Ежегодный военный парад в Иране

«Իրականում». Եթե Իրան-ԱՄՆ պատերազմ սկսվի, աշխարհը հաստատ կիմանա՝ ով հասցրեց դրան

319
(Թարմացված է 21:24 16.05.2019)
Իրականում Իրանի շուրջ կրքերը հետզհետե ավելի են թեժանում: Իրանա–ամերիկյան հակամարտությունը, կարծես թե, այնպիսի մի կարմիր գծի է հասել, որից հետո պատերազմ է:
«Իրականում». Եթե Իրան-ԱՄՆ պատերազմ սկսվի, աշխարհը հաստատ կիմանա՝ ով հասցրեց դրան

Ստեղծված իրավիճակը վտանգ ունի նաև հայերիս համար, ինչը բոլորս ենք հասկանում: Ամեն ինչից զատ, միշտ էլ վտանգավոր է, երբ պատերազմը գալիս ու չոքում է դռանդ. միանգամից կհայտնվենք տնտեսական բավականին ծանր իրավիճակում: Միացյալ Նահանգների դեսպանն էլ կոշտ հայտարարություն է արել՝ պնդելով, որ Հայաստանը ուղղակի պարտավոր է Իրանի հետ սահմանը փակել: Մեկը լինի հարցնի՝ տիկի՛ն, ֆինանսական կորուստները, որոնք հայկական կողմը կկրի, ամերիկացինե՞րն են հատուցելու:

Հեղինակ՝ Արման Վանեսքեհյան

319
թեգերը:
Հայաստան, Դոնալդ Թրամփ, Ամերիկայի Միացյալ Նահանգներ, Իրանի Իսլամական Հանրապետություն
թեմա:
Իրականում / Օրացույց (668)
Նորայր Նորիկյան

Դա ուղղակի խայտառակություն է. փաստաբանը խոսել է զինծառայողների կեցության պայմանների մասին

223
Իրավաբան Նորայր Նորիկյանը Sputnik Արմենիայի եթերում մեկնաբանել է լրատվամիջոցներում շրջանառվող տեղեկությունները զինծառայողների ապահով կացության հետ կապված բացերի մասին:
Ամենաթողության ու փնթի աշխատանքի հետևանքները. փաստաբան Նորիկյանը՝ զինծառայողների կեցության պայմանների մասին

Իշխանությունները պարտավոր են ամեն ինչ անել հնարավորինս արագ կարգավորելու զինծառայողների կոմունալ-կենցաղային պահման պահանջները Sputnik Արմենիայի հետ զրույցում նման կարծիք հայտնեց իրավաբան Նորայր Նորիկյանը՝ մեկնաբանելով լրատվամիջոցներում շրջանառվող այն տեղեկությունները զինծառայողների կեցության անհրաժեշտ պայմանների բացակայության մասին:

«Դա պայմանավորված է նաև ռեսուրսներով, ունեցած միջոցներով, տեղակայման վայրերի առանձնահատկություններով... Հնարավորինս սեղմ ժամկետներում՝ կախված իրադրությունից, կախված ստորաբաժանումների ծավալներից, քանակից՝ իշխանությունները պարտավոր են օր առաջ լուծել այդ հարցը»,- ասաց նա:

 Նրա խոսքով, եթե հնարավոր չէ տեսանելի ապագայում զորանոցներ կառուցել, ապա իշխանությունները պարտավոր են զինծառայողներին գոնե վրանային զորանոցներով ապահովել, ինչը հնարավորություն կտա մեր զինվորների համար քիչ թե շատ նորմալ պայմաններ ապահովել: Բայց բացը լրացնել չի հաջողվում, քանի որ, ըստ իրավաբանի, պետական կառավարման արդյունավետության, որոշ դեպքերում նաև ամենաթողության ու սեփական պարտավորությունների նկատմամբ փնթի վերաբերմունքի խնդիր ունենք: Նորիկյանն անհասկանալի է համարում, երբ ծառայության մեջ գտնվող զինծառայողը անհրաժեշտ բուժօգնություն չի ստանում:

«Ինձ համար որևէ ձևով հասկանալի չէ, եթե զինծառայողը համապատասխան բժշկական օգնություն չի ստանում: Սա խայտառակություն է ուղղակի, եթե այդպիսի խնդիրներ կան: Այս իրավիճակում ցանկացած առողջական խնդիր ունեցող զինծառայողի նկատմամբ պարտավոր են նորմալ, հավուր պատշաճի բժշկական սպասարկում իրականացնել անկախ նրանից, թե որտեղ է գտնվում զինծառայողը»,- նշեց Նորիկյանը:

Փաստաբանի խոսքով՝ մեկ այլ աբսուրդ է, երբ իշխանական պատգամավորները ռազմական դրության իրավական ռեժիմի չեղարկումը ձգձգում են նաև հումանիտար բեռներն ու անհրաժեշտ բժշկական օգնությունը զինվորներին ավելի արագ հասցնելու պատճառաբանությամբ:

«Կարծում եմ, որ այնուամենայնիվ հումանիտար օգնությունը չպետք է կապել ռազմական դրության պահպանման հետ: Անկախ իրավիճակից, հումանիտար օգնությունը պետք է տեղ հասցվի բոլոր պայմաններում»,- ընդգծեց մեր զրուցակիցը:

Նշենք, որ ՊԲ ստորաբաժանումները դուրս են բերվել այն տարածքներից և զորանոցներից, որոնք հայտնվել են Ադրբեջանի վերահսկողության ներքո, որն առաջացրել է մի շարք խնդիրներ կապված զինծառայողների կացարանների, նյութատեխնիկական սպասարկման և կենցաղային պայմանների հետ: 

223
թեգերը:
Նորայր Նորիկյան, փաստաբան, զինծառայող
Ըստ թեմայի
Հրապարակվել են Ադրբեջանում գերության մեջ գտնվող 17 զինծառայողների անունները
Անհետ կորած զինծառայողների հարցով քննարկում կլինի. ի՞նչ են խոստանում ծնողներին
Հիմնադրամն արդեն հատուցումներ է տրամադրել 104 զոհված զինծառայողների ընտանիքների
Վիգեն Հակոբյան

Կադրային փոփոխությունները որևէ առնչություն չունեն հասարակական իրական պահանջի հետ

38
(Թարմացված է 21:43 26.11.2020)
Քաղտեխնոլոգ Վիգեն Հակոբյանը Sputnik Արմենիայի եթերում անդրադարձել է ներքաղաքական զարգացումներին, մասնավորապես կառավարությունում ընթացող կադրային փոփոխություններին։  
Հակոբյան. «Քաղաքական կյանքում ամեն ինչ կսահմանափակվի կադրային փոփոխությունների իմիտացիայով»

Վիգեն Հակոբյանի դիտարկմամբ` ներհայաստանյան քաղաքական կյանքում ամեն ինչ կսահմանափակվի կադրային փոփոխությունների իմիտացիայով, իսկ ճանապարհային քարտեզը, որ ներկայացվեց Նիկոլ Փաշինյանի կողմից, որը նախատեսում է վեցամսյա ժամանակաշրջան, ավելի շատ տեսական զրույց է, որում լուրջ քննարկման արժանի թեմա չկա։ 

Փաշինյանը ԳԱԱ–ում, արխիվային լուսանկար
© Photo / official site of the Prime minister of RA

«Ակնհայտ է, որ կադրային փոփոխությունները ցույց տալու նպատակ ունեն, թե իբր բարեփոխումների նոր փուլ է սկսվում, մինչդեռ ամենագլխավոր նպատակը գոլորշի բաց թողնելն է, որպեսզի ցույց տան, որ իշխանությունն ինչ–որ չափով արձագանքում է հասարակական պահանջին և փորձում է շտկել իրավիճակը, իբր գնում է արմատական քայլերի»,– նշեց քաղտեխնոլոգը։

Հակոբյանի գնահատմամբ` սովորաբար նման դեպքերում, երբ նախագահական կամ կիսանախագահական համակարգ է գործում, փոխվում է վարչապետը, իսկ տվյալ դեպքում քանի որ մեզ մոտ խորհրդարանական կառավարման համակարգ է, վարչապետի փոփոխություն առայժմ չի նախատեսվում, ուստի փորձ է արվում փոխել իշխող ուժի ներկայացուցիչներին։ 

Կիմ Բալայանը պահանջում է քրեական պատասխանատվության ենթարկել Նիկոլ Փաշինյանին

«1996 թվականի նախագահական ծանր ընտրություններից հետո Լևոն Տեր–Պետրոսյանը նույնպես փորձ արեց նման կերպ լիցքաթափել իրավիճակը երկրում` փոխելով վարչապետին, բայց մի քանի ամիս անց գոլորշի բաց թողնելու փորձը ոչ մի բան չտվեց, որովհետև Տեր–Պետրոսյանի հրաժարականի հասարակական բավականին լուրջ պահանջ արդեն իսկ ձևավորված էր։ Հստակ փոփոխությունների հասարակական պահանջ կա նաև այսօր, նախևառաջ՝ վարչապետի փոփոխության»,– նշեց քաղտեխնոլոգը։

«Ի՞նչ է լինելու վաղը» հարցի պատասխանը կառավարության որևէ անդամ չի տալիս. Արամյան

Հակոբյանի կարծիքով` այն թիմը, որ երկրին հասցրել է կապիտուլյացիայի, նույնիսկ բարոյական իրավունք չունի երկիրը վերականգնման տանելու, հետևաբար Փաշինյանի կողմից իրականացվող թե՛ կադրային փոփոխությունները, թե՛ իմիտացիոն որոշումները որևէ առնչություն չունեն իրական հասարակական պահանջի հետ։ 

38
թեգերը:
կառավարություն, Հրաժարական, Վիգեն Հակոբյան
Ըստ թեմայի
Դեռ երկար ժամանակ վատ է լինելու. թեժ քննարկում ԱԺ-ում ռազմական դրությունը չեղարկելու շուրջ
ՍԴ–ն ստացել է Ծառուկյանի պատգամավորական լիազորությունները դադարեցնելու հարցով դիմումը
«Արցախն Ադրբեջանին է հանձնում ոչ թե 121, այլ 181 բնակավայր». ԱԺ փոխնախագահ
Ситуация у ворот Сотка (27 ноября 2020). Гехаркуник

Սոթքի հանքն աշխատելու է, բանակցում են աշխատելու ծավալների շուրջ․ Թագուհի Թովմասյան

0
(Թարմացված է 18:32 27.11.2020)
ԱԺ անկախ պատգամավորը հանդիպել է Սոթքի ոսկու հանքավայրի աշխատակիցների հետ։ Սահմանազատման աշխատանքները շարունակվում են։

ԵՐԵՎԱՆ, 27 նոյեմբերի – Sputnik․ ՀՀ ԱԺ պատգամավոր Թագուհի Թովմասյանը Վարդենիսի տարածաշրջանում է, հանդիպել է Սոթքի ոսկու հանքավայրի աշխատակիցների հետ՝ խոսելու ստեղծված իրավիճակի մասին, փոխանցելու այն տեղեկատվությունը, որն ինքն ունի, տեղում հավելյալ տեղեկություններ ստանալու համար։ Լրագրողների հետ նա զրույցում նշեց՝ իրեն հավաստիացրել են, որ հայկական բանակը մասնակցում է սահմանազատման աշխատանքներին՝ փորձելով հնարավորինս հայանպաստ դիրքավորվել։

«Ինչքանով կստացվի` չեմ կարող ասել։ Իրականությունն այն է, որ գործընթացը շարունակվում է, և այն սկսվել է երեկվանից։ Հիմա մենք պիտի մի փոքր սպասենք և տեսնենք, թե ինչ է լինելու»,- ասաց Թովմասյանն ու հավելեց, որ զգույշ պետք է գործենք, որպեսզի մեր գործողություններով բախումներ չհրահրենք, չխարխլենք հրադադարը։

Նա ընդգծեց՝ երեկ ԱԺ-ում Սոթքի հանքավայրի վերաբերյալ իր բարձրացրած հարցադրումը նաև գրավոր է ներկայացրել կառավարությանը, որպեսզի գրավոր էլ պատասխան ստանա, բայց դեռ չի ստացել։ Փոխարենը բանավոր հավաստիացումներ է ստացել՝ ամեն ինչ արվելու է, որ հանքի շահագործումը շարունակվի։

«Կոմունիկացիոն առումով մենք լավ դիրքում ենք, որ հանքի շահագործման համար անհրաժեշտ բոլոր տեխնիկական և աշխարհագրական մասը մեր՝ հայկական կողմում է, հետևաբար ավելի հեշտ է լինելու հանքի շահագործումը կազմակերպելը, թե ինչ ծավալով՝ հիմա հենց դրա շուրջ են բանակցություններն ընթանում, որպեսզի հանքն ամբողջ ծավալով աշխատի, և ոչ ոք չկրճատվի»,- նշեց Թովմասյանը։

Նա տեղեկացրեց, որ այս թեմայով արդեն խոսել է վարչապետ Նիկոլ Փաշինյանի, նախագահ Արմեն Սարգսյանի, Հայաստանում ՌԴ դեսպանի հետ, բոլորից ստացել է այդ հավաստիացումները։

Ինչ վերաբերում է այն հարցին, թե ովքեր են բանակցություններին մասնակցում, Թովմասյանի տեղեկություններով՝ մեր կողմից մասնակցում է զինվորականությունը՝ բանակային կորպուսի մակարդակով, կան ռուսներ, Ադրբեջանի կողմից էլ` բարձրաստիճան զինվորականներ, այդ թվում՝ գեներալ, գնդապետ։

«Ընդգծենք՝ խնդիրը ոչ թե հանքի աշխատել– չաշխատելուն է վերաբերում, այլ աշխատելու ծավալներին, այսինքն՝ ամբողջությամբ լինելու է մեր տիրապետության տակ, թե կիսով չափ»,- շեշտեց պատգամավորը։

Նա տարակուսած է, թե ինչու պատասխանատու մարմինները բնակիչների հետ նախապես չեն խոսել, չեն բացատրել իրավիճակը։

Հիշեցնենք` երեկ մամուլում լուրեր տարածվեցին, որ ադրբեջանական զինվորները մտել են Սոթքի հանքավայր և աշխատակիցներին ժամանակ տվել դուրս գալու համար: ՀՀ պաշտպանության նախարարությունը հերքեց այդ լուրը։ Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը Sputnik Արմենիայի հետ զրույցում հայտնեց, որ ադրբեջանցիները Սոթքի հանքի տարածքում են, բանակցություններ են վարում։

Sputnik Արմենիայի նկարահանող խումբն այսօր մեկնեց Սոթք և տեսավ, որ դեպի Քարվաճառ ու հանքի տարածք գնացող ճանապարհին կանգնած են ՀՀ ոստիկանության ու ռազմական ոստիկանության աշխատակիցները, որոնք բացի զինվորականներից ու հանքի աշխատակիցներից, այլ անձանց թույլ չէին տալիս շարունակել ճանապարհը դեպի ոսկու հանք:

0