Լևոն Պաչաջյան

Պաչաջյան. «Հայ ֆուտբոլիստների առաջընթացի համար պետք է ավելի շատ խաղաժամանակ տալ նրանց»

294
(Թարմացված է 21:12 01.02.2019)
Հայաստանի ֆուտբոլի հավաքականի նախկին ֆուտբոլիստ Լևոն Պաչաջյանը Sputnik Արմենիայի եթերում խոսում է Հայաստանի բարձրագույն առաջնությունում արտասահմանցի ֆուտբոլիստների թվի սահմանափակման մասին։
Լևոն Պաչաջյան

Լևոն Պաչաջյանը կարծում է, որ պետք գտնել լավագույն տարբերակը, որպեսզի հայ ֆուտբոլիստներն ավելի զարգանան, հակառակ դեպքում հավաքականներում առաջընթաց չի լինի:

«Հայ ֆուտբոլիստների վարպետությունն ու փորձը զարգացնելու համար նրանց հարկավոր է ավելի շատ խաղաժամանակ տալ»,– ասում է նա։

Այսօր հայկական մի շարք թիմերում ավելի շատ են արտասահմանցի ֆուտբոլիստները, քան հայ խաղացնողները:

Երբեմն մեկնարկային կազմերում հայ ֆուտբոլիստներից խաղադաշտում կարելի է տեսնել մեկին կամ երկուսին: Համացանցում ակտիվորեն քննարկվում է Հայաստանի բարձրագույն առաջնությունում արտասահմանցի ֆուտբոլիստների սահմանափակման հարցը։

294
թեմա:
Մարզական խաչմերուկ (31)
 Ներսես Ավդալյան

Սին «հերոսություն» է. մասնագիտական ապտակ ադրբեջանցի հաքերներին

20
Տեղեկատվական տեխնոլոգիաների մասնագետ, «Nout.am» ընկերության հիմնադիր Ներսես Ավդալյանը Sputnik Արմենիայի եթերում անդրադարձել է ադրբեջանցի հաքերների կողմից հայկական կառավարական կայքերը կոտրելու խնդրին: 
Ավդալյան. «Հանրության համար նախատեսված բաց կայքերի կոտրումը սին, անիմաստ «հերոսություն» է»

Տեղեկատվական տեխնոլոգիաների մասնագետ, «Nout.am» ընկերության հիմնադիր Ներսես Ավդայանի դիտարկմամբ՝ կայքերի անվտանգության հարցը լուծելիս նախևառաջ պետք է հաշվի առնել, որ դրանք իրենցից հաշվարկային մեխանիզմներ չեն ներկայացնում, և այն, ինչ մատուցվում է հանրությանը, պատկերավոր ասած` գրքի շապիկն է, որտեղ տեղադրված է հենց լայն զանգվածների համար նախատեսված ինֆորմացիան:

«Փաստացի ոչ մի պետական նշանակություն ունեցող տեղեկատվություն հանրային կայքերում չի պահվում, ուստի աշխարհի ցանկացած վայրում, ցանկացած կայք կարող են կոտրել, և դրա դեմ դեռ որևէ գործիք չկա, նույնիսկ սահմանափակումների պարագայում հայտնվում են ճարպիկ հաքերներ, որոնք կոտրում են կայքերը»,- Sputnik Արմենիայի հետ զրույցում ասաց նա:

Ավդալյանի համոզմամբ՝ հանրության համար նախատեսված բաց կայքերի կոտրումը սին, անիմաստ «հերոսություն» է, դրանով հաքերները պարզապես ցույց են տալիս, թե կարողանում են ինչ-որ բան անել: Ըստ նրա՝ հույժ կարևոր ինֆորմացիան սովորաբար կայքից առանձնացվում է, ստեղծվում է փոքրիկ կամուրջ, որի միջոցով կայքում զետեղվում է հանրությանը հասանելի ինֆորմացիան, հետևաբար նման կայքերի կոտրումն, ըստ Ավդալյանի, դառնում է ձևական մեդալներ վաստակելու պես մի բան: 
«Այն, ինչ առանց այդ էլ բաց է, դրա կոտրելն ի՞նչ իմաստ ունի՝ լինի դա վարչապետի, թե այլ կառավարական կայք, չէ՞ որ գաղտնի նյութեր պարունակող աղբյուրները նրանց համար անհասանելի են»,- նշեց մասնագետը:

ԱԱԾ–ն հետաքննում է Հայաստանի վարչապետի և կառավարության կայքերի կիբեռհարձակումները

Անդրադառնալով կայքերի պաշտպանվածության խնդրին՝ Ավդալյանն ընդգծեց, որ կան մի քանի դասական մեխանիզմներ, որոնք մշակվել են վաղուց, և այդտեղ հեծանիվ հայտնագործելու կարիք չկա: Ըստ այդմ՝ կան, օրինակ, սիստեմային ադմինիստրատորներ, որոնք կարողանում են տարբեր տեսակի պաշտպանության մեխանիզմներ ստեղծել. դրանք կոչվում են նաև շեղող մեխանիզմներ:
«Եթե գաղտնի ինֆորմացիան, որպես այդպիսին, կայքում տեղադրված չէ, այդտեղ սուպեր անվտանգության համակարգեր դնելը դառնում է անիմաստ, ժամանակատար աշխատանք, որովհետև հաքերային հարձակումներից, նման կայքերի կոտրումից հետո դրանց վերականգնումն ուղղակի րոպեների գործ է, մի քանի կոճակ սեղմելուց հետո կայքն ավտոմատ սերվերների վրայից վերականգնվում է»,- պարզաբանեց «Nout.am» ընկերության հիմնադիրը: 


Ավդալյանի կարծիքով՝ դասական մեթոդների շնորհիվ պաշտպանված պետք է լինի նախևառաջ գաղտնի, պետական նշանակության ինֆորմացիան, որոնք, սակայն, հանրային, բաց կայքերի համար չեն: Ավդալյանի խոսքով՝ վերջին երեսուն տարիների ընթացքում չի հիշում մի դեպք, որ տեղի ունենա հույժ կարևոր, ռազմավարական նշանակություն ունեցող ինֆորմացիայի արտահոսք, հետևաբար, այդ ինֆորմացիան լավ պաշտպանված է և գտնվում է հուսալի ձեռքերում:

Հիշեցնենք` Հայաստանում պետական երեք ռեսուրս` ՀՀ վարչապետի (primeminister.am), կառավարության (gov.am), ինչպես նաև էլեկտրոնային կառավարման (e-gov.am) կայքերը ենթարկվել են հաքերային հարձակման։ ՀՀ վարչապետ Նիկոլ Փաշինյանի կայքը վերջին անգամ հաքերային հարձակման էր ենթարկվել 2019 թվականին։

20
թեգերը:
կայք, ադրբեջանցի, հաքեր, Ներսես Ավդալյան («Nout.am» ընկերության հիմնադիր)
Ըստ թեմայի
Հայ հաքերները փորձում են զսպել ադրբեջանցիներին. կորոնավիրուսային արտահոսքը շարունակվում է
Նիկոլ Փաշինյանի պաշտոնական կայքը հաքերային հարձակման է ենթարկվել
Ինչպես կարող էին COVID-19–ով մեր հիվանդների տվյալները հայտնվել ադրբեջանցի հաքերների մոտ
Հաքերները 60 հազար դոլար են ստացել Amazon–ի արտադրանքը կոտրելու համար
Սերոբ Անտինյան

Հավաքների սահմանափակումը տեղավորվում է համավարակի դեմ պայքարի տրամաբանության մեջ․ Անտինյան

66
(Թարմացված է 23:34 13.07.2020)
Կառավարման մասնագետ, վերլուծաբան Սերոբ Անտինյանը Sputnik Արմենիայի եթերում անդրադարձել է արտակարգ դրության երկարաձգման խնդրին, այդ պայմաններում հանրային կառավարման արդյունավետության հարցին և արտակարգ դրությունից բխող որոշ հանգամանքներին: 
Անտինյան. «Հավաքների սահմանափակումը տեղավորվում է համավարակի դեմ պայքարի տրամաբանության մեջ»

Սերոբ Անտինյանը, թեև չի ցանկանում քաղաքական գնահատական տալ, թե արտակարգ դրության իրավական ռեժիմի սահմանումը ինչպես է մեկնաբանվում քաղաքական ուժերի կողմից, բայց զուտ ողջախոհության շրջանակներում դիտարկելով խնդիրը՝ բացատրում է՝ արդյո՞ք  հանրահավաքները կամ զանգվածային միջոցառումները համավարակի դեմ պայքարի տրամաբանության մեջ թույլատրելի են: 

«Եթե մենք խոսում ենք համավարակի դեմ համապետական պայքարի մասին, պետք է ողջախոհության սահմաններում ընդունենք, որ պարետատան կողմից կիրառվող զանգվածային միջոցառումների սահմանափակումը տեղավորվում է համավարակի դեմ պայքարի տրամաբանության մեջ»,- նշում է կառավարման մասնագետը:

Սերոբ Անտինյանը վկայակոչում է այն հանգամանքը, որ ոչ վաղ անցյալում որոշվել էր, որ լրատվամիջոցներով կորոնավիրուսի թեմայի վերաբերյալ տեղեկատվության տարածումը պետք է համահունչ լիներ միայն պաշտոնական լրահոսին, սակայն հետագայում արգելքը հանվեց, հետևաբար պարետատունն ըստ անհրաժեշտության կիրառում է գործիքակազմեր՝ նկատի առնելով համավարակի դեմ պայքարի միջոցների արդյունավետությունը: Ըստ վերլուծաբանի՝ այդ արգելքը հանվեց, որպեսզի չդիտարկվեր որպես խոսքի ազատության սահմանափակում: 

«Չեմ կարծում, թե համավարակի դեմ պայքարի տրամաբանության մեջ, եթե նույնիսկ մի կողմ թողնենք արտակարգ դրության իրավական ռեժիմը, հանրահավաքների ազատության իրավունքը պետք է լիարժեք կիրառվի, որովհետև այդ իրավունքի սահմանափակումը բխում է հանրության շահերից, համավարակի չտարածման ու կանխարգելման տրամաբանությունից»,- նշում է կառավարման մասնագետը: 

Սերոբ Անտինյանի կարծիքով՝ արտակարգ դրության պայմաններում հանրային կառավարման արդյունավետությունը պետք է գնահատել համեմատության մեջ, որովհետև գործ ունենք ըստ էության նոր տեսակի համավարակի հետ, որն ուսումնասիրված չէ, դրա դեմ արդյունավետ պայքարի եղանակները դեռ առկա չեն և միջազգային գիտական շրջանակները տակավին փնտրտուքների մեջ են:  

Բողոքի ակցիայի մասնակիցներից 48–ին ոստիկանություն են տարել. Նարեկ Մալյանը նրանց թվում է

Այդուհանդերձ, ըստ մասնագետի, կան նաև կորոնավիրուսի դեմ պայքարի հաջողված դեպքեր, երբ որոշ երկրներ կարողացել են համավարակի տարածման դեռ նախնական փուլում իրականացնել կանխարգելիչ արդյունավետ միջոցառումներ, ուստի համեմատաբար լավ վիճակում են, վիրուսի տարածման մակարդակը շատ ցածր է, կարողանում են նույնիսկ արագ դուրս գալ «լոքդաունի» ռեժիմից՝ կարգավորելով ներքին տնտեսական գործունեությունն ու կապն արտաքին աշխարհի հետ: Հետևաբար Հայաստանն էլ կարող էր ավելի արդյունավետորեն պայքարել կորոնավիրոսի տարածման դեմ, եթե դեռ փետրվարին համավարակի մասին տեղեկատվության առկայության պարագայում կիրառեր ավելի անմիջական ու նպատակասլաց միջոցառումներ:   

  Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջիններս պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Կառավարությունն այսօր՝ հուլիսի 13-ին, որոշեց 4-րդ անգամ երկարաձգել արտակարգ դրությունը, որը կտևի մինչև օգոստոսի 12–ը։

66
թեգերը:
Բողոքի ակցիա, կարանտին, Արտակարգ դրություն, կորոնավիրուս, Հայաստան
Հրթիռ, արխիվային լուսանկար

«Սա դեպի աշխարհի վերջը տանող քայլ է». ինչ կլինի, եթե ԱՄՆ–ն դուրս գա ՌՀՍ-3 պայմանագրից

0
(Թարմացված է 20:11 14.07.2020)
Ռազմավարական հարձակողական սպառազինությունների (ՌՀՍ) կրճատման երրորդ պայմանագիրը, մասնագետների կարծիքով, երկարացման քիչ հնարավորություն ունի։ Նշանակում է, որ այդ փաստաթղթի գործողության ավարտից հետո անվտանգության միջազգային համակարգն ամբողջությամբ կփոխվի։

Անդրեյ Կոց, ՌԻԱ Նովոստի

Ինչպես հայտնել է ՌԴ արտգործնախարար Սերգեյ Լավրովը, Սպիտակ տանը վերջնականապես որոշել են չերկարացնել Ռազմավարական հարձակողական սպառազինությունների (ՌՀՍ) կրճատման պայմանագիրը։ Սա վերջին փաստաթուղթն է, որը սահմանափակում է երկու միջուկային գերտերությունների ռազմական հզորությունը։ Ինչով է սպառնում աշխարհին միջազգային անվտանգության համակարգի փլուզումը` կարդացեք ՌԻԱ Նովոստիի նյութում։

Չինաստանի ներառում

Լրագրողների հետ զրույցում արտգործնախարարն ընդգծել է, որ Ռազմավարական հարձակողական սպառազինությունների կրճատման պայմանագրի չերկարաձգման պատճառով խուճապի մատնվել պետք չէ. Ռուսաստանը կարող է սեփական անվտանգությունն ապահովել նույնիսկ առանց այդ պայմանագրի։ Այդուհանդերձ, այդ համաձայնագիրը շատ կարևոր էր։ ՌՀՍ-3–ը կնքել էին ՌԴ և ԱՄՆ նախագահներ Դմիտրի Մեդվեդևն ու Բարաք Օբաման 2010 թվականի ապրիլի 8-ին։ Փաստաթուղթն ուժի մեջ էր մտել 2011 թվականի փետրվարին, գործողության ժամկետն ավարտվում է 2021 թվականին։

Ըստ պայմանագրի` կողմերից յուրաքանչյուրն իր միջուկային զինանոցն այնպես պետք է կրճատի, որ 7 տարի անց և հետագայում սպառազինությունների գումարային քանակը չգերազանցի 700 միջմայրցամաքային բալիստիկ հրթիռների, սուզանավերի վրա բալիստիկ հրթիռների և ծանր ռմբակոծիչների, ինչպես նաև 1550 մարտագլխիկների և 800 բացազատված և չբացազատված արձակման կայանքների թիվը։ ՌՀՍ-3–ը ստորագրել են ՌՀՍ-1–ի գործողության ժամկետի ավարտից ուղիղ մեկ տարի անց։ Եվ եթե նախկինում նրա երկարացման հարցում քչերն էին կասկածում, ապա Դոնալդ Թրամփի նախագահ դառնալուց հետո իրավիճակը կտրուկ փոխվեց։

ԱՄՆ առաջնորդը նշեց, որ ՌՀՍ-3–ի հետագա գոյության հիմնական պայմաններից մեկը Չինաստանի մասնակցությունն է։ Չինաստանի ԱԳՆ սպառազինության վերահսկման դեպարտամենտի տնօրեն Ֆու Ցունը պարզաբանեց, որ դա հնարավոր է միայն երկու դեպքում. եթե Չինաստանն իր միջուկային զինանոցը հասցնի ԱՄՆ–ի մակարդակին կամ եթե Վաշինգտոնը կրճատի իրենը։ Պեկինի համար այլ տարբերակներ ընդունելի չեն, քանի որ հաշվի չեն առնում ռազմավարական ներուժի հսկայական տարբերությունը։

Վաշինգտոնի առաջադրած մյուս պայմանն էլ ձեռնտու չէ Մոսկվային։ Հուլիսի սկզբին սպառազինության վերահսկման հարցերով ԱՄՆ նախագահի հատուկ ներկայացուցիչ Մարշալ Բիլինգսլին «սարսափելի» էր անվանել «Բուրեվեստնիկ» հրթիռների և «Պոսեյդոն» դրոնների նախագծերը և կոչ էր արել փակել դրանք, քանի որ ՌՀՍ-3–ի սահմանափակումների տակ չեն մտնում։ Ամերիկացիները դրանից առաջ էլ էին պնդում, որ պետք է սահմանափակել ռուսական նորագույն սպառազինությունը, այդ թվում` «Ցիրկոն» ոչ միջուկային գերձայնային հականավային հրթիռների։

Ինչ տեղի կունենա ջերմամիջուկային ռումբի հետ, եթե F-35-ի պոչի մասը թռիչքի սկզբում պոկվի

«Սա միայն մեկ բան է վկայում, որ ԱՄՆ–ն կորցնում է համաշխարհային առաջնորդության պահպանման լծակները` բացառությամբ միջուկային շանտաժի, – պարզաբանում է ռազմական գիտությունների դոկտոր Կոնստանտին Սիվկովը։ – Տնտեսապես նրանք արդեն որոշ ուղղություններով հետ են մնում Չինաստանից, մի շարք ռազմական տեխնոլոգիաներով էլ (օրինակ` գերձայնային զենքի)` Ռուսաստանից։ Այդ պատճառով էլ ձգտում են մեզ դրդել, որ հրաժարվենք առաջադեմ մշակումներից։ Մենք չպետք է կուլ տանք այդ խայծը»։

Անզիջում դիրքորոշում

Սերգեյ Լավրովն ընդգծել է, որ Ռուսաստանը ԱՄՆ–ին չի խնդրելու երկարացնել պայմանագիրը։ Թեև Մոսկվան միշտ պատրաստ է եղել որոշակի զիջումների գնալ։ Նախարարը հայտնել է, որ ՌՀՍ-3–ի շրջանակում ամերիկացիների հետ քննարկել են ռուսական երկու նորագույն ռազմավարական համակարգի թվաքանակի սահմանափակման հնարավորությունը, երբ դրանք ամբողջությամբ տեղակայվեն։ Խոսքը «Ավանգարդ» գերձայնային պլանավորող մարտական բլոկերի և «Սարմատ» միջմայրցամաքային բալիստիկ ծանր հրթիռի մասին է։

«Ինչ վերաբերում է մյուս երեք համակարգերին («Բուրեվեստնիկ» թևավոր հրթիռների, «Պոսեյդոն» ստորջրյա անօդաչուների և «Ցիրկոն» գերձայնային հրթիռներին – խմբ.), ապա դրանք նոր են և այն կատեգորիաների շարքում չեն, որոնց վրա տարածվում է ՌՀՍ-3–ի պայմանագիրը, – ընդգծել է Լավրովը։ – Սակայն մենք պատրաստ ենք խոսել նաև այն մասին, որ գործող համաձայնագրի տեսանկյունից դասական չհամարվող սպառազինությունները քննարկման առարկա դառնան»։

Թեպետ քիչ հավանական է, որ Միացյալ Նահանգները պատասխան փոխզիջումների գնա։ Վաշինգտոնը բազմիցս անզիջում հայտարարություններ է արել. «Կա՛մ դուք անխոս համաձայնում եք մեր պայմաններին, կա՛մ մենք դուրս ենք գալիս պայմանագրից»։ Ակնհայտ է, որ ո՛չ Ռուսաստանը, ո՛չ Չինաստանը մտադիր չեն համաձայնել ամերիկացիների պահանջների հետ` հաշվի չառնելով սեփական ազգային շահերը։ Մասնագետների կարծիքով` քիչ հավանական է, որ ՌՀՍ-3 պայմանագիրը կերկարացվի։ Իսկ դա նշանակում է, որ միջազգային անվտանգության համակարգն ամբողջովին կփոխվի։

Որակ` քանակի փոխարեն

«Եթե խոսենք հենց ռազմական ոլորտի միջազգային անվտանգության համակարգի մասին, ապա պետք է խոստովանենք, որ այն արդեն գրեթե գոյություն չունի, –ասում է «Արսենալ Օտեչեստվա» ամսագրի գլխավոր խմբագիր Վիկտոր Մուրախովսկին։ – Այդ համակարգը պահվում էր ԽՍՀՄ–ի և ԱՄՆ–ի, իսկ ավելի ուշ Ռուսաստանի և ԱՄՆ–ի միջև կնքած համաձայնագրերի վրա։ Դրանք ՀՀՊ, «Միջին ու փոքր հեռահարության հրթիռների ոչնչացման մասին», միջուկային փորձարկումների համընդհանուր արգելքի մասին պայմանագրերն են, որոնք ամերիկացիները չեն վավերացրել։ Եվրոպայում անվտանգության և համագործակցության մասին համաձայնագիրը, ինչպես նաև նրա մաս կազմող` Եվրոպայում սովորական ԶՈւ–ի մասին պայմանագիրը, որը նույնպես վախճանվեց ԱՄՆ–ի պատճառով։ Ողջ համակարգը, որը մանրակրկիտ կառուցվում էր սառը պատերազմի սուր կոնֆլիկտային իրավիճակներում, Վաշինգտոնի նախաձեռնությամբ է տապալվել»։

Փորձագետի խոսքով` բացի ՌՀՍ-3–ից, մնացել է միայն Հրթիռային տեխնոլոգիաների վերահսկման ռեժիմի մասին պայմանագիրը։ Սակայն այդ փաստաթուղթն էլ ամերիկացիները փորձում են հարմարեցնել իրենց։ «Ռոյթերս» գործակալությունը հունիսին, երկրի ռազմարդյունաբերական համալիրի և ղեկավարության աղբյուրներին հղում անելով, հայտնել էր, որ Սպիտակ տունը մտադիր է վերանայել պայմանագրի վիճակը, որպեսզի տարբեր երկրներին ավելի շատ մարտական ԱԹՍ–ներ վաճառի։ Հազիվ թե դա ձեռք տա համաձայնագրի մյուս մասնակիցներին։

Ռուսաստանը հաուբիցն է ընտրել․ ո՞րն է «Կոալիցիա-ՍՎ»-ի առավելությունը

«Կարելի է ցավով փաստել, որ այժմ ամեն ինչ ստիպված կլինենք կրկին վերաձևել, – նշում է Մուրախովսկին։ Մեր նախագահն արդեն հանդես է եկել ՄԱԿ–ի Անվտանգության խորհրդի մշտական հինգ անդամների հետ հանդիպելու նախաձեռնությամբ, այդ հարցը քննարկելու համար։ Գուցե անցում կատարվի եթե ոչ սահմանափակումների մասին, ապա գոնե միջուկային սպառազինությունների նկատմամբ վերահսկման մասին միջազգային պայմանագրի։ Սակայն դատելով Վաշինգտոնի և Լոնդոնի քաղաքականությունից և դիրքորոշումից`այս նախաձեռնությունը նվազագույն հեռանկարներ ունի»։

Փորձագետն ընդգծել է, որ հավանական չի համարում սպառազինությունների նոր «քանակային» մրցավազքը, երբ Ռուսաստանն ու ԱՄՆ–ն դարձյալ սկսեն ընդլայնել միջուկային մարտագլխիկների թիվն ու դրանց մատակարարման միջոցները։ Սակայն ռազմավարական սպառազինության ոլորտում տեխնոլոգիական գերակայության համար մղվող պայքարը խոստանում է թեժ լինել։

Առանց պաթոսի. ռազմական ոլորտում Հայաստանի և Ռուսաստանի բարեկամության մասին խոսում են թվերը

0
Ըստ թեմայի
ԱՄՆ-ն ուզում է Ռուսաստանին և Չինաստանին պատժել սիրիացիներին «սովամահ» անելու փորձի համար
Ռուսաստանում հաջողությամբ փորձարկել են կորոնավիրուսի դեմ պատվաստանյութը
Կորոնավիրուսի դեմ պայքարում Ռուսաստանն առաջընթաց է գրանցում. Պուտին
Ռուսաստան մուտք գործելու համար նոր կանոններ են սահմանվել