Սարհատ Պետրոսյան

Պետրոսյան. «Մեթոդաբանության առկայությունը դեռ վերջնական քաղաքական որոշման կայացում չէ»

177
(Թարմացված է 17:24 07.08.2019)
Կադաստրի պետական կոմիտեի և միջգերատեսչական աշխատանքային խմբի ղեկավար Սարհատ Պետրոսյանը կարծում է, որ աղետի գոտու հարցը վերջնականապես լուծելու համար պետք է մանրակրկիտ աշխատել՝ գտնել նախկինում արված սխալներն ու բացառել դրանց կրկնությունը: Նախորդ հանձնաժողովը գույքագրել է ավելի քան 7 հազար ժամանակավոր տնակ աղետի գոտու ողջ տարածքում: Գյումրիում դրանց թիվը կազմում է մոտ 2500:
Սարհատ Պետրոսյան. «Մեթոդաբանության առկայությունը դեռ չի նշանակում վերջնական քաղաքական որոշման կայացում»

ՀՀ վարչապետի որոշմամբ ստեղծված միջգերատեսչական աշխատանքային խմբի ղեկավար, Կադաստրի պետական կոմիտեի ղեկավար Սարհատ Պետրոսյանը Sputnik Արմենիայի հետ զրույցում անդրադարձել է աղետի գոտի, մասնավորապես, Գյումրի կատարած այցին և խոսել աղետի գոտու տնակների վերաբերյալ հավաքագրված տվյալներն ամփոփելու մեթոդաբանության մասին:

«Սա մեր առաջին այցելությունն էր, և քանի որ մեր խնդիրն է նախ հասկանալ այն մեթոդաբանությունը, որով պետք է խորհուրդ տանք կառավարությանն ինչպես շարժվել այս հարցում, ուստի փորձում էինք  պարզել, թե մինչ այդ կատարված աշխատանքների արդյունքում տեղում ինչ իրավիճակ է ստեղծվել, և այն խմբերը կամ ժամանակավոր տնակների փնջերը, որոնք տեղաբաշխված են Գյումրի քաղաքի տարբեր հատվածներում, ինչպիսի պոտենցիալ ունեն տնտեսական իրավիճակ փոխելու առումով»,-նշում է Սարհատ Պետրոսյանը:

Միջգերատեսչական աշխատանքային խմբի ղեկավարի կարծիքով՝ դեռ շատ վաղ է խոսել այն մասին, թե ինչ է արվելու այդ տնակների տեղում, կամ ինչ ծրագիր է իրագործվելու: Ողջ գաղափարախոսությունը, որ դրված է մեթոդաբանության մշակման մեջ, այն է, որ իրենք հասկանան նախկինում կատարված սխալները և չկրկնեն դրանք: Սարհատ Պետրոսյանի համոզմամբ՝ եթե նույն տրամաբանությամբ և հապշտապ որոշումներ կայացվեն, ապա կարող ենք նորից հայտնվել նույն տեղապտույտում: Դեռևս պետք է տեղի ունենան մի շարք այցելություններ ոչ միայն Գյումրի, այլև աղետից տուժած այլ բնակավայրեր, որպեսզի կազմվի ավելի ամբողջական պատկերացում:

«Բայց կարծում եմ, որ շատ ավելի մոտ ենք իրավիճակին տիրապետելուն և լուծումներ գտնելուն: Գործընթացի ամենակարևոր բաղադրիչն այն է, որ հարցերը պետք է քննարկվեն տեղում և՛ բնակիչների, և՛ տեղի պատկան մարմինների, և՛ հասարարական սեկտորի այն ներկայացուցիչների հետ, ովքեր երկար տարիներ զբաղվել են նույն աշխատանքով իրենց ոգեշնչման ու կարողությունների շրջանակում: Ցուցակագրումը, կարելի է ասել, որ ֆորմալ առումով արդեն արված է, չնայած՝ տեղում այցելությունները բացահայտում են այն հանգամանքը, որ աշխատանքները նախկինում այնքան էլ որակյալ չեն կատարվել: Կարծում եմ, որ հարցին ապագայում անդրադառնալու խնդիր կլինի»,- նշում է Սարհատ Պետրոսյանը:

Խնդիրներից մեկն այն է, որ տնակների մեծ մասի սեփականատերերն արդեն իսկ պետության կողմից, հանրային միջոցներից ստացել են փոխհատուցում, և թեև ունեցել են բնակարան, բայց շարունակում են ապրել տնակներում: Սարհատ Պետրոսյանի համոզմամբ՝ եթե պետությունը հարկատուների գումարները ծախսում է նման խնդիրներին լուծում տալու նպատակով, ապա այդ դեպքում նույն իրավիճակը պետք է չունենանք: Ըստ այդմ՝ անհրաժեշտ է համայնքում յուրաքանչյուր դրամը ծախսել այնպես, որ գործընթացը միտված լինի ոչ միայն ժամանակավոր տնակներից ազատվելուն, այլև համայնքում իրավիճակի ու մթնոլորտի փոփոխմանը: Միջգերատեսչական աշխատանքային խումբն այժմ ունի այս երկու հարցերը համադրելու խնդիր, ինչը պահանջում է ոչ ստանդարտ լուծում:

«Այնպես չէ, որ մենք Հայաստանում մինչ այդ նման բազմաշերտ որոշումներ ենք կայացրել, հետևաբար, փորձում ենք այս նոր մեթոդաբանությունը մշակելիս ինքներս ավելի լավ հասկանալ, թե ինչպես կարող ենք տիրապետել գոյություն ունեցող գործիքակազմին: Նախորդ հանձնաժողովը գույքագրել է ավելի քան 7 հազար ժամանակավոր տնակ աղետի գոտու ողջ տարածքում: Գյումրիում դրանց թիվը կազմում է մոտ 2500: Բայց երեկվա այցից հետո պարզվեց, որ այդ թիվը կարող է շատ ավելի քիչ լինել: Այդուհանդերձ, դժվար է ասել, թե քանի մարդ է ապրում ժամանակավոր տնակներում»,- նշում է Սարհատ Պետրոսյանը:

Աշխատանքային խմբի ղեկավարի փոխանցմամբ՝ մեթոոդաբանության առկայությունը դեռ չի նշանակում վերջնական քաղաքական որոշման կայացում: Իրենք կարող են մեթոդաբանության վերաբերյալ ունենալ իրենց մոտեցումները և նույնիսկ ներկայացնել մի քանի սցենար, որպեսզի քաղաքական որոշումը կայացվի ավելի լայն շրջանակներում: Սարհատ Պետրոսյանը համոզված է, որ դրա համար կան այլ բաղադրիչներ, ֆինանսական հնարավորություններ, ավելի երկարաժամկետ խնդիրներ և այլն: Այս պահին իրենք չեն տեսնում կոնկրետ ժամկետներում այդ մեթոդաբանությունը ներկայացնելու անհրաժեշտություն:

«Պարտադիր չէ, որ կառավարությունն իր հերթին նոյեմբերի 30-ին ասի, որ սա հենց իր ճանապարհային քարտեզն է առաջիկա երեք կամ հինգ տարիների համար: Այդուհանդերձ, կարծում ենք, որ մեթոդաբանությունը ներկայացնելու որևէ խնդիր չենք ունենա: Մեր խմբի մյուս հանդիպումը լինելու է Երևանում, որպեսզի վերլուծենք այս ամենը: Քննարկում ենք հաջորդ անգամ այցելել Սպիտակ: Պետք է հասկանալ նաև մյուս բնակավայրերի բնակիչների մոտեցումները, հետևաբար, առավելագույնը երկու շաբաթ անց կայցելենք Սպիտակ»,- տեղեկացնում է Սարհատ Պետրոսյանը:   

Ինչպես կլուծվի բնակարանային հարցը աղետի գոտում. Վերմիշյանը նոր թվեր է ներկայացրել

177
թեգերը:
աղետի գոտի, բնակարանաշինություն, Վանաձոր, Գյումրի, Սարհատ Պետրոսյան
Ըստ թեմայի
Ինչպես Սպիտակի երկրաշարժը փոխեց ռուս լուսանկարչի կյանքը
«Մինչև հիմա վնասվածքից ուշքի չեմ եկել». Պետդումայի պատգամավորը` Սպիտակի երկրաշարժի մասին
Սպիտակի երկրաշարժին հաջորդած Նոր տարին. ի՞նչ է տեսել ռուս լրագրողը սարսափելի օրերին
Սփյուռքը շնորհակալություն է հայտնել Ռուսաստանին Սպիտակի երկրաշարժի օրերի աջակցության համար
Գաղտնիքը բացահայտվեց. Սպիտակի երկրաշարժից առաջ բնությունը հուշում էր, բայց նրան չէին «լսում»
Վիկտոր Մնացականյան, Կետրոն համայնքի նախկին ղեկավար, արխիվային լուսանկար

Հուսամ` Արթուր Մեսչյանը կլինի Երևանի վերջին գլխավոր ճարտարապետը. Մնացականյան

31
(Թարմացված է 23:15 04.08.2020)
Երևանի Կենտրոն վարչական շրջանի նախկին ղեկավար Վիկտոր Մնացականյանը Sputnik Արմենիայի եթերում անդրադարձել է Մաշտոցի պուրակում ընթացող կառուցապատման աշխատանքներին և ընդհանուր առմամբ Երևանի քաղաքաշինական խնդիրներին։
Մնացականյան. «Հուսամ` Արթուր Մեսչյանը կլինի Երևանի վերջին գլխավոր ճարտարապետը»

Երևանի Կենտրոն վարչական շրջանի նախկին ղեկավար Վիկտոր Մնացականյանի դիտարկմամբ` սրճարաններ կառուցելու նպատակով ծառահատումներն, իհարկե, լավ չեն, սակայն մյուս կողմից՝ որոշ տեղերում պետք է սրճարաններ լինեն։ Պարզապես անհրաժեշտ է պահպանել համաչափության սկզբունքը` մեկից տասը հեկտար տարածքով այգում տեղակայել մեկ սրճարան, և կարևոր է, որ ավագանին հաստատի այդ կարգը։ Նախընտրելի է, որ սրճարաններն աշխատեն ամբողջ տարվա ընթացքում։

«Նրանք, ովքեր թեկուզ անզգուշությամբ ծառեր են հատել Մաշտոցի պուրակում, թող ենթարկվեն պատասխանատվության, իսկ եթե նրանք ունեն համապատասխան թույլտվություն, թող պատասխան տան նրանք, ովքեր թույլատրել են այդ ծառահատումները»,– Sputnik Արմենիայի հետ զրույցում ասաց նա։

Մնացականյանի համոզմամբ` պետք է մայրաքաղաքի կենտրոնում հայտարարվի մորատորիում բարձրահարկ շենքերի կառուցման համար, այսինքն` քաղաքապետարանը քննարկի միայն մինչև հինգ հարկանի շենքերի կառուցմանն առնչվող նախագծերը։ Իսկ հետագայում, երբ քննարկվի հիմնական հատակագիծը, այն, ըստ Մնացականյանի, պետք է լինի ոչ թե նախկին խորհրդային կիսամեռ տարբերակը, որը նախատեսված էր միայն ճարտարապետների համար, այլ լինի միջազգային չափանիշներին համապատասխան զարգացման «մաստեր–պլան»։

Ինչը կարող էր ստիպել Արթուր Մեսչյանին հրաժարվել պաշտոնից. Մինասյանի տեսակետը

«Ինչ վերաբերում է Արթուր Մեսչյանի գործունեությանը, ապա նա փայլուն և լուսավոր անձնավորություն է, մեր եզակի, լավագույն ճարտարապետներից մեկը, սակայն գլխավոր ճարտարապետ լինելու համար թերևս պետք են նաև այլ հատկանիշներ։ Հուսամ, որ Արթուր Մեսչյանը կլինի Երևանի վերջին գլխավոր ճարտարապետը»,– նշեց Կենտրոն վարչական շրջանի նախկին ղեկավարը։

Մնացականյանի կարծիքով` Երևանը պետք է արդեն ունենա ոչ թե գլխավոր ճարտարապետ, այլ գլխավոր ուրբանիստ, որը քաջածանոթ է ճարտարապետական, քաղաքաշինական, տրանսպորտային, էկոլոգիական խնդիրներին և կկարողանա օգնել քաղաքապետին, ավագանուն և ընդհանրապես մայրաքաղաքին։

Թույլ չեմ տա արտաժամյա աշխատեն. Մեսչյանը զայրացած է աշխատավարձների շուրջ ծավալված աղմուկից

Նշենք, որ արդեն մի քանի օր է, ինչ բնապահպանները Մաշտոցի պուրակում իրականացվող շինարարական աշխատանքների դեմ բողոքի ակցիաներ են տեղի ունենում։ Ակցիայի մասնակիցներն ահազանգում են նաև հատված ծառերի մասին։

31
թեգերը:
Հրաժարական, Մաշտոցի պուրակ, Վիկտոր Մնացականյան, Արթուր Մեսչյան, Երևան, Հայաստան
Ըստ թեմայի
Երևանի վարչական շրջանների ղեկավարների լիազորությունները կընդլայնվեն. Մեսչյան
Ի՞նչ է թաքնված Հանրապետության հրապարակի տակ. Մեսչյանը կասկածում է դրա կարևոր նշանակությանը
«Մեսչյանը հանգստացրեց». ինչպես են շարունակում աշխատել օպերայի հարակից հաստատությունները
Փաշինյանին հարգում եմ, բայց Երևանն ավելի թանկ է. Մեսչյանը խոսել է իր ծրագրերի մասին
Մկրտիչ Մինասյան

Ինչը կարող էր ստիպել Արթուր Մեսչյանին հրաժարվել պաշտոնից. Մինասյանի տեսակետը

209
(Թարմացված է 18:04 04.08.2020)
Հայաստանի ճարտարապետների պալատի նախագահ Մկրտիչ Մինասյանը Sputnik Արմենիայի եթերում անդրադարձել է Երևանի գլխավոր ճարտարապետ Արթուր Մեսչյանի` պաշտոնից հրաժարվելու լուրին և գնահատել նրա երկամյա գործունեությունը։
Մինասյան. «Հնարավոր է` Մեսչյանն առնչվել է խնդիրներին, բայց չի կարողացել անցնել պատնեշները»

Մկրտիչ Մինասյանի կարծիքով` շատ դժվար է ներկա պայմաններում խստորեն դադարեցնել ճարտարապետական լուծումներին առնչվող որոշ գործընթացներ, և դրա համար պետք է լինեն քաղաքական հստակ որոշումներ։ Մինասյանն իր տեսակետը հայտնեց` անդրադառնալով Երևանի քաղաքապետ Հայկ Մարությանի այսօրվա հայտարարությանը, ըստ որի` Երևանի գլխավոր ճարտարապետ Արթուրը Մեսչյանը պաշտոնից հրաժարվելու դիմում է գրել։

«Օրինակ` հիմա Մաշտոցի պուրակում կրկին տեղադրվել են սրճարաններ։ Սեփականատերերին ժամանակին տրվել են երկարաժամկետ թույլտվություններ, և հիմա չեն կարողանում այդ գործընթացի դեմն առնել։ Շատ հնարավոր է, որ Մեսչյանն առնչվել է նման խնդիրների հետ և չի կարողացել անցնել պատնեշները։ Դա նրա անելիքն էր, բայց ուժերից վեր էր։ Ես վաղուց ճանաչում են Արթուրին, նա իր բնույթով խնդիրները լուծելու ճանապարհին էր, բայց ամենօրյա պայքարը ջլատում է մարդուն»,– Sputnik Արմենիայի հետ զրույցում ասաց Հայաստանի ճարտարապետների պալատի նախագահը։

Մինասյանը մատնանշեց այն հակասությունը, որ մի դեպքում սեփականատերերն ասում են, թե իրենց տարածքում կարող են անել ամեն ինչ, բայց մյուս կողմից էլ քաղաքն իր ճարտարապետական օրինաչափություններն ունի, հետևաբար սեփականատերերը պետք է հետևեն դրանց, և այդ խնդիրն առհասարակ, ըստ Մինասյանի, պետք է լուծվի օրենսդրական դաշտում։

Հայաստանի ճարտարապետների պալատի նախագահը վկայակոչեց ևս մեկ հակասական իրավիճակ, որն առնչվում է Նորքի կանաչապատ տարածքներին։ Նրա խոսքով` գույքի վարչությունը պատրաստվում է հողահատկացումների աճուրդ կազմակերպել։ Եթե գլխավոր հատակագծով դա չկա, կամ եթե նախկինում եղել են նման որոշումներ, ապա ինչո՞ւ են փորձում դրանք ռեանիմացիայի ենթարկել, տարակուսում է Մկրտիչ Մինասյանը և հավելում, որ Երևանը ճարտարապետական առումով ոչ միայն անհարազատ, այլև անհարմար է դարձել։

«Արթուր Մեսչյանի պաշտոնավարման վերջնահատվածում արդեն կար համավարակը, իսկ դրանից առաջ, երբ տեղի ունեցավ հեղափոխությունը, մեծ ներդրումներ չէին արվում, և այս հանգամանքները նույնիսկ օգնել են, որ մի փոքր դադար առնենք, որովհետև շատ մեծ ներդրումները հղի են շատ մեծ կառույցներով, որոնք կարող են աղճատել քաղաքի ճարտարապետական դիմագիծը։ Մենք փրկվել ենք դրանից։ Պարզապես պետք էր այս դադարն օգտագործել և ստեղծել այնպիսի մոդուլ, որ քաղաքը ազատեինք անհարկի կառուցապատումներից»,– ասաց Հայաստանի ճարտարապետների պալատի նախագահը։

Ըստ Մինասյանի` ճարտարապետության ռազմավարությունը պետք է արտացոլվի գլխավոր հատակագծում։ Նրա խոսքով`1990–ականներից ի վեր գլխավոր ճարտարապետներն ինքնուրույն են որոշումներ կայացրել, նրանց թվացել է, թե յուրատեսակ լուծումներ են առաջարկել, բայց արդյունքում ի հայտ են եկել նոր խնդիրներ։ Ըստ այդմ`չկա ապագայի հեռանկարին միտված հստակ հայեցակարգ, անհրաժեշտ է էապես վերանայել Երևանի գլխավոր հատակագիծը, որն, ըստ Մինասյանի, կարծես կորցրել է ուժը։

209
թեգերը:
Արթուր Մեսչյան, Հայաստան
Ըստ թեմայի
Երևանի քաղաքապետը պատմեց` որքան գումար է ստանում ու ինչերից է հրաժարվել պաշտոնը ստանձնելով
Հանուն 1 միլիոնի. ինչու է քաղաքապետը «վատամարդ» դառնում Սամվել Ալեքսանյանի և մյուսների մոտ
Դոնալդ Թրամփ

COVID-ը և ընտրությունները. ԱՄՆ-ում դրանք կանցկացվեն 3 ամսից, ՀՀ-ում էլ՝ 7 սարի հետևում չեն

0
(Թարմացված է 23:57 04.08.2020)
​Եկեք անկեղծ լինենք։ Համավարակի տարածումից ի վեր՝ ամենաթեժ վեճը Հայաստանում սա է՝ նախ, արդյո՞ք իշխանություններն ամեն ինչ արել են հիվանդության տարածումը կանխելու համար, և երկրորդ՝ եթե արել են, ինչո՞ւ է իրավիճակն այսքան տխուր։
Ամերիկյան ընտրությունները՝ երեք ամսից, հայաստանյան ընտրությունները՝ կորոնավիրուսային 7 սարի հետևում

Երկու հարցադրումներին էլ կառավարությունը շատ հստակ պատասխանն ունի։ Առաջին՝ արել ենք ոչ միայն առավելագույնը, այլև անհնարինը՝ տեսեք, թե մեր բժիշկներն ինչպես են օր ու գիշեր աշխատում մարդկանց կյանքը փրկելու համար։ Համաձայնեք՝ իրենց համար շատ շահեկան  տեղից են բռնացրել իշխանությունները՝ դե հո չես հակաճառի՝ ոչ, բժիշկները լավ չեն աշխատել։

​Երկրորդ հարցադրումը՝ բա ինչու ենք այսքան վատ վիճակում, նույնպես շատ կոնկրետ պատասխանն ունի՝ բոլորովին էլ այդքան վատ վիճակում չենք, ինչպես փորձում են ներկայացնել ոմանք։ Գնացեք Ամերիկա և վերջ․․․

Գնանք Ամերիկա։ Այդ երկիրն, իհարկե, շատ ուրույն առանձնահատկություններ ունի՝ 50 նահանգներից յուրաքանչյուրն ինքն է որոշում՝ ինչպես պայքարել կորոնավիրուսի դեմ և Վաշինգտոնը բոլորին չի կարող թելադրել իր կանոնները։ Իսկ դա հասկանալի՞ է չէ, թե ինչի է հանգեցնում՝ վիրուսով հիվանդ եմ, Կալիֆոռնիայից գնում եմ Լաս Վեգաս ու վարակում Նևադա նահանգի բնակիչներին։ Բայց ճիշտ այնպես, ինչպես մեր իշխանություններն են ժխտում, թե ամենավատ ցուցանիշներն ունենք տարածաշրջանում, Ամերիկայի ղեկավարները ևս ժխտում են, որ համավարակի տեսանկյունից ամենավատն են ամբողջ աշխարհում։

Ինչ պետք է անել Սերժ Սարգսյանի և Նիկոլ Փաշինյանի տեսլականների իրականացման համար

​Մեր ու Ամերիկայի տարբերությունն այս հարցում գիտե՞ք որն է։ Մեզ մոտ ընդդիմությունը կամ ավելի ճիշտ խիստ ընդդիմադիր տրամադրվածները ամենասուր քննադատության են ենթարկում կառավարությանը, առողջապահության նախարարին, գլխավորապես վարչապետին, իշխանությունն էլ կուռ պաշտպանության քաղաքականությունն է որդեգրել՝ էն հռոմեական լեգեոնների նման, այնինչ՝ Ամերիկայում նույնիսկ իշխանությունների նկատմամբ միանգամայն դրականորեն տրամադրված վերլուծաբանները փաստում են՝ ինչ-որ բան այն չէ Թրամփի թագավորությունում։ Բերեմ ընդամենը մեկ օրինակ։ Հանրապետականների հետ սերտ կապեր ունեցող տնտեսագետ Մայքլ Սթրեյնը Ձեռնարկատիրության ամերիկյան ինստիտուտից օրերս «Նյու Յորք թայմս» թերթին տված հարցազրույցում փաստել է՝ Թրամփը, իրոք, չի հասկանում, թե որքան բարդ է տնտեսության վիճակը և որքան օրհասական է որոշ աշխատողների և նրանց ընտանիքների վիճակը։

Թեժ վիճաբանություն «հայու գենի» շուրջ, կամ մենք ու Ամերիկան

​Էլի կարելի է զուգահեռներ անցկացնել Հայաստանի և Ամերիկայի միջև, որքան էլ դա անսովոր թվա։ Թրամփը վերջին տարիներին փայլուն տնտեսական ցուցանիշներ ուներ վերընտրվելու համար։ Շատ կոնկրետ օրինակ բերեմ։ Անցած տարի դասընկերս եկել էր Լոս Անջելեսից, սրճարաններից մեկում գարեջուր էինք խմում ու ասաց․ «Էս խեղճ Թրամփին բոլորը քննադատում են, ծաղրում են, բայց ախր իր օրոք կյանքն, իրոք, լավացել է, իր օգտին եմ քվեարկելու»։

​Հիմա ամեն ինչ փոխվել է՝ կորոնավիրուսը սարսափելի հարված հասցրեց Թրամփի վարկանիշին և դա միանգամայն հասկանալի է՝ վերջին եռամսյակում համախառն ներքին արդյունքի անկումն Ամերիկայում կազմեց գրեթե 10 տոկոս։ Վերջին 75 տարում նման բան չէր եղել՝ փաստում են ամերիկյան լրատվամիջոցները, վկայակոչելով Նյու Յորքի օրինակը։ Մարտի սկզբից այդ քաղաքում փակվել է մոտ 3 հազար ձեռնարկություն։ Պատկերացրեք՝ 3 հազար։ Բայց, ճիշտն ասած, ինձ համար էլ էր անակնկալ, որ Նյու Յորքում աշխատատեղերի 98 տոկոսն ապահովում են  խանութները, սրճարանները, վարսավիրանոցները, քիմմաքրման կետերը և այլն….  Եվ, ըստ մասնագետների կանխատեսումների՝ դրանց մեկ երրորդն այլևս երբեք չի վերաբացվի։

Ինչ-որ բան այն չէ ժողովրդավարության նախկին «կղզյակներում»

​Հայաստանի և Ամերիկայի միջև, իհարկե, մի շատ էական տարբերություն կա։ Գրեթե 3 ամսից՝ նոյեմբերի 3-ին Միացյալ նահանգներում նախագահական ընտրություններ են։ Կորոնավիրուսն իր ամենաանմիջական ազդեցությունն է ունենալու քվեարկության վրա։ Հայաստանում հերթական խորհրդարանական ընտրություններն էլ յոթ սարի հետևում չեն, բայց, համաձայնեք՝ ամենակարևորն այն է, թե ինչպիսին կլինեն այդ 7 սարերը։

0
թեգերը:
Դոնալդ Թրամփ, վարկանիշ, Ընտրություններ, կորոնավիրուս, ԱՄՆ, Հայաստան
թեմա:
5 րոպե Դուլյանի հետ
Ըստ թեմայի
Սեպտեմերիանա. ինչպես հույներին վտարեցին Թուրքիայից
Եթե լրագրողը ճշմարտությունն է ասում, նրա ի՞նչ գործն է հոգալ հետևանքների մասին. Բրեդլի
Իսրայելի, Մեծ Բրիտանիայի և Ֆրանսիայի դավադրությունը. ինչպես աշխարհը խուսափեց մեծ վտանգից
Հիշեք այս խոսքերը, երբ հերթական անգամ անցնելու կլինեք Կասկադում պառկած ծխող կնոջ կողքով