Ալվարդ Արշակյան

Արշակյան. «Բողոքներ չլինելը դեռ չի նշանակում, թե պահպանվում է կին-տղամարդ հավասարությունը»

667
(Թարմացված է 23:57 08.03.2019)
Առողջապահական և աշխատանքի տեսչական մարմնի աշխատողների անվտանգության պահպանման և առողջության վերահսկողության վարչության գլխավոր մասնագետը Sputnik Արմենիայի հետ զրույցում խոսում է աշխատանքային իրավունքների խախտման վերաբերյալ բողոքների մասին։

«Աշխատողների աշխատանքային իրավունքների նկատմամբ վերահսկողության իրականացման ընթացքում մենք բազմաթիվ դիմում բողոքներ ենք ստացել աշխատանքային իրավունքների խախտման մասին, բայց զուտ սեռով պայմանավորված աշխատանքային իրավունքների իրավահավասարության վերաբերյալ որևէ դիմում-բողոք չենք ստացել»,-Sputnik Արմենիայի հետ զրույցում փաստում է։

Ըստ մասնագետի` դիմում-բողոքների բացակայությունը, սակայն, դեռևս չի նշանակում, որ պահպանվում է կին-տղամարդ աշխատողների հավասարությունը։

«Մինչ աշխատող քաղաքացիները կսովորեին իրենց խախտված իրավունքների համար դիմել աշխատանքային տեսչությանը, այն դադարեց գործել։ 2013թ–ին Աշխատանքի պետական տեսչությունը միավորվեց Առողջապահության նախարարության պետական հիգիենիկ ու հակահամաճարակային տեսչության հետ»,-մանրամասնում է մասնագետը։

Ալվարդ Արշակյանի խոսքով, եթե մինչ այդ փոփոխությունները տեսչությունը վերահսկողություն էր կիրականացնում աշխատանքի իրավունքի նորմեր պարունակող բոլոր իրավական ակտերի կատարման նկատմամբ, ապա փոփոխությունից հետո առողջապահական պետական տեսչությանը վերապահվեց միայն աշխատողների առողջության պահպանման ու անվտանգության նկատմամբ վերահսկողությունը:

667

sys_stories