Այս պահին քանի դեռ դադարեցված է ֆինանսավորումը բազային թեմաներով գիտաշխատողները ծանուցումներ են ստանում, որ այլևս չեն շարունակվելու աշխատանքը, Sputnik Արմենիայի եթերում ասել է ԵՊՀ ռեկտորի մամուլի խոսնակ Գևորգ Էմին-Տերյանը:
Ըստ նրա` ենթադրվում է, որ մրցույթը կառավարությունն է հայտարարում Գիտության կոմիտեի միջոցով: «Այդտեղ մոտ 450 մարդ կա, որից 200ը աշխատում է միայն այդ լաբորատորիաներում, իսկ 250-ը համատեղությամբ դասեր ունեն, ընդգրկված են նաև այլ ծրագրերում : Կարճ ասած` 200- ը դառնում են գործազուրկ, 250 հոգի զրկվելու է այլ եկամտի աղբյուրից, գիտությամբ զբաղվելու հնարավորությունից»,–ասում է ԵՊՀ մամուլի խոսնակը:
Գևորգ Էմին-Տերյանի խոսքով` դա օրենքի խախտում է, որովհետև գիտության մասին օրենքով այլ բան է նախատեսվում: Այսինքն` պետությունը չէր կարող այդպես հանկարծակի դադարեցնել: Ըստ բանախոսի`հնարավոր է` հինգշաբթի օրը բողոքի ցույց կազմակերպեն:
