Արագած Ախոյան

Ախոյան. «Պոլսո պատրիարքի արժանի թեկնածուներ կան, որոնք կարող են համախմբել հայ համայնքը»

15
(Թարմացված է 16:05 08.04.2019)
Պոլսո հայ եկեղեցին իր գիրկը չառավ հայերին։ Արամ արքեպիսկոպոս Աթեշյանը չկարողացավ Թուրքիայի տարբեր մասերում ապրող հայրերին տիրություն անել։ Sputnik Արմենիայի հետ զրույցում այս կարծիքն է հայտնել «Արևմտահայոց ազգային համագումար միջազգային կազմակերպության» համանախագահ Արագած Ախոյանը։

«Արևմտյան Հայաստանում հոգևոր անապատ է։ Շատ աշխատանք կա անելու և ամենակարճ ճանապարհը հոգևոր և մշակութային սնունդ ներարկելն է։ Մենք ծրագիր ունենք դպրոցներ, մշակույթի կենտրոններ բացելու, որտեղ կարող են հավաքվել տարբեր համայնքների հայերը»,-նշել է Ախոյանը։ 

Ըստ Ախոյանի՝ ցեղասպանությունը դեռ չի ավարտվել, ավարտված կլինի այն ժամանակ, երբ 4 մլն հայությունն  այնտեղ չլինի՝ թեկուզ իսլամացած, թեկուզ դավանափոխված։

«Ցավոք, մենք այսօր հեռվից ենք նայում այդ խնդիրներին․ ապրիլի 24 -ից ապրիլի 24 ենք հիշում ու վերջ»,- ասել է Արագած Ախոյանը։

Ըստ նրա, այսօր կան Պոլսո պատրիարքի արժանի թեկնածուներ, որոնք կարող են ընդունելի լինել հայ համայնքի համար և կարող են համախմբել պառակտված հայ համայնքը։ Նրանք կառաջադրվեն, եթե Թուրքիայի բոլոր օրենքներին համապատասխանեն։

15
թեգերը:
Թուրքիա

sys_stories