Սուսաննա Սաֆարյան

Սաֆարյան. «Ցուցանիշների աճին նպաստել են մարկետինգային քայլերը»

65
(Թարմացված է 19:26 09.08.2019)
Առաջին կիսամյակի կտրվածքով զբոսաշրջիկների թվով առաջատարը Ռուսաստանի Դաշնությունն է՝ մոտ 342 500 այցելու, հաջորդ տեղում հարևան Վրաստանն է՝ 154 000 այցելու, հետո Իրանը և ԱՄՆ-ն:

Զբոսաշրջության պետական կոմիտեի ղեկավար Սուսաննա Սաֆարյանը Sputnik Արմենիայի հետ զրույցում անդրադարձել է վարչապետ Նիկոլ Փաշինյանի ներկայացրած՝ զբոսաշրջության ոլորտին առանչվող ցուցանիշներին ու մասնավորապես նշել, որ եթե աճը վերագրենք Հայաստանի առավելություններին, ապա այն առաջին հերթին պայմանավորված է Հայաստանի նկատմամբ թիրախային երկրների հետաքրքրության ավելացմամբ, ինչին հիմնականում նպաստել են և՛ պետության, և՛ մասնավոր սեկտորի կողմից իրականացված մարկետինգային քայլերը:

«Արդյունքում գրանցել ենք 12,8 տոկոս աճ, ինչն, իմ կարծիքով, բավականին բարձր ցուցանիշ է՝ հաշվի առնելով, որ դեռ զբոսաշրջային սեզոնը չի ավարտվել, և հոսքեր դեռ ակնկալվում են:  Կարող եմ ձեզ տվյալներ տրամադրել առաջին տասնյակի երկրների ցուցանիշներով: Առաջին կիսամյակի կտրվածքով առաջատարը Ռուսաստանի Դաշնությունն է՝ մոտ 342 500 այցելու, հաջորդ տեղում հարևան Վրաստանն է՝ 154 000 այցելու, հետո Իրանը և ԱՄՆ-ն:

Հիմնականում այս քառյակի երկրներն են գլխավորում ամեն տարվա մեր ամենաշատ այցելություններ գրանցող երկրների ցանկը: Կարելի է հաջորդականությամբ ցանկը շարունակել՝ Հնդկաստան, Գերմանիա, Ուկրաինա, Ֆրանսիա, Ղազախստան, Ֆիլիպիններ: Նշված երկրներն էլ կազմում են առաջատար տասնյակը»,- նշեց Սուսաննա Սաֆարյանը:

Զբոսաշրջության պետական կոմիտեի ղեկավարը  դժվարանում է նշել նոր երկիր, որից այցելություններն աճել են, ինչը հնարավոր կլիներ վերագրել հետաքրքրության աճին, բայց նրա տեղեկացմամբ՝ հատկապես ավելացել են մեզ համար թիրախային շուկա հանդիսացող երկրները, որոնք մտնում են վերոհիշյալ տասնյակի մեջ:

Սուսաննա Սաֆարյանի համոզմամբ՝ պետք է արվեն Հայաստանի նկատմամբ ճանաչողության բարձրացման քայլեր, հիմնականում՝ թիրախային շուկաներում ավելի ուժեղ մարկետինգային գործողություններ, ինչը հնարավորություն կտա տվյալ երկրում ավելի լավ ճանաչել Հայաստանը, ավելի լավ պատկերացում ունենալ մեր երկրի մասին, ինչպես նաև փոխադարձ այցելություններ գործընկեր կառույցների, լրագրողների կողմից:

Եգիպտացորենի դաշտը լաբիրինթոս է դառնում. Տավուշի զբոսաշրջային ստարտափը

«Սա մեր տարեկան ծրագրով նախատեսված գործունեությունն է: Հիմնականում շատ սահմանափակ ենք կարողանում իրականացնել ծրագրերը՝ ելնելով ֆինանսական սուղ միջոցներից»,- նշեց Սուսաննա Սաֆարյանը, հավելելով, որ այդուհանդերձ, նախատեսում են եկող տարի հետաքրքրությունների շրջանակն ընդլայնել, ավելի շատ երկրներ թիրախավորել ու դրանցում ավելի շատ մարկետինգային ծառայություններ ներկայացնել, որպեսզի աճն ու հետաքրքրությունը լինեն համադրելի:

65
թեգերը:
Հայաստան, Զբոսաշրջիկ, զբոսաշրջություն, Սուսաննա Սաֆարյան
Ըստ թեմայի
Անարդարացիորեն անտեսվածը. CNN–ը զբոսաշրջիկներին խորհուրդ է տալիս այցելել Երևան
Գորգերի լվացում, ջրոցի, երևանցիներ և զբոսաշրջիկներ. Երևանում «խառն» են. ուրախ ֆոտոշարք
Ստեղծիր թուղթ․ աստղադիտարանից բացի էլ ինչով Բյուրականը կզարմացնի զբոսաշրջիկներին
«Սա մի հրաշք տոն է». Երևանի թրջված զբոսաշրջիկները և՛ զարմացած են, և՛ հիացած. լուսանկարներ
Լավ ընդունեք զբոսաշրջիկներին. Նիկոլ Փաշինյանը թվեր է հրապարակել

sys_stories