Նաիրա Զոհրաբյան

Զոհրաբյան․ «Քաղաքապետարանը չցանկացավ կոմպրոմիսի գնալ»

119
(Թարմացված է 14:38 15.03.2019)
Այն խնդիրները, որոնք լուծելու համար բարգավաճականները օպերայի տարածքում էին՝ չհաջողվեց լուծել։ ԲՀԿ պատգամավոր Նաիրա Զոհրաբյանը Sputnik Արմենիայի հետ զրույցում խոսել է օպերայի հարակից տարածքում սրճարանների ապամոնտաժման մասին։

Նաիրա Զոհրաբյանը ցավով արձանագրում է, որ իրենց չհաջողվեց միջամտել և կողմերին բերել բանակցությունների դաշտ։

«Որպես մարդու իրավունքների հանձնաժողովի նախագահ` ես այնտեղ էի երկու խնդիր լուծելու համար. առաջին, որ չլինեն բախումներ մարդկանց հետ, երկրորդ՝ որ հարցը փորձենք լուծել երկխոսության միջոցով։ Սակայն քաղաքապետարանը չցանկացավ կոմպրոմիսի գնալ»,– ասաց նա։

Զոհրաբյանն առաջարկել էր ԱԺ մարդու իրավունքների հանձնաժողովը որպես հարթակ օգտագործել երկխոսության, քննարկումների ու բանակցությունների համար։ Քաղաքապետարանը, սակայն, վճռական էր ապամոնտաժելու հարցում։

«Մարդիկ ժամանակ էին խնդրում գոնե մինչև հոկտեմբեր՝ ամռան ամիսներին աշխատելու համար, որից հետո իրենք իրենց ձեռքով կապամոնտաժեին սրճարաններն ու կկանաչապատեին տարածքը։ Քաղաքապետարանն անգամ մի քանի ամիս ժամանակը չուզեց տալ»,– նշեց պատգամավորը։

Ի դեպ, երեկ բախումների ժամանակ Նաիրա Զոհրաբյանի ոտքը վնասվել էր։ Պատգամավորը Sputnik Արմենիայի հետ զրույցում ասաց, որ լավ է զգում, բայց ոտքը ցավում է։

119
թեգերը:
Նաիրա Զոհրաբյան, Հայաստան
Ըստ թեմայի
«Ես լա՜վ տղա եմ… էս երգն իմ մասին ա…». ապամոնտաժվող սրճարաններից «կարապի երգը» հնչեց
Բողոքի ակցիա Երևանում. սրճարանների աշխատողները փողոց են փակել. տեսանյութ
«Պրոցեսը 100 տոկոս իրավական է». Մարությանը՝ սրճարանների ապամոնտաժման մասին
Սրճարանների ապամոնտաժման աշխատանքներին զուգահեռ հեռացնում են տարածքի կանաչ զանգվածը
Խաչատրյան. «Օպերայի սրճարանների ապամոնտաժումն իրականացվում է երկակի ստանդարտներով»

sys_stories