Горящий танкер у побережья Омана (13 июня 2019). Оманский залив

«Իրականում». Օմանի ծոցում կատարվածը ինչ-որ երրորդ ուժի է ձեռնտու, ո՛չ Իրանին, ո՛չ ԱՄՆ-ին

232
(Թարմացված է 22:55 14.06.2019)
Իրականում իրանա-ամերիկյան հակամարտությունն իր լարվածության կիզակետին դեռ չի հասել: Իրավիճակը էլ ավելի սրելու տեղ դեռ կա, ու նաև ուժեր կան, որոնք պատրաստ են այդ բանն անել: Երեկ Օմանի ծոցում տեղի ունեցածը հենց դրա մասին է վկայում:

Հիշեցնենք, որ Օմանի ծոցում հարձակում էր իրականացվել երկու նավթային լցանավերի վրա: Մեկը, կարծես թե, նույնիսկ խորտակվել է: Նավաստիների մի մասին Իրանի փրկիչ ջոկատն է այրվող նավից հանել, մյուսներին՝ Միացյալ Նահանգների ռազմական նավը: Դրանով համագործակցությունն ավարտվել է, հիմա անհրաժեշտ է հասկանալ, թե ո՛վ էր կազմակերպել հարձակումը. ո՞ւմ է ձեռնտու: 

«Իրականում». Օմանի ծոցում կատարվածը ինչ-որ երրորդ ուժի է ձեռնատու՝ ո՛չ Իրանին, ո՛չ ԱՄՆ-ին
Հեղինակ՝ Արման Վանեսքեհյան

 

232
թեմա:
Իրականում / Օրացույց (668)
Գոռ Մադոյան

Եթե սոցիալական ընդվզումը վերածվի քաղաքական պայքարի, կտուժի հենց Ծառուկյանը. Մադոյան

57
(Թարմացված է 18:53 10.07.2020)
«Օրբելի» հետազոտական կենտրոնի վերլուծաբան Գոռ Մադոյանը Sputnik Արմենիայի եթերում անդրադարձել է «Բարգավաճ Հայաստան» կուսակցության նախագահ Գագիկ Ծառուկյանի հայտարարությանը: 
Մադոյան. «ԲՀԿ-ն պատրաստ է օգտագործել բողոքավոր մարդկանց ցույցերի և այլ ակցիաների տեսքով»

ԲՀԿ առաջնորդ, ԱԺ «Բարգավաճ Հայաստան» խմբակցության ղեկավար Գագիկ Ծառուկյանը նոր հայտարարություն է տարածել, որում անդրադարձել է քաղաքական և սոցիալական բնույթի մի շարք հարցերի:

«Օրբելի» հետազոտական կենտրոնի վերլուծաբան Գոռ Մադոյանը կես-կատակ, կես-լուրջ` հայտարարությունը համեմատում է բանվորագյուղացիական դասակարգի մասին մանիֆեստի հետ, իսկ մյուս կողմից՝ դա, ըստ նրա, պատերազմի և խաղաղության մասին միաժամանակյա հայտարարություն է, որովհետև Ծառուկյանը մի քանի անգամ շեշտում է, որ սպասվում են հազարավոր գործազուրկներ, նույնիսկ սոված ու լքված մարդկանց բողոքներ համավարակի դեմ պայքարի ձախողման ու տնտեսական իրավիճակի վատթարացման համապատկերին: 

«Հետաքրքիր է, որ հենց Ծառուկյանն է շեշտում այն փաստը, որ ԲՀԿ-ն նախկին իշխանությունների օրոք իշխանության և ժողովրդի միջև կատարել է բուֆերի դերակատարություն, եղել է կամուրջ, մինչդեռ ներկա համակարգի պայմաններում այդ բուֆերի կարիքը չկա, քանի որ իշխանությունները կտրված չեն ժողովրդից և հասարակության հետ հարաբերությունները կարգավորելու գործում միջնորդի կարիք չունեն»,- նշում է վերլուծաբանը: 

Ժողովրդին թյուրիմացության մեջ են գցում, հների հետ են կապում. Ծառուկյանը դատարան եկավ

Գոռ Մադոյանի դիտարկմամբ՝ Ծառուկյանի հայտարարության տողատակում այն իրողությունն է, որ եթե պետությունն իրենց չխանգարի, պատրաստ են կապիտալի ներդրմամբ նպաստել իրավիճակի բարելավմանը, ռուսական կողմի հետ փոխգործակցության մակարդակի բարձրացմանն ու խնդիրների հարթմանը: Ըստ նրա՝ չխանգարելու հանգամանքը թերևս քրեական գործերի վերացումն է և լիարժեք վերադարձը խորհրդարան՝ որպես երկրորդ խոշոր ընդդիմադիր քաղաքական ուժ` բնականոն աշխատանքը շարունակելու ակնկալիքով: 

«Իրենք իրականացնում են թակարդային քայլեր. մի կողմից տնտեսական առումով կատարում են ծախսերի կրճատում, չեն գործարկում այն բիզնեսները, որոնք ձեռնտու չեն մանավանդ համավարակի պայմաններում, սակայն մյուս կողմից մեղադրում են պետությանն իրենց լիցենզիաներից զրկելու համար: Երբ Ծառուկյանը հայտարարում է, որ ինքը միջնորդ է հազարավոր գործազուրկ, սոված, բողոքավոր մարդկանց և իշխանությունների միջև, փաստում է այն մասին, որ իրենք պատրաստ են ցանկացած պարագայում օգտագործել մարդկանց ցույցերի և այլ ակցիաների տեսքով կամ զսպել նրանց՝ օգտագործելով իրենց կապիտալը»,- նշում է վերլուծաբանը: 

Գոռ Մադոյանի համոզմամբ՝ եթե սոցիալական ընդվզումը վերածվի քաղաքական պայքարի, դրանից առաջին հերթին կտուժի հենց Գագիկ Ծառուկյանը, որի քաղաքական ողջ կշիռն ուղղակիորեն հիմնված է իր բիզնես կայսրության ծավալների վրա, հետևաբար, սոցիալական ահռելի խնդիրների առկայության դեպքում նրա աշխատողներն ակնկալելու են կոնկերտ քայլեր հենց իրենից, նոր միայն կառավարությունից: 

Ինչ կլինի մեր մարզիկների հետ, եթե Ծառուկյանը չգլխավորի ՀԱՕԿ-ը. սպորտը և քաղաքականությունը

57
թեգերը:
Բարգավաճ Հայաստան կուսակցություն (ԲՀԿ), քաղաքականություն, Գագիկ Ծառուկյան
Ըստ թեմայի
«Շանգրի Լա» խաղատունը զրկվեց լիցենզիայից
«Առինջ մոլի» աշխատակիցները գործադուլ կանեն. նրանք նամակ են գրել Ծառուկյանին. լուսանկար
Վերաքննիչը որոշել է բեկանել Ծառուկյանին չկանալավորելու մասին որոշումը
Դավիթ Գյուրջյան

Ինչու է ՄԻԵԴ–ը մերժել Թովմասյանին ու մյուսներին. դիմումի ճակատագիրն ի սկզբանե վճռվա՞ծ էր

208
(Թարմացված է 21:51 09.07.2020)
Փաստաբան Դավիթ Գյուրջյանը Sputnik Արմենիայի եթերում անդրադարձել է Մարդու իրավունքների եվրոպական դատարանի որոշմանը, որն առնչվում է ՀՀ Սահմանադրական դատարանի նախկին նախագահին ու երեք դատավորներին:
Գյուրջյան. «ՄԻԵԴ-ի կողմից 39-րդ կանոնն առհասարակ կիրառվում է շատ բացառիկ դեպքերում»

Դավիթ Գյուրջյանը վստահեցնում է, որ ՄԻԵԴ-ի որոշման տակ քողարկված իրողություններ փնտրելու կարիք չկա։

ՄԻԵԴ–ը երեկ որոշել է մերժել ՍԴ նախկին նախագահ Հրայր Թովմասյանի և ՍԴ 3 նախկին դատավորների դիմումի այն պահանջը, ըստ որի` պետք է սառեցվեր Հայաստանում սահմանադրական փոփոխությունների իրագործումը։

Գյուրջյանի դիտարկմամբ՝ որոշումը շատ լայն մեկնաբանությունների տեղ չի տալիս, ամեն ինչ պարզ է, որովհետև դիմումատուները ՄԻԵԴ-ից խնդրել էին կիրառել 39-րդ կանոնը, մինչդեռ այդ դիմումի ճակատագիրն, ըստ փաստաբանի, ի սկզբանե վճռված էր:

«ՄԻԵԴ-ը 39-րդ կանոնն առհասարակ կիրառում է շատ բացառիկ դեպքերում, երբ խոսքը վերաբերում է այնպիսի իրավունքների խախտմանը, որը կարող է անդառնալի հետևանքներ առաջացնել, օրինակ՝ մահվան ելք, առողջության վնաս, ազատազրկման հետ կապված բացառիկ հարցեր: Նման դեպքերում է, որ ընդունելի է 39-րդ կանոնի կիրառումը, այսինքն՝ դա առնչվում է հրատապ միջանկյալ միջոցներին»,- նշեց փաստաբանը:

Վենետիկի հանձնաժողովի նախագահ Բուքիքիոն պատասխանել է Հրայր Թովմասյանի նամակին

Գյուրջյանի խոսքով՝ մեր ՍԴ-ի պարագայում չկար նման իրավիճակ, հետևաբար ՄԻԵԴ-ը շատ պարզ արձանագրում է արել, ըստ որի՝ չկա կոնվենցիայով պաշտպանվող առանցքային իրավունքի այնպիսի խախտում, որը կառաջացնի անդառնալի հետևանքներ դիմումատուների համար, ուստի մերժել է վերոհիշյալ կանոնի կիրառումը:

Հիշեցնենք, որ հունիսի 22-ին ԱԺ–ն ընդունեց Սահմանադրությունում փոփոխությունների փաթեթ, որն ուժի մեջ մտավ հունիսի 26-ին։

Փոփոխության համաձայն` ՍԴ գործող նախագահ Հրայր Թովմասյանը պաշտոնանկ է արվել, բայց նա շարունակում է աշխատել որպես ՍԴ անդամ, իսկ ՍԴ երեք անդամները` Ալվինա Գյուլումյանը, Հրանտ Նազարյանն ու Ֆելիքս Թոխյանը, որոնք այդ պաշտոնում աշխատել են 12 տարուց ավելի, դադարում են պաշտոնավարել:

208
թեգերը:
Մարդու Իրավունքների Եվրոպական դատարան (ՄԻԵԴ), Սահմանադրական դատարան, Հայաստան, Դավիթ Գյուրջյան
Ըստ թեմայի
Հրայր Թովմասյանի գործով ցուցմունք է տվել Տիգրան Մուկուչյանը. «Ժողովուրդ»
ՄԻԵԴ–ը չի մերժել Սահմանադրական փոփոխությունների գործընթացը կասեցնելու խնդրանքը. Սահակյան
Հրայր Թովմասյանն արձակուրդ է գնացել
Russia Today

RT-ի հեռարձակման արգելքը. ճչացող ոչ պրոֆեսիոնալիզմ, կամ չի եղել և չկա որևէ պատահական սխալ

0
(Թարմացված է 22:28 10.07.2020)
Լիտվայում իրավիճակի կրկնությունից պարզ է դառնում, որ այդ ամենը Լատվիայի և Լիտվայի իշխանությունների գիտակցված դիրքորոշումն է, որոնք որդեգրել են «այսպես էլ կանցնի» սկզբունքը։

ԵՐԵՎԱՆ, 10 հուլիսի –Sputnik. Լիտվան արգելել է իր տարածքում RT–ի 5 հեռուստաալիքների հեռարձակումը։ Դա տեղի է ունեցել Լատվիայի իշխանությունների միանման քայլից մեկ շաբաթ անց։ Հաջորդն Էստոնիան է, որի արտգործնախարարը ևս չբացառեց նման որոշման հավանականությունը։ ՌԻԱ Նովոստիի լրագրող Իրինա Ալկսնիսն իր հոդվածում մերձբալթյան տեղեկատվական քաղաքականության նրբություններն է փորձել պարզել։

Այս հարցի վերաբերյալ հատուկ դիրքորոշում պաշտոնական Տալլինից չարժե ակնկալել` և՛ երեք «մերձբալթյան վագրերի» ավանդական հակառուսական կոնսենսուսի պատճառով, և՛ հաշվի առնելով, որ հենց Էստոնիայի իշխանություններն են առավել մեծ խոչընդոտներ ստեղծել հանրապետությունում Sputnik գործակալության աշխատանքի նկատմամբ։ Ինչպես հայտնի է, ցանկալի արդյունքին հասնելու համար նրանք սկսել էին հալածել աշխատակիցներին քրեական հետապնդման սպառնալիքներով։

Սակայն ամենահետաքրքիրն այս ամբողջ պատմության մեջ Վիլնյուսի որոշման պաշտոնական հիմնավորումն է։ Անտեղ ասվում է, որ RT–ն գործում է Դմիտրի Կիսելյովի ենթակայության տակ, որն իր հերթին, արևմտյան պատժամիջոցների է ենթարկվել, ինչն էլ իբրև թե պատճառ է հանդիսացել նրա մեդիառեսուրսի դեմ միջոցներ ձեռնարկելու համար։

Խնդիրը նույնիսկ այն չէ, որ այս պնդումն իրականությանը չի համապատասխանում, ինչի համար Լիտվայի իշխանությունները հեգնական մեկնաբանությունների են արժանացել։ Դրանց հեղինակները հիշեցրել են, որ RT–ն ընդհանրապես կապ չունի «Ռոսիա սեգոդնյա» ՄՏԳ–ի հետ, որն էլ և ղեկավարվում է Դմիտրի Կիսելյովի կողմից։

Հատկանշականն այն է, որ նման բան արդեն եղել էր. ընդամենը մեկ շաբաթ առաջ ԶԼՄ–ների գծով Լատվիայի ազգային խորհուրդը RT–ի հեռարձակման արգելքը բացատրեց նրանով, որ հեռուստաալիքները Դմիտրի Կիսելյովի «փաստացի և միանձնյա վերահսկման ներքո են»։ Այն ժամանակ և՛ Մարգարիտա Սիմոնյանը, և՛ ՌԴ ԱԳՆ–ն մեկնաբանեցին Լատվիայի պաշտոնական կառույցների ոչ պրոֆեսիոնալ մոտեցումը, որոնք իրենց որոշմանը խելացնոր հիմնավորում էին տվել։

Այն ժամանակ դեռ կարելի էր տեղի ունեցածը պատահականությամբ և կամակատարների սխալով բացատրել. ի վերջո դիլետանտներից և անբարեխիղճ աշխատակիցներից ոչ մի համակարգ ապահովագրված չէ։ Իսկ պետությանը նման դեպքերում հետ քայլ անել կարծես թե հարիր չէ, նույնիսկ, եթե նրան անկեղծորեն «քաշել են» սեփական չինովնիկները։

Սակայն ճիշտ նույն սցենարով Լիտվայում իրավիճակի կրկնությունից պարզ է դառնում, որ չի եղել և չկա որևէ պատահական սխալ։ Այդ ամենը Լատվիայի և Լիտվայի իշխանությունների գիտակցված դիրքորոշումն է, որոնք որդեգրել են «այսպես էլ կանցնի» սկզբունքը։

Ամերիկյան ինստիտուտը գնահատել է` ինչպես է Sputnik–ը լուսաբանել Աֆրիկայի դեպքերը

Հասկանալի է, որ RT–ի հեռարձակման արգելքը քաղաքական որոշում է։ Բայց մի՞թե այն հնարավոր չէր իրավաբանորեն ավելի «մաքուր» դրդապատճառով բացատրել։ Բնականաբար, հնարավոր էր։ Սակայն դրա համար ավելի մեծ ջանքեր ստիպված կլինեին գործադրել, պատասխանատու գերատեսչությունները պետք է լարվեին` օրենսդրության մեջ սողանցքներ փնտրելով։

Ժամանակին հենց այդ առանձնահատկությունն էր (իրավաբանական ճկունություն, կայացվող որոշումների գոնե արտաքին անթերիություն) արևմտյան ժողովրդավարության կարևորագույն հաղթաթղթերից մեկը։ Այն բավական շահավետ էր դիտվում այլ քաղաքական համակարգերի ֆոնին, որոնք հակված չէին այդքան գլուխ կոտրել ֆորմալ ընթացակարգերը պահպանելու համար։

Բայց այս ընթացքում շատ ջրեր են հոսել։ Մերձբալթյան երկրները RT–ի հեռարձակման արգելքի հարցում գնացին բոլորովին այլ ու ավելի հզոր գերտերությունների վերջին տարիների ստուգված ճանապարհով։

Ամերիկացիների համար անհայտ փոշիով լցված սրվակը թափահարելը փաստացի փոխարինվեց իրական պատճառների փնտրտուքով։ Հենց այդ հանգամանքներով կարելի էր միջազգային հանրության աչքում հիմնավորել Իրաք ներխուժելու անհրաժեշտությունը։

Բրիտանացիները հսկայական շոու կազմակերպեցին Սկրիպալի թունավորման հետ կապված, և նրանց ամենևին չէր հետաքրքրում ուշադիր աչքի համար այս գործում առկա ակնհայտ «բացերը»։ Նիդեռլանդները, որոնք արդարադատությունն իրենց ազգային բրենդն են դարձրել, МН17 գործով դատական գործընթացում այնպիսի իրավական «կուլբիտներ» են անում, որ նույնիսկ զարմանալ արդեն չի հաջողվում։

Նման օրինակները, ոչ միայն Ռուսաստանի, այլև Չինաստանի, Իրանի, Վենեսուելայի և այլ «իզգոյ–երկրների» նկատմամբ այնքան շատ են, որ վաղուց արդեն հազվագյուտ բացառությունից սովորական երևույթի են վերածվել։ Այդ ֆոնին չափազանց ներդաշնակ է դիտվում Լիտվայի և Լատվիայի իշխանությունների դիրքորոշումը RT–ի հեռարձակման արգելքի հետ կապված։ Ինչու լարվել, եթե ակնհայտ դատարկաբանությունը կարելի է պարզապես որպես պաշտոնական դիրքորոշման ներկայացնել։

Դա նույնիսկ իր տրամաբանությունն ունի. հակառուսական հայացքներով լսարանին կուրախացնի «RT–ն վերահսկող Կիսելյովի» մասին պարզաբանումները (ինչպես և «Պուտինի, որը թունավորել է Սկրիպալին», կամ «Դոնբասի երկնքում Կրեմլի խոցած Բոինգի»), իսկ Ռուսաստանին համակրող ուժերի վրա Արևմուտքն ակնհայտորեն իմաստ չի տեսնում ռեսուրսներ ծախսել, հավանաբար անհույս համարելով նրանց հետ համոզելու և իր կողմը բերելու քայլերը։

«Այլակարծության դեմ պայքարի վառ օրինակ». Չերիշևան` Sputnik Էստոնիայի հետ կատարվածի մասին

Ի սկզբանե այս մոտեցումն Արևմուտքի տեղեկատվական, քաղաքական, գաղափարական և նույնիսկ բարոյական մենաշնորհն էր։ Հենց այդ պատճառով նրանք ինչ-որ պահի դադարեցին մանրակրկիտ և բարձր պրոֆեսիոնալիզմով մշակել իրենց քաղաքականությունը`և՛ ընդհանրապես, և՛ մրցակիցների նկատմամբ։ Արդյունքում չնկատեցին, թե ինչպես զրկվեցին այդ մենաշնորհից, այդ թվում իմացության կորստի և «այսպես էլ կանցնի» համոզմունքով թքած ունենալու պատճառով։

Իսկ այժմ իրավիճակը նոր փուլ է թևակոխել։ Հիմա նույն այդ ուժերն իմաստ չեն տեսնում որակյալ աշխատելու և լուրջ ջանքեր գործադրելու այն պատճառով, որ յուրայինները «յոլա կգնան», իսկ թշնամուն միևնույն է չես համոզի։

Զարմանալին այստեղ այն է, որ նրանք լրջորեն կարծում են (և RT–ի վերաբերյալ մերձբալթյան երկրների թարմ որոշումներն այդ են ապացուցում), որ նման պրոֆեսիոնալ, իսկ ավելի ճիշտ ճչացող ոչ պրոֆեսիոնալ մոտեցումը կբերի Ռուսաստանի նկատմամբ գաղափարական և աշխարհաքաղաքական հաղթանակի։

0
թեգերը:
Էստոնիա, Լատվիա, Լիտվա, RT–ի հեռուստաալիքներ, Դմիտրի Կիսելյով, Sputnik
Ըստ թեմայի
ԱՄՆ-ն 640 հազար դոլար կտա Հայաստանին «մշակութային դիվանագիտության» զարգացման համար. RT
RT-ի թղթակիցը վիրավորվել է սիրիական Իդլիբում
Մարգարիտա Սիմոնյանը հայտնել է, որ Եմենում RT-ի լրագրողի հասցեին սպառնալիքներ են հնչել