ն դարձնել իրավական կառույց։ Խոսքը վերաբերում է մասնավորապես տնօրենի տեղակալներին ու վարչությունների ղեկավարներին։ ԱԱԾ–ն իրականում ինքնամաքարման կարիք ունի, պետք է ձերբազատվել նախկինների հետ կապ ունեցողներից, ովքեր ձգտում են ռևանշի»,– նշում է ԱԱԾ նախկին պաշտոնյան։

ԱԱԾ տնօրենի տեղակալն իր աշխատասենյակում «ժուչոկ» է գտել. «Հրապարակ»

Բարսեղյանի կարծիքով` ԱԱԾ–ն իրավունք չունի թուլանալու և քաղաքական գործընթացներից հետ մնալու, այլ պետք է շարունակաբար ձեռքը պահի իրադարձությունների զարկերակի վրա, խնդիրներն իրավական հարթությունում ներկայացնի վարչապետին և իշխանություններին։ Ըստ նրա` ԱԱԾ–ն նախկինում փակ համակարգ էր, որովհետև թույլ չէին տալիս տեղեկատվության մատուցում հանրությանը, ինչն անընդունելի է, հետևաբար անհրաժեշտ է աշխատանքների արդյունքները թույլատրելիության սահմաններում պարբերաբար ներկայացնել հասարակությանը, ինչն ընդունված պրակտիկա է ամբողջ աշխարհում։   

Հիշեցնենք, որ այսօր ՀՀ նախագահ Արմեն Սարգսյանն Ազգային անվտանգության ծառայության տնօրենի երկու տեղակալ է նշանակել։ Նախագահի հրամանագրով ԱԱԾ տնօրենի տեղակալներ են նշանակվել Միքայել Համբարձումյանը և Արմեն Աբազյանը։

Հունիսի 8–ին Նիկոլ Փաշինյանի նախաձեռնությամբ զբաղեցրած պաշտոնից ազատվեց Ազգային անվտանգության ծառայության տնօրեն Էդուարդ Մարտիրոսյանը։  Նույն օրը ԱԱԾ տնօրենի պաշտոնում նշանակվեց ԱԱԾ տնօրենի տեղակալ Արգիշտի Քյարամյանը։

 

109
թեգերը:
Հրաժարական, պաշտոնյա, պաշտոն, Հայաստան, ՀՀ ազգային անվտանգության ծառայություն. ԱԱԾ
Սոս Մարգարյան

Անհանգստանա՞լ, թե՞ ոչ. ՀՀ գլխավոր սեյսմոլոգը՝ տարածաշրջանում սեյսմիկ անվտանգության մասին

411
(Թարմացված է 21:25 12.08.2020)
Սեյսմիկ պաշտպանության տարածաշրջանային ծառայության ղեկավար Սոս Մարգարյանը Sputnik Արմենիայի եթերում անդրադարձել է Թուրքիայի տարածքում գիշերը տեղի ունեցած երկրաշարժին, որի ցնցումները զգացվել են նաև Հայաստանում։   
Անհանգստանա՞լ, թե՞ ոչ. ՀՀ գլխավոր սեյսմոլոգը՝ տարածաշրջանում սեյսմիկ իրավիճակի մասին

Սեյսմիկ պաշտպանության տարածաշրջանային ծառայության ղեկավար Սոս Մարգարյանի փոխանցմամբ`մարդկանց նկարագրածը մի քիչ հարաբերական է, որովհետև ոմանք ասում են, թե ցնցումները շատ ուժեղ էին, ոմանք էլ նկարագրում են այնպես, ինչպես իրականում պետք է որ լինի։

«Չեմ ցանկանում նման դատողությունների վրա եզրահանգումներ անել։ Իրականում եղել է երկու թույլ հետցնցում, որոնց կապակցությամբ արվել ու արվում է մասնագիտական վերլուծություն։ Նշեմ, որ Իգդիրի խզվածքը բաղկացած է չորս սեգմենտից, արտառոց ոչ մի բան չկա, հետևաբար պետք չէ անհանգստանալ»,– Sputnik Արմենիայի հետ զրույցում ասաց նա։ 

Մարգարյանի տեղեկացմամբ`գրանցվել է թույլ երկրաշարժ, ու քանի որ երկրաֆիզիկական դաշտերը մեծ անոմալիաներ չեն տալիս այս պահին, ապա հաշվի առնելով 4.2 մագնիտուդով ուժգնությունը` կարելի է ասել, որ սեյսմիկ իրավիճակն այժմ իր ֆոնային արժեքների շրջանում է։ 

Շիրակում երկրաշարժի ահը սրտում 114 վթարային շենք կա. դասեր չե՞նք քաղում անցյալից

Հիշեցնենք, որ անցած գիշեր Թուրքիայի Իգդիր քաղաքից 12 կմ հարավ-արևելք օջախի 10 կմ խորությամբ, 4.2 մագնիտուդով երկրաշարժ է գրանցվել։ Էպիկենտրոնային գոտում ստորգետնյա ցնցման ուժգնությունը կազմել է 5-6 բալ: Երկրաշարժը զգացվել է ՀՀ Արմավիրի և Արարատի մարզերում՝ 4 բալ, իսկ Երևանում՝ 3-4 բալ ուժգնությամբ։

411
թեգերը:
էպիկենտրոն, Թուրքիա, Երկրաշարժ, Հայաստան
Ըստ թեմայի
ԱԷԿ-ի սեյսմիկ անվտանգության հայկական համակարգը ցանկանում են տեղադրել Լատինական Ամերիկայում
Մազից կախված. ՀՀ-ում 400 ոչ սեյսմակայուն դպրոց կա
ՀՀ–ում սեյսմիկ ցնցումների քանակն աճել է. 16–ի փոխարեն` 24–հարկանի շենքե՞ր կկառուցվեն
Անհանգստանալու առիթ չկա. ցնցումների օջախային գոտում լարվածությունը թուլացել է. սեյսմոլոգ
ՀՀ ոստիկանություն. արխիվային լուսանկար

Երևան-Երասխ ավտոճանապարհին 5 մեքենա բախվել են իրար. կա տուժած

0
(Թարմացված է 10:06 13.08.2020)
Մ-2 ավտոճանապարհին տեղի ունեցած շղթայական ավտովթարի հետևանքով մեկ աղջիկ է տեղափոխվել «Էրեբունի» ԲԿ։

ԵՐԵՎԱՆ, 13 Օգոստոս — Sputnik. ՀՀ արտակարգ իրավիճակների նախարարությունը տեղեկացնում է, որ օգոստոսի 12-ին, ժամը 23։15-ին Մ-2 ավտոճանապարհի Տափերական գյուղի մոտակայքում տեղի է ունեցել ՃՏՊ. 5 մեքենա են բախվել իրար։

«Պարզվել է, որ Երևան-Երասխ ավտոճանապարհի 35-րդ կմ-ին բախվել են BMW (վարորդ՝ Վահագն Հ․, ծնված 1980 թ.), Renault (վարորդ՝ Գևորգ Ի․, ծնված 1992 թ.), ZIL (վարորդ՝ Լյուդվիգ Հ․, ծնված 1990 թ.), ZIL (վարորդ՝ Հովհաննես Ե․, ծնված 1977 թ.) և Opel Аstra G (վարորդ՝ Սարգիս Ա․, ծնված 1993 թ.) մակնիշների ավտոմեքենաները»,–նշված է հաղորդագրության մեջ։

Մինչ փրկարարների՝ կանչի վայր հասնելը «BMW» մակնիշի ավտոմեքենայի ուղևոր Քրիստինե Ա․-ն (ծնված 1978 թ.) հոսպիտալացվել է «Էրեբունի» ԲԿ։

Փրկարարները հոսանքազրկել են ավտոմեքենաները, փակել գազի բալոնների փականները և կատարել ճանապարհի լվացման աշխատանքներ։

Արցախում ևս արտակարգ դրությունը երկարաձգվեց մեկ ամսով. ինչ փոփոխություններ են արվել

0
թեգերը:
Վիրավոր, Հայաստան, ավտովթար
թեմա:
Վթար, պատահար, սպանություն, գողություն
Ըստ թեմայի
Դպրոցների բացվելը կարող է համաճարակի 2-րդ ալիքի պատճառ դառնալ. ի՞նչ կանի կառավարությունը
Աշտարակում կամրջից 53-ամյա տղամարդ է նետվել