Մեխակ Ապրեսյան

Ապրեսյան․ «Չպետք է սպասենք` արգելանք լինի, որ շահենք, պետք է գրավիչ դարձնենք Հայաստանը»

33
Տուրիզմի հայկական ֆեդերացիայի նախագահ Մեխակ Ապրեսյանը կարծում է, որ Ռուսաստանի և Վրաստանի միջև ավիահաղորդակցության դադարեցումը զբոսաշրջիկների լրացուցիչ հոսք կապահովի Հայաստան։

Ապրեսյանի խոսքով` թեև շուտով Վրաստանի ուղղությամբ չվերթերի արգելանք կգործի, այդուհանդերձ Հայաստանը չպետք է սպասի դրան, այլ պետք է աշխատի նպատակային շուկաներում` մեր երկիրը ներկայացնելու և զբոսաշրջությունը խթանելու նպատակով։

«Չպետք է սպասենք` արգելանք լինի, որ շահենք, պետք է գրավիչ դարձնենք Հայաստանը զբոսաշրջիկների համար ընդհանրապես»,– ասում է նա։

Նրա խոսքով՝ անկախ ամեն ինչից, ռուսական շուկան շատ մեծ է, ամենաշատ զբոսաշրջիկները գալիս են Ռուսաստանից։

Ապրեսյանը նշում է` խիստ կարևոր է, որ Հայաստան այցելած զբոսաշրջիկներն այստեղից գոհ մեկնեն, սպասումներն էլ` արդարացած։

Հիշեցնենք` ՌԴ նախագահ Վլադիմիր Պուտինը հրամանագիր է ստորագրել, ըստ որի` հուլիսի 8-ից ժամանակավորապես դադարեցվում է Վրաստանի հետ ավիահաղորդակցությունը։

«Աերոֆլոտն» իր ուղևորներին առաջարկել է Վրաստանի մայրաքաղաքի ուղղությամբ չվերթերը փակելուց հետո օգտվել Երևանի և Վլադիկավկազի օդանավակայաններից։

Georgian Airways–ը Թբիլիսի–Երևան–Մոսկվա տարանցիկ չվերթ կառաջարկի ուղևորներին

33
թեգերը:
Ռուսաստան, Վրաստանի Հանրապետություն, Զբոսաշրջիկ, Հայաստան
Ըստ թեմայի
Ամբողջ գիշեր Թբիլիսիում անկարգությունները չեն հանդարտվել, տասնյակ տուժածներ կան
«Արյուն էր հոսում...». Թբիլիսիում տուժածներից մեկը Ruptly–ի պրոդյուսերն է. լուսանկար
Թբիլիսում ձերբակալված հայը որևէ բողոք չունի. դիվանագետները տեսակցել են նրան
Թբիլիսիում հարձակվել են «Ռոսիա 24»–ի նկարահանող խմբի վրա

sys_stories