Գուրգեն Մուշեղյան․ «Պատմությունը չի կարելի քանդել»
«Պատմությունը չի կարելի քանդել։ «Ռոսիա» կինոթատրոնի շենքը պատմամշակութային հուշարձանների շարքում էր, հանեցին՝ դարձրեցին առևտրի կենտրոն, «Երիտասարդական պալատը» հանեցին՝ քանդեցին»,-ասում է ճարտարապետը։
Մուշեղյանը հիշեցնում է՝ Հրազդան մարզադաշտը, որը ընդգրկված էր որպես հանրապետական նշանակության հուշարձան, նույնպես հանեցին ցուցակից, վաճառեցին և 30 տարի է սեփականատերը շուկայի է վերածել նախկին հուշարձանը։
Ճարտարապետի կարծիքով՝ միայն ժամանակով չի որոշվում հուշարձանը։ Պարտադիր չէ, որ կառույցը հազարավոր տարիների պատմություն ունենա, որ ընդգրկվի հուշարձանների պահպանության ցուցակում։ Կան շինություններ, որ մեր ժողովրդի պատմությունն են, հուշն են ու արժեք են ներկայացնում՝ և՛ ճարտարապետական, և՛ պատմական առումով։
