Արսեն Մկրտչյան. «Մանվել Գրիգորյանի առողջական վիճակը կալանավայր տեղափոխվելուց հետո ավելի է վատացել»
Մկրտչյանը նշեց, որ արդեն երեք օր է` գեներալ Մանվել Գրիգորյանը «Նաիրի» բժշկական կենտրոնից տեղափոխվել է կալանավայր, որտեղ նրա առողջական վիճակն ավելի է վատացել։
Չնայած դրան, փաստաբանի խոսքով, կալանավայրի վարչակազմն արել է առավելագույնը՝ գեներալի առողջական վիճակի համար բարենպաստ պայմաններ ստեղծելու ուղղությամբ։
«Թեև անկախ կալանավայրում գործադրված ջանքերից, դրանք բավարար չեն, որ հիվանդությունը չզարգանա»,- ընդգծեց Մկրտչյանը։
Ինչ վերաբերում է քրեական գործին, ապա փաստաբանը նշեց, որ պաշտպանական կողմը ստացել է իր օրինակները, ծանոթանում է գործին և առաջիկայում կարվեն համապատասխան միջնորդություններ։