Մամուլը գրել էր, որ Այվազյանին աշխատանքից ազատելու պատճառը եղել են վարչապետի աշխատակազմի ղեկավար Էդուարդ Աղաջանյանի հետ տարաձայնությունները։
«Դա չի կարող ինձ աշխատանքից ազատելու իրավական հիմք հանդիսանալ, դա ընդամենը ենթադրություն է եղել, և քանի դեռ մյուս կողմից նորմալ մեկնաբանություն չի հնչել, ապա դա վարկածներից մեկն է»,- պարզաբանում է Այվազյանը։
Նրա խոսքով` աշխատանքային կոնֆլիկտներ շատ են լինում, սակայն անձնական որևէ խնդիր Աղաջանյանի հետ չի եղել։
«Ես իմ աշխատանքում ընդհանրապես չեմ թերացել, թեև ես չէ, որ պետք է գնահատեմ իմ աշխատանքը, դա պետք է անի իմ վերադասը, ու եթե կա նման գնահատական, կուզեի իմանալ դրա մասին»,- ասում է նախկին պաշտոնյան։
Այվազյանը պնդում է, որ ինքն ընդհանրապես տեղյակ չէ աշխատանքից ազատվելու պատճառների մասին, միայն որոշման մասին է տեղեկացվել։
«Ինձ համար մինչև հիմա շարունակում է անակնկալ մնալ իմ ազատման պատճառը»,-նշում է Հայկ նա։
Այվազյանը կարծում է, որ իր մասին վարչապետին տվել են ոչ հավաստի տեղեկություն, ինչն էլ իրեն աշխատանքից ազատելու պատճառ է դարձել։