Արա Զոհրաբյան

Զոհրաբյան. «Փաստաբաններին շրջանառության հարկից դուրս թողնելը 3 խնդիր կծնի»

474
(Թարմացված է 14:56 25.01.2019)
Որևէ օրենք փոփոխության դնելու հիմքում պետք է լինի օբյեկտիվ անհրաժեշտությունը, որն այս պարագայում չկա։ Sputnik Արմենիայի եթերում, խոսելով հարկային օրենսգրքում փոփոխություններ անելու մասին, որն առնչվելու է նաև փաստաբաններին, ասաց Փաստաբանների պալատի նախագահ Արա Զոհրաբյանը։
Արա Զոհրաբյան

«Չենք կարողանում հասկանալ, ինչու են փաստաբաններին որոշել շրջանառության հարկից դուրս թողնել։ Այստեղ 3 խնդիր եմ տեսնում։ Մեկը վերաբերում է դատական իրավունքի մատչելիությանը։ Այս առումով փաստաբանական ծառայությունները, եթե թանկանան, իսկ դա այս պարագայում անխուսափելի է, ապա քաղաքացիների` փաստաբաններին դիմելու իրավունքը կարող է սահմանափակվել»,–ասում է Զոհրաբյանը։

Նա մտահոգություն ունի, որ հանրային պաշտպանի գրասենյակ կսկսեն դիմել ավելի շատ մարդիկ, սա էլ, բնականաբար, պետությանը կկանգնեցնի նոր ծախսերի առաջ։

«Երկրորդը կարծում ենք, որ փաստաբանի անկախությունը կարող է վնասվել։ Խնդիրը նրանում է, որ շրջանառության հարկ վճարելու ժամանակ պարզեցված փաստաթղթային ձևակերպումներ են կատարում, և փաստաբանը հաշվապահ պահելու կարիք չունի։ Այլ ռեժիմի դեպքում, բացի նյութական ծանր բեռից, փաստաբանը ժամանակ պիտի ծախսի բարդ թվաբանական խնդիրների վրա։ Այստեղ հարկային ծառայությունը լրացուցիչ վերահսկման լծակներ է ունենում, և փաստաբանը կարող է  ընկնել ծուղակը։

Շարքային ֆիզիկական անձը կարիք չունի գնա արբիտրական գործունեության եզրակացություն պատվիրել։ Փաստաբանների վստահորդների 90 տոկոսը ֆիզիկական անձինք են»,–ասում է Զոհրաբյանը։

Նա կարծում է, որ փաստաբանների դեպքում ուղղակիորեն նրանց վրա ծանրանալու է ավելացված արժեքի հարկը։

474
Սերժ Սրապիոնյան

Սփյուռքահայերին առնչվող նման օրենքի ընդունումը վաղաժամ է. Սրապիոնյանը մեծ վտանգ է տեսնում

34
(Թարմացված է 23:21 20.04.2021)
ՀՀ սփյուռքի նախկին փոխնախարար Սերժ Սրապիոնյանը Sputnik Արմենիայի եթերում անդրադարձել է «Լուսավոր Հայաստան» խմբակցության առաջարկին, որն առնչվում է սփյուռքահայերին ՀՀ կառավարման համակարգում ընդգրկելու խնդրին։
Սրապիոնյան. «Սփյուռքահայերին առնչվող նման օրենքի ընդունումը վաղաժամ է»

Սերժ Սրապիոնյանի կարծիքով` թեև «Լուսավոր Հայաստան» խմբակցությունն արտաքուստ շատ գրավիչ առաջարկ է անում, բայց իրականում դրա տակ մեծ վտանգ է թաքնված։ Ըստ նրա`բոլորն էլ անցած երեսուն տարիների ընթացքում տեսել են, թե ինչպես են սփյուռքահայերը Հայաստանում պատասխանատու պաշտոններ զբաղեցնում ու առհասարակ ինչպես են նրանք աշխատել։

Սրապիոնյանը, չթերագնահատելով սփյուռքահայերի ներուժը, այդուհանդերձ ընդգծում է, որ նրանք պետական կառավարման դեռ պատրաստ չեն, լավագույն դեպքում նրանք կառավարել են այս կամ այն հասարակական կառույցը։

«Որպեսզի սփյուռքահայը կարողանա ինտեգրվել Հայաստանին, պետք է խնդիրները պատկերացնի այնպես, ինչպես տեղաբնակները, և իր հատկացրած օժանդակության պարագայում չմտածի, թե իրեն վերաբերվում են որպես «կթու կովի»։ Կարծում եմ, որ նման օրենք ընդունելը վաղաժամ է, որովհետև դա մեր երկրին ոչինչ չի տա»,– Sputnik Արմենիայի հետ զրույցում ասաց նախկին փոխնախարարը։

Սրապիոնյանը հիշեցրեց` ներկայիս իշխանությունները հայտարարել էին, թե մոտ հարյուր երիտասարդ սփյուռքահայի էին ուզում հրավիրել ու ընդգրկել կառավարման համակարգում, բայց հայտնի չէ, թե ովքեր են նրանք և ինչով են զբաղված։

Ըստ նախկին պաշտոնյայի` նախ թող ՀՀ քաղաքացիների ներուժը սպառիչ ու ամբողջովին օգտագործեն, որոնք ծնվել ու մեծացել են այստեղ և իրենց երկրի հոգեբանության կրողն են, հետո նոր հույսը դնեն սփյուռքի վրա։

«Սփյուռքահայն այն երկրում, որտեղ բնակվել է, կամա– ակամա, ուզի–չուզի, գիտակցի– չգիտակցի, կրում է այդ երկրի ժողովրդի գաղափարաբանությունն ու հոգեբանությունը։ Կարծում եմ, որ սփյուռքահայը պետք է աստիճանաբար ինտեգրվի Հայաստանի կյանքին, իրեն լիարժեքորեն զգա Հայաստանի քաղաքացի, ինչպես որ զգում են հրեաներն ու իռլանդացիները, որտեղ էլ ապրեն։ Նախ անհրաժեշտ է հոգեբանորեն պատրաստվել, մինչդեռ այս կառավարությունը մերժում է սփյուռքը և այն ամենը, ինչ արվել էր սփյուռքի համար, Զարեհ Սինանյանի փափուկ ձեռքով հավասարեցվել է զրոյի, հետևաբար նման օրենքի ընդունումը լոկ պոպուլիզմ է»,– ասաց նախկին փոխնախարարը։

Սրապիոնյանի գնահատմամբ` արդեն երեք տարի է, ինչ սփյուռքին առնչվող որևէ լրջմիտ կարծիք, մոտեցում կամ ծրագիր չկա` ի տարբերություն իշխանության կողմից մերժված նախկինների, որոնց պաշտոնավարման օրոք ստեղծվեց սփյուռքի նախարարությունը, որն էլ իր հերթին դոկտրին էր մշակում` քայլեր ձեռնարկելով սփյուռքի հետ մերձեցումն ապահովելու համար։ Ըստ Սրապիոնյանի` պետք է վերաբացվի սփյուռքի նախարարությունը, մշակվի նոր ռազմավարություն, և սփյուռքը որոշ ժամանակ անց բնականոն կերպով կինտեգրվի Հայաստանի կառավարական մարմիններին։

Տեղեկացնենք, որ ԱԺ «Լուսավոր Հայաստան» խմբակցությունն առաջարկում է փոփոխություն կատարել Սահմանադրության 148-րդ հոդվածի 1-ին մասում, որպեսզի կառավարության անդամ (բացառությամբ` վարչապետի) կարողանա լինել 25 տարին լրացած, հայերենին տիրապետող ՀՀ գործունակ քաղաքացին` անկախ այլ պետության քաղաքացի լինելու հանգամանքից, ՀՀ քաղաքացիություն ստանալու ժամկետից և ՀՀ–ում բնակության ժամանակահատվածի տևողությունից։ «Լուսավոր Հայաստան» խմբակցության կարծիքով` սույն սահմանադրական փոփոխությունը հնարավոր է իրականացնել Ազգային ժողովի միջոցով։

Հիշեցնենք, որ գործող օրենսդրության համաձայն` ՀՀ կառավարության անդամ կարող է լինել ՀՀ քաղաքացի, ընդ որում` ոչ պակաս, քան վերջին 4 տարում։ Միաժամանակ նա պետք է նույնքան ժամանակահատվածի չափով բավարարի նստակեցության ցենզը (Սահմանադրության 48-րդ հոդվածի 2-րդ և 148-րդ հոդվածի 1-ին մասերի կարգավորում)։

34
թեգերը:
Սերժ Սրապիոնյան, Սփյուռք, Հայաստան
Հակոբ Արշակյան

Թաթոյանի հետ հանդիպումից էլի մի տեղ հույսի նշույլ կա. Շուռնուխի գյուղապետ

55
(Թարմացված է 20:31 20.04.2021)
Շուռնուխի գյուղապետ Հակոբ Արշակյանի հետ Sputnik Արմենիայի եթերում զրուցել ենք ՀՀ նախագահի և Մարդու իրավունքների պաշտպանի հետ ունեցած հանդիպման ու համայնքի բնակիչներին հուզող առաջնային խնդիրների մասին։
«Թաթոյանի հետ հանդիպումից հույսի նշույլ կա, որ կարող է մի բան ստացվել». Շուռնուխի գյուղապետ

Ժողովրդին հուզող հիմնական հարցն անվտանգության խնդիրն է, ինչի մասին այսօր շուռնուխցիները խոսել են ՀՀ նախագահ Արմեն Սարգսյանի և Մարդու իրավունքների պաշտպան Արման Թաթոյանի հետ։ Sputnik Արմենիայի հետ զրույցում ասաց Շուռնուխ համայնքի ղեկավար Հակոբ Արշակյանը։

«Նախագահը համամիտ է ժողովրդի հետ, Թաթոյանի հետ հանդիպումից էլի մի տեղ հույսի նշույլ կա, որ կարող է մի բան ստացվել։ Այդ մարդն աշխատում է, քայլեր ձեռնարկում է, հասկանալի է, որ մի բան ուզում է անի»,- ասաց նա։

Արշակյանը հույս ունի, որ ՀՀ ՄԻՊ-ին կհաջողվի իրենց քթի տակ հանգրվանած ադրբեջանցիներին ստիպել հետ քաշվել։ Նրա խոսքով`գյուղում հազար ու մի խնդիր կա, սակայն թիվ մեկ խնդիրը անվտանգային գոտի ստեղծելն է, որ գյուղացիների անասունները ադրբեջանցիներին բաժին չդառնան։ Նոր սահմանազատումից հետո ադրբեջանցիները ընդհանուր առմամբ 19 խոշոր եղջերավոր անասուն են իրենցով արել։

«Անբարենպաստ եղանակին մի փոքր անուշադրություն,  և անասունները կարող են անցնել նրանց կողմը, ու նրանք քշեն, տանեն։ Այդպես է լինում, թե չէ, որ իրենք անցնեն մեր կողմից մեր անասունը քշեն, իրենք այդքան չկան, չեն անի»,- նշեց Արշակյանը։

Նշենք, որ Հայաստանի նախագահ Արմեն Սարգսյանը Հայաստանի մարդու իրավունքների պաշտպան Արման Թաթոյանի հետ Սյունիքի մարզ կատարած այցի շրջանակում հանդիպել են նաև Շուռնուխի բնակիչների հետ, լսել նրանց մտահոգությունները կապված անվտանգության,  անասնապահության, ջրամատակարարման, գազամատակարարման, ինչպես նաև գյուղատնտեսական վարկերի մարման հետ:

Հիշեցնենք, որ 2020–ի նոյեմբերի 9-ի եռակողմ հայտարարությունից հետո սահմանային իրավիճակը փոխվել է ոչ միայն Արցախում, այլև ՀՀ որոշ մարզերում`  Գեղարքունիքում, Սյունիքում։ 

ՀՀ պաշտպանության նախարարությունը դեկտեմբերի 20–ին տեղեկացրել է, որ ռուս սահմանապահ ուժեր կտեղակայվեն Սյունիքի մարզի Գորիս-Կապան ավտոճանապարհի 21 կիլոմետրանոց հատվածում, որի մյուս կողմում տեղակայվել են ադրբեջանցի զինծառայողներ։

ԵՄ հատուկ ներկայացուցիչն այցելել է Սյունիք` տեղում ծանոթանալու իրավիճակին ու խնդիրներին

Հունվարի 5-ին Սյունիքի մարզի Շուռնուխ գյուղի 11 տները հանձնվեցին ադրբեջանցիներին։ Փետրվարի 5-ին մարզի Ներքին Խնձորեսկ գյուղից հայկական զինծառայողները նահանջել են՝ թշնամուն թողնելով 15 հեկտար հողատարածք։ Մոտ 10 տուն էլ կորցրել ենք Որոտան գյուղում։

55
թեգերը:
Շուռնուխ, Սյունիք, Նախագահ, ՀՀ ՄԻՊ, Արմեն Սարգսյան, Արման Թաթոյան
Նատալյա Եփրիկյանը. արխիվային լուսանկար

Comedy Woman-ի աստղերը եգիպտացորեն են վայելում Դիլիջանում

0
(Թարմացված է 00:00 21.04.2021)
Դիլիջանում են Comedy Woman-ի հեղինակ Նատալյա Եփրիկյանը, ռեզիդենտ Ալեքսանդր Գուդկովը և «Պուտինի նմանակ» Դմիտրի Գրաչովը:

ԵՐԵՎԱՆ, 21 ապրիլի - Sputnik․ Comedy Woman հանրահայտ ռուսական նախագծի աստղերը այժմ Դիլիջանում են։ Նախագծի հեղինակ Նատալյա Եփրիկյանը լուսանկար է հրապարակել Դիլիջանի «պավառոտներից»։

Նկարում իր գործընկերները, այդ թվում՝ հայտնի հումորիստ Ալեքսանդր Գուդկովը եւ «Պուտինի նմանակ» Դմիտրի Գրաչովը, վայելում են եփած եգիպտացորեն։ Եփրիկյանի գրառումից պարզ է դառնում, որ նա այդ օրը նշել է իր ծննդյան օրը։

«Ամեն անգամ ասում եմ ինքս ինձ, որ սա իմ լավագույն ծննդյան օրն էր։ Բոլորին շնորհակալություն շնորհավորանքների համար», - գրել է նա։

Եփրիկյանը նաև Story է տեղադրել Գուդկովի հետ։ Նրանք երկուսով հայկական գորգի ֆոնին են, իսկ նկարը մակագրված է. «Իսկական տժվժիկ»։

«Ես Հայաստանում եմ, «ձետկա»»․ Նատալյա Եփրիկյանը կարանտինն անցկացնում է Ջերմուկում

Comedy Woman հաղորդավարուհի Նատալյա Եփրիկյանը վերջին անգամ հայրենիքում եղել էր անցած տարվա օգոստոսին։ Այն ժամանակ էլ նա ակտիվ հանգիստ էր անցկացնում Հայաստանում և տարբեր տեղերից լուսանկարներ հրապարակում։

Instagram story Натальи Еприкян
Նատալյա Եփրիկյանի «սթորին»
0
թեգերը:
Comedy club, Նատալյա Եփրիկյան, Դիլիջան
Ըստ թեմայի
«Գարիկ Մարտիրոսյան, տար ինձ Comedy Club». հայտնվել է Զելենսկու նմանակը
Ախպերս, փող չկա իրավիճակը թող երբեք մեզ չառնչվի. Comedy Club-ի շնորհավորանքը Ջանիբեկյանին
Կարեն Ադամյանը «հարցաքննել է» Comedy Club-ի անդամներին