Արամ Սարգսյան

Սարգսյան. «Ղարաբաղյան հակամարտության կարգավորման գործընթացում հաշտեցման հեռանկար չկա»

76
(Թարմացված է 12:15 31.03.2019)
Հայաստանի դեմոկրատական կուսակցության ղեկավար Արամ Սարգսյանը Sputnik Արմենիայի եթերում, մեկնաբանելով Վիեննայում մարտի 29-ին կայացած Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի բանակցությունները, կարծիք է հայտնել, որ բանակցությունները կթևակոխեն նոր փուլ, եթե փոխվի այն օրակարգը, որն առ այսօր փակուղի է մտցրել գործընթացը:

«Արցախյան բանակցությունների նոր փուլը կարող է լինել միայն այն պարագայում, եթե օրակարգը փոխվի, այսինքն՝ այն օրակարգը, որն առ այսօր բանակցային գործընթացը մտցրել է փակուղի»,-ասում է Արամ Սարգսյանը։

Արցախյան հակամարտության կարգավորման գործընթացում քաղաքական գործիչը հաշտեցման հեռանկար չի տեսնում։

«Եթե յուրաքանչյուր կողմ իր դիրքորոշումն է պնդում, ապա անհրաժեշտ է, որպեսզի լինի, այսպես ասած, դատավոր, որը կորոշի, թե որ կողմն է ճիշտ»,-կարծում է Սարգսյանը։

Ըստ Արամ Սարգսյանի` շատ լավ կլիներ, որ բանակցություններում Արցախը հանդես գար որպես երրորդ կողմ։

«Բոլոր քաղաքական հնարավորությունները մինչև օրս օգտագործվել են, սակայն փաստ է, որ կողմերը հաշտություն դեռ չեն կնքել, հետևաբար, խոսքը ոչ թե ձևաչափի, այլ բանակցությունների օրակարգի փոփոխման մասին է»,-նկատում է Սարգսյանը։

Քաղաքական գործչի համոզմամբ`անկախ բանակցությունների ընթացքից, Հայաստանը չպետք է կորցնի իր զգոնությունը։

Հիշեցնենք, որ մարտի 29-ին ԵԱՀԿ Մինսկի խմբի համանախագահների նախաձեռնությամբ Վիեննայում կայացել են Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի բանակցությունները, որոնք տևել են ավելի քան 3 ժամ։

76
թեգերը:
Իլհամ Ալիև, Նիկոլ Փաշինյան, Արցախ, Հայաստան, ԵԱՀԿ Մինսկի Խումբ, Ադրբեջան
թեմա:
Ղարաբաղյան հակամարտություն (215)

sys_stories