Արմեն Գրիգորյան
Հայ-ռուսական հարաբերությունները դաշնակցային են, գտնվում են շատ բարձր մակարդակի վրա և դինամիկ զարգանում են։ Sputnik Արմենիայի եթերում ասել է ՀՀ անվտանգության խորհրդի քարտուղար Արմեն Գրիգորյանը։
«Հայաստանը պարբերաբար Ռուսաստանից զենք է գնում, և դա շարունակական գործընթաց է, որը սկսվել է արցախյան պատերազմի ընթացքում և շարունակվում է մինչև օրս, ու համոզված եմ` շարունակական բնույթ է ունենալու»,– ասել է Գրիգորյանը։
Նա նաև հայտնել է, որ այսօր էլ նոր պայմանավորվածություններ են ձեռք բերվելու։ Գրիգորյանի խոսքով` առաջիկայում հայտարարություն կլինի այն մասին, թե ինչ սպառազինություն է Հայաստանը ձեռք բերելու Ռուսաստանից։
