Վարուժան Գեղամյան

Գեղամյան.«Չավուշօղլուի հայտարարությամբ Թուրքիան փորձ արեց ճնշում գործադրել Հայաստանի վրա»

222
Թուրքիան պարբերաբար փորձում է ավելի շատ ներգրավվել կովկասյան տարածաշրջանում։ Մեկնաբանելով Թուրքիայի արտաքին գործերի նախարար Մևլութ Չավուշօղլու այսօր արած հայտարարությունը, թե քանի Ղարաբաղի խնդիրը լուծված չէ, հնարավոր չէ կայունություն Կովկասում և ոչ էլ կարգավորում Հայաստանի և Թուրքիայի հարաբերություններում`Sputnik Արմենիայի եթերում ասաց թուրքագետ Վարուժան Գեղամյանը։

Նա հիշեցրեց, որ Թուրքիան ակտիվ կերպով երկկողմանի և եռակողմ ձևաչափում աշխատում է թե՛ Վրաստանի, թե՛ Ադրբեջանի և թե՛ իրանական կողմի հետ։
«Այս հայտարարությամբ Թուրքիան ևս մեկ անգամ փորձ է արել Հայաստանի վրա ճնշում գործադրել` ցույց տալու համար, որ տարածաշրջանում իր ասելիքն ունի և պետք է հաշվի նստենք այդ ասեիքի հետ։ Այս պահին սա ինչ-որ առումով բնական է, որովհետև Հայաստանը ոչ մի հստակ ձևակերպում չի տվել, արտաքին քաղաքական որևէ հստակ ռազմավարություն մշակված չէ։ Քանի հստակ ձևակերպումներ չկան, մենք անընդհատ լսելու ենք նման հայտարարություններ»,–ասում է Գեղամյանը։
Թուրքագետի խոսքով` Թուրքիան փաստացի, անուղղակի կերպով խառնված է ղարաբաղյան հակամարտության կարգավորմանը։

222
թեգերը:
Արցախ, Հայաստան, Թուրքիա

sys_stories