Էրիկ Ալեքսանյան

Ալեքսանյան. «Արմեն Գևորգյանի պաշտպանական կողմը ևս պատրաստվում է վճռաբեկ բողոք ներկայացնել»

73
(Թարմացված է 16:29 21.02.2019)
Փետրվարի 20–ին հայտնի դարձավ, որ ՀՀ գլխավոր դատախազությունը բողոք է ներկայացրել Վճռաբեկ դատարան` նախկին փոխվարչապետ Արմեն Գևորգյանին կալանավորելու պահանջով։

Նախկին փոխվարչապետ Արմեն Գևորգյանի պաշտպան Էրիկ Ալեքսանյանը Sputnik Արմենիայի եթերում ասում է, որ ենթադրվում է, որ գլխավոր դատախազությունը բողոք է ներկայացրել այն մասով, որ համաձայն չէ, թե ընդհանուր իրավասության, և թե վերաքննիչ քրեական դատարանի կողմից Գևորգյանին առաջադրված երկու մեղադրանքների` դատարանի կողմից արձանագրված հիմնավոր կասկածի ու հիմքերի բացակայության վերաբերյալ որոշումների հետ։

«Գտնում եմ, որ այս մասերով գլխավոր դատախազության ներկայացրած բողոքի յուրաքանչյուր դիրքորոշումն ու հիմնավորումները լինելու են անիմաստ, քանի որ այդ մասերով դատարանները ներկայացրել են արդար դատական ակտեր»,-փաստում է Էրիկ Ալեքսանյանը։

Թե ինչ կորոշի վճռաբեկ դատարանը, փաստաբանը չի փորձում կանխատեսել, սակայն ակնկալում է արդար դատական ակտի կայացում։

«Պաշտպանական կողմը ևս պատրաստվում է վճռաբեկ բողոք ներկայացնել, քանի որ համաձայն չենք ընդհանուր իրավասության ու վերաքննիչ քրեական դատարանների այն պնդման հետ, որ առկա է հիմնավոր կասկած փողերի լվացման մեղադրանքով, և մեր բողոքի իմաստն ու հիմնավորումները կապված են հենց դրա հետ»,-նշում է Ալեքսանյանը։

Ինչ վերաբերում է 76 հատորանոց քրեական գործին, փաստաբանի խոսքով, տրամադրված 50 օրը բավական չէ, որպեսզի պաշտպանական կողմն ամբողջությամբ ծանոթանա քրգործի նյութերին։

«Նման կարճ ժամկետ տրամադրելը ընդամենը մեկ նպատակ է հետապնդում, որ պաշտպանական կողմը լիարժեք հնարավորություն չունենա պատրաստվելու և իրացնելու պաշտպանության իրավունքը»,-կարծում է Էրիկ Ալեքսանյանը։

Նրա խոսքով` սահմանված ժամկետը որևէ կերպ չի տեղավորվում ողջամտության սահմաններում։

73
թեգերը:
ՀՀ դատախազություն, «Մարտի 1–ի» գործով դատավարություն, Հայաստան
թեմա:
«Մարտի 1»-ի գործը (208)

sys_stories