Պոլսո Հայոց պատրիարքի ընտրությունների հետ կապված խնդիր կա․ որոշ շրջանակներ փորձում են թելադրել, որ ընտրությունը երկու եպիսկոպոսների միջև ընթանա։ Այդ մասին Sputnik Արմենիայի հետ զրույցում ասաց «Ակոս» թերթի խմբագրապետ Բագրատ Էստուկյանը։
Ընտրելու ենք ոչ թե հոգևոր առաջնորդի, այլ ժողովրդին ներկայացնող քաղաքական անձի. Էստուկյան
«Հայ համայնքը ընդհանրապես ցանկություն չունի, որ պատրիարքի ընտրությունը միայն երկու եպիսկոպոսի միջև լինի»,-ասաց նա։
Թուրքիայի հայ համայնքը, ըստ Էստուկյանի, ակնկալում է արդար ու թափանցիկ ընտրություններ, մինչդեռ թեկանծուների համար ձեռնտու է հնարավորինս քիչ թեկնածուների առաջադրումը. մրցակցությունը հեշտ կլինի, հաղթելու հավանականությունը` մեծ։
Ստաբուլի «Ակոս» թերթի խմբագրապետի կարծիքով` թեկնածուները հարցի վերաբերյալ իրենց ցանկությունը փորձում են ներկայացնել որպես իշխանության պահանջ։
Չմարող կրքեր Պոլսո պատրիարքի ընտրություններից առաջ․ ինչպես են բաշխվել ուժերը Թուրքիայում
Հիշեցնենք` Պոլսո Հայոց պատրիարքի ընտրությունների համակարգմամբ զբաղվող նախաձեռնող մարմինը օրերս հանդիպել է Թուրքիայի ներքին գործերի նախարար Սուլեյման Սոյլուի և այլ պաշտոնյաների հետ: Հանդիպման ընթացքում քննարկվել են պատրիարքական ընտրությունների գործընթացի և կանոնադրությանն առնչվող հարցեր:
