Նրա խոսքով, այդուհանդերձ, մենք չենք կարող անմարդկային վերաբերմունք ցուցաբերել անձի նկատմամբ, միայն նրա համար, որ նա օտարազգի է։
«Բաքուն մեր տղաներին ցանկանում է փոխանակել Արցախում ազատազրկման դատապարտված երկու մարդասպան-ահաբեկիչների հետ, ինչը միջազգային հանրությունը չպետք է անպատասխան թողնի։ Արցախի բանտում այս պահին պահվող մարդասպան-ահաբեկիչներից` Դիլհամ Ասկերովից ու Շահբազ Գուլիևից բացի, այլ ադրբեջանցիներ չկան, մինչդեռ կան լուրջ կասկածներ, որ Ադրբեջանում դեռևս արցախյան պատերազմի տարիներին գերեվարված տասնյակ, միգուցե նաև հարյուրավոր հայեր կան` հասարակ քաղաքացիներ, որոնց անուն-ազգանունները փոխել են ու պահել բանտերում, որպեսզի միջազգային կառույցները չկարողանան գտնել այդ մարդկանց։ Նրանք նաև վաճառել են նրանց օրգանները, ստրկացրել։ Այդ ամենը պատմել են ադրբեջանական գերությունից հրաշքով փրկվածները»,–ասում է Բաբայանը։
Նրա խոսքով` վերջինների վկայությունները պարբերաբար բարձրաձայնվում են միջազգային ատյաններում ինչպես պետական խողովակներով, այնպես էլ հասարակական կազմակերպությունների միջոցով, սակայն որևէ արդյունք դեռ չկա, քանի որ գործ ունենք Ադրբեջանի պես ստախոս հարևանի հետ։
