Բագրատ Էստուկյան. «Չեմ կարծում, թե Արամ արքեպիսկոպոս Աթեշյանը ընտրվի Պոլսո Հայոց Պատրիարք»
Բագրատ Էստուկյանը Պոլսո հայոց պատրիարքի թեկնածուներից առանձնացնում է երեքին` Արամ արքեպիսկոպոս Աթեշյանին, Սահակ եպիսկոպոս Մաշալյանին և Գուգարաց թեմի առաջնորդ Սեպուհ եպիսկոպոս Չուլջյանին։
Ըստ նրա` պայքարն այս ուժերի միջև կընթանա։
«Չեմ կարծում` Արամ արքեպիսկոպոս Աթեշյանն ընտրվի Պոլսո հայոց պատրիարք։ Սահակ եպիսկոպոս Մաշալյանն ու Սեպուհ եպիսկոպոս Չուլջյանն ընտրվելու ավելի մեծ հնարավորություն ունեն»,– ասում է Էստուկյանը։
Նրա գնահատմամբ` ընտրության արդյունքը ցույց կտա, թե որ թեկնածուն է ավելի շատ ընդունելի հայ համայնքի համար։
Ինչ վերաբերվում է Թուրքիայի իշխանությանը, ապա Էստուկյանի գնահատմամբ` իրենք կարող են ցույց տալ թեկնածուներից որևէ մեկի նկատմամբ նախապատվությունը, բայց ընտրական պրոցեսին չեն խառնվում։
