Այս մասին Sputnik Արմենիայի եթերում ասաց ՀՀ մշակույթի նախարարության մշակութային ժառանգության և ժողովրդական արհեստների վարչության պետ Աստղիկ Մարաբյանը։
Նա նաև տեղեկացրեց, որ ՅՈՒՆԵՍԿՕ–ն մեր մեծերի հոբելյաններն ընդգրկել է այդ ցանկում, և դրանք անց են կացվելու նաև միջազգային հարթակներում։
«Երևանը, Դսեղն ու Թբիլիսին այսօր մեկ ընդհանուր օրակարգով կապրեն։ Մեկնարկում է Հովհաննես Թումանյանի հոբելյանական տարին։ Թումանյանի ծննդյան օրը՝ փետրվարի 19-ին, նույն ժամին Թումանյանի կյանքում կարևոր երկու մայրաքաղաքներում և ծննդավայր Դսեղում կայանում են տոնական միջոցառումներ»,–ասում է Աստղիկ Մարաբյանը։
Նա շեշտում է, որ սին են կասկածները, թե միջոցառումները դուրս են մնացել իշխանությունների հոգածությունից։ Դրանք անցկացվում են վարչապետի հովանու ներքո և տարվա ավարտին արդյունքները ցույց կտան իրականությունը։
«Սիլվա Կապուտիկյանից, Մաթևոսյանից հետո հուսով ենք ,որ Նիկոլ Փաշինյանը, Թումանյան կկարդա»,–եզրակացնում է Մարաբյանը։
