Սուրեն Սուրենյանց

Սուրենյանց. «ԵԽԽՎ-ում Փաշինյանի ելույթի արցախյան հատվածը հաջողված էր»

254
(Թարմացված է 23:43 11.04.2019)
Եվրոպայի խորհրդի խորհրդարանական վեհաժողովի գարնանային նստաշրջանի լիագումար նիստում Հայաստանի վարչապետ Նիկոլ Փաշինյանը խոսեց թավշյա հեղափոխության, Եվրախորհրդի դերի և Ղարաբաղյան հակամարտության մասին։ Միջազգայնագետ, քաղաքական վերլուծաբան, Սուրեն Սուրենյանցը համարում է, որ Փաշինյանի ստրասբուրգյան այցի ամենառանցքային դրվագը ԵԽԽՎ-ի ամբիոնից վարչապետի ելույթն էր։

 

 

Սուրեն Սուրենյանց «Փաշինյանի ելույթի արցախյան հատվածը թեև հաջողված էր, սակայն մեկ ելույթը չի կարող էական ազդեցություն ունենալ ԵԽԽՎ-ի քաղաքականության վրա»

«Ես կարծում եմ, որ արտաքին լսարանի համար շատ ավելի կարևոր է ոչ թե «թավշյա հեղափոխության» պատմությունը ներկայացնելը, այլ հեղափոխության կապիտալիզացիայի արդյունքների մատուցումը»,-Sputnik Արմենիայի հետ զրույցում ասում է Սուրենյանը։

 

Քաղաքագետի կարծիքով, ի վերջո, քաղաքական լսարանի համար շատ ավելի կարևոր է, թե ինչ արդյունքի է հանգեցրել այդ հեղափոխությունը, քան այն, թե ինչպես է այն ծնվել։

Ինչ վերաբերում է Նիկոլ Փաշինյանի ելույթի Արցախին առնչվող հատվածին, ապա Սուրենյանը այն հաջողված է համարում, ավելին՝ ասում է, որ ելույթն իդեալականին մոտ էր։

Ըստ Սուրենյանցի, բացի արցախյան հակամարտության շուրջ նոր քաղաքական շեշտադրումներից, ներկայացվեց նաև այն բացը, որ Եվրախորհուրդը տարիներ շարունակ չի կատարել։

«Թեև ելույթը շատ հաջողված էր, այդուհանդերձ այն չի կարող էական ազդեցություն ունենալ ԵԽԽՎ-ի քաղաքականության վրա»,-նշում է քաղաքագետը։

Սուրենյանցի խոսքով, Փաշինյանի ելույթին պետք է հաջորդի ԵԽԽՎ-ում հայաստանյան պատվիրակության հետևողական աշխատանքը։

 

254
թեգերը:
Եվրախորհրդի խորհրդարանական վեհաժողով (ԵԽԽՎ), Նիկոլ Փաշինյան, Արցախ, Հայաստան
թեմա:
Ղարաբաղյան հակամարտություն (356)
Տիգրան Աբրահամյան

Փափուկ ուժի, զսպվածության գործոնն Ադրբեջանի դեպքում չի աշխատում. Աբրահամյան

5
«Հենակետ» վերլուծական կենտրոնի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանը Sputnik Արմենիայի եթերում անդրադարձել է հայ-ադրբեջանական պետական սահմանի Տավուշի հատվածում տեղի ունեցած ռազմական գործողություններին: 
Փափուկ ուժի, զսպվածության գործոնն Ադրբեջանի դեպքում չի աշխատում. Աբրահամյան

«Հենակետ» վերլուծական կենտրոնի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանի դիտարկմամբ՝ 2018թ.-ի աշնանը, երբ Դուշանբեում կայացած հայտնի հանդիպումից հետո ձեռք բերվեցին պայմանավորվածություններ շփման գծում հրադադարի ռեժիմի պահպանման մասին, Ադրբեջանն ըստ էության դրանով այլ խնդիր էր լուծում, քաղաքական մակարդակում փորձում էր վերականգնել հետապրիլյան փուլում իր իմիջային հարցը միջազգային հանրության շրջանակում՝ դիրքավորվելով որպես կառուցողական կողմ, և երկրորդ՝ առաջնագծում հատկապես Արցախի ուղղությամբ ձգտում էր լուծել որոշակի ենթակառուցվածքային հարցեր, որոնք հնարավոր չէր անել նույնիսկ հրադադարի ռեժիմի միջին խախտումների պարագայում:

«Պաշտպանության բանակն անցած ժամանակահատվածում կանխել է Արցախի ուղղությամբ հակառակորդի ձեռնարկած ինժեներական աշխատանքները, որոնք կարող էին որոշակի փուլում խնդիրներ առաջացնել: Ալիևը մեկ շաբաթ առաջ հայտարարեց, որ էֆեկտիվ չի համարում բանակցությունները, հետևաբար նման պայմաններում արդեն իսկ կանխատեսելի էր, որ Ադրբեջանն իրադարձությունները տեղափոխելու է առաջնագիծ»,- Sputnik Արմենիայի հետ զրույցում ասաց նա:  

Աբրահամյանի դիտարկմամբ՝ դեպքերը չեն սահմանափակվի միայն Տավուշով կամ մեկ-երկու օրով: Թեև Տավուշի հատվածում հնարավոր է հրադադար, սակայն պետական սահմանին կամ շփման գծի այլ հատվածներում Ադրբեջանի իռացիոնալ պահվածքի պատճառով առաջացած լարվածության պայմաններում, ըստ նրա, չեն բացառվում նոր սադրանքները: 

Ադրբեջանն արկեր է արձակել Չինարիի ուղղությամբ. մեկն ընկել է տան վրա, երկուսը՝ բակում

Արցախի նախագահի անվտանգության հարցերով նախկին խորհրդականի կարծիքով՝ հայկական կողմից Տավուշի հատվածում իրականացված գործողությունները կոշտ էին, իրավիճակին համահունչ, և չկա այլ տարբերակ, քան Ադրբեջանի ցանկացած սադրանք, ռազմական գործողություն կոշտ միջոցներով կանխելու համար, որովհետև փափուկ ուժի, զսպվածության գործոնն Ադրբեջանի դեպքում որևէ կերպ չի աշխատում:

Ըստ նրա՝ Ադրբեջանը վերջին սադրանքից հետո ունեցել է իմիջային ու ներքաղաքական լուրջ խնդիրներ, այդ իսկ պատճառով էլ Բաքվում փորձում են իրավիճակը կարգավորել տեղեկատվական դիվերսիաների միջոցով՝ տարածելով իրենց համար շահեկան ապատեղեկատվություն, սակայն բնակչությունն այդուհանդերձ շատ արագ տեղեկանում է զոհերի և կորուստների մասին:

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրք:
Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

ՀԱՊԿ-ը պետք է արձագանքի ՀՀ և Ադրբեջանի սահմանին տեղի ունեցած միջադեպին․ դեսպան Տողանյան

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

Հայկական կողմն ունի 5 վիրավոր, ադրբեջանական կողմը` չորս զոհ։

5
թեգերը:
Տավուշ, Չինարի, հրետակոծություն, Սահման, հայ-ադրբեջանական, Տիգրան Աբրահամյան, Ադրբեջան, Հայաստան
Ըստ թեմայի
Հայ-ադրբեջանական սահմանի իրավիճակի վերաբերյալ ՀԱՊԿ արտահերթ նիստը հետաձգվել է․ ինչու
Տավուշում երեք զինծառայող է վիրավորվել
Հայերի կոտրած էջերն են կիրառում․ ինչպես են սուտ լուրերը տարածվում համացանցում
Պետք է անհապաղ միջոցներ ձեռնարկել. ԵՄ–ն կոչով դիմել է Հայաստանին ու Ադրբեջանին
Սամվել Մարտիրոսյան

Հայերի կոտրած էջերն են կիրառում․ ինչպես են սուտ լուրերը տարածվում համացանցում

28
(Թարմացված է 17:23 13.07.2020)
Տեղեկատվական անվտանգության փորձագետ Սամվել Մարտիրոսյանը Sputnik Արմենիայի եթերում անդրադարձել է պետական սահմանի Տավուշի հատվածում ադրբեջանական սադրանքի ֆոնին վերջինիս կողմից սանձազերծված տեղեկատվական պատերազմին և կեղծ լուրերի տարածման խնդրին։
Մարտիրոսյան. «Ադրբեջանական լուրերի դեպքում գործ ունենք ոչ թե փաստերի, այլ ռազմական քարոզչության հետ»

Սամվել Մարտիրոսյանի դիտարկմամբ՝ թեև ապատեղեկատվությունը տարածվում է պաշտոնական մակարդակով, սակայն այդ պատերազմում ադրբեջանական կողմը կիրառում  է նաև հիբրիդային մեթոդներ, որոնցից մեկը ՀՀ քաղաքացիների կամ սփյուռքահայերի նախապես կոտրված հաշիվների օգտագործումն է համացանցում, հիմնականում ֆեյսբուքում, որոնց շնորհիվ և որոնց անունից էլ փորձում են տարածել ապատեղեկատվություն՝ ներկայացնելով խուճապ առաջացնող մանիպուլյատիվ լուրեր:

«Հիմա այդ գրոհն ակտիվացել է, ու գրում են բավականին լավ հայերենով, հետևաբար շատ կարևոր է նման դեպքերում հիշել մեկ հանգամանք, որ բոլոր այն աղբյուրները, որոնք անծանոթ են, պետք է հաշվի առնվեն, անհրաժեշտ է հիմնվել միայն այն օգտատերերի տեղեկությունների վրա, որոնց մասին կա հստակ ինֆորմացիա»,- նշում է փորձագետը:

Սամվել Մարտիրոսյանի փոխանցմամբ՝ ռազմական գործողությունների ժամանակ հակառակորդի պաշտոնական տեղեկատվությունը չի կարող դիտարկվել որպես իրականությանը մոտ, քանի որ հակառակորդը միշտ պատրաստ է ապատեղեկատվություն տարածելուն: Իսկ ադրբեջանական մամուլի պարագայում փորձագետն արձանագրում է մեկ իրողություն, որ պատերազմական իրավիճակում կան սահմանափակումներ, և բոլոր լրագրողները չէ, որ կարող են գրել ռազմական գործողությունների մասին, հակառակ դեպքում նրանց կդատեն պետական դավաճանության հոդվածով և քրերորեն կհետապնդեն: 

Ադրբեջանը հայտնվել է բարդ իրավիճակում․ քաղաքագետը՝ լարվածության ստեղծման պատճառների մասին

«Պետք է հիշել, որ ալիևյան ռեժիմը տարիներ շարունակ ճնշել է փոքրիշատե անկախ լրատվամիջոցներին, և եթե գործ ունենք ադրբեջանական լրահոսի հետ, ապա այժմ այն ամբողջությամբ վերահսկվում է նույն աղբյուրների կողմից: Նման դեպքերում գործ ունենք ոչ թե փաստերի, այլ ռազմական քարոզչության հետ»,- նշում է փորձագետը: 

Ադրբեջանցիները գործի են անցել նաև վիրտուալ տարածքում. զգուշացնում է Սամվել Մարտիրոսյանը

Անդրադառնալով այն կոչերին, որոնց համաձայն՝ Տավուշում ծառայող զինվորների հարազատներին հորդորվում է չզանգահարել նրանց, Սամվել Մարտիրոսյանն ընդգծում է, որ բանակը կարող է կիրառել ապահով ալիքներ, «մեսինջերներ», որոնց գաղտնալսումը հնարավոր չէ, և այդ դեպքում զինծառայողները կարող են անվտանգ կապ հաստատել իրենց հարազատների հետ: Բայց փորձագետը հորդորում է հաշվի առնել նաև այն հանգամանքը, որ բաց բջջային կապի միջոցով սահմանից չարժե խոսել, քանի որ հակառակորդը կարող է որսալ զրույցները:          

 

28
թեգերը:
համացանց, Սամվել Մարտիրոսյան, հրետակոծություն, Ադրբեջան, հայ-ադրբեջանական, Սահման, Տավուշ, Հայաստան
Ըստ թեմայի
Պետք է անհապաղ միջոցներ ձեռնարկել. ԵՄ–ն կոչով դիմել է Հայաստանին ու Ադրբեջանին
Տավուշում երեք զինծառայող է վիրավորվել
ՀՀ ԱԳՆ–ն պատասխանել է Թուրքիային