Ատոմ Մարգարյան

Մարգարյան. «178 միլիոն դոլարի ներդրումից պարտքի գործիքներին հատկացվել է 13 մլն դոլար»

83
(Թարմացված է 14:26 21.01.2019)
Հոկտեմբերին ներդրումների վերաբերյալ թվեր հրապարակվել են, որտեղ փաստվում էր, որ 2018–ի հունվար–սեպտեմբեր ամիսներին 2017թ.–ի նույն ժամանակահատվածի համեմատ ուղղակի ներդրումներն աճել են 4.8 տոկոսով։

Վերլուծելով Նիկոլ Փաշինյանի ներդրումների ավելացման մասին հայտարարությունը` Sputnik Արմենիայի եթերում ասաց տնտեսագետ Ատոմ Մարգարյանը։

«Վերջին ամիսներին այդ 50 տոկոսանոց աճը արձանագրվել է, բայց մի դիտարկում կա. պետք է բացել փակագծերը, որը վերաբերում է ֆինանսական պարտավորությունների ստանձնման կառուցվածքին։ Այնտեղ 2 հոդված կա, որոնք ներկայացնում են ընդհանուր պատկերը։ Առաջինը բաժնետիրական կապիտալին և ներդրումային ֆոնդերում մասնակցությունն է։ Այստեղ 3–րդ եռամսյակի 75,5 միլիոն դոլարից մոտավորապես 55 միլիոնը հենց այս հոդվածին է բաժին ընկնում, իսկ մյուսները պարտքի գործիքներն են։ Սա նշանակում է, որ այն ընկերությունները, որոնք ներդրումներ են կատարել, պարզապես բաժնետոմսեր են թողարկել»,–ասում է Մարգարյանը։

Տնտեսագետի խոսքով`եթե նայենք 9 ամսվա կտրվածքով` կատարվել է 178 միլիոն դոլարի ներդրում, որից պարտքի գործիքներին հատկացվել է ընդհանուր առմամբ 13 միլիոն դոլար։

Հիշեցնենք, որ երեկ ՀՀ վարչապետ Նիկոլ Փաշինյանը ասել էր, որ ՀՀ վճարային հաշվեկշռի տվյալներով, 2018 թվականի երրորդ եռամսյակում օտարերկրյա ուղղակի ներդրումները 50%-ով աճել են՝ 2017 թվականի նույն եռամսյակի համեմատ։

83

sys_stories