Մեխակ Ապրեսյան
«Արտագնա զբոսաշրջությունը չի ավելանում ներքինի հաշվին։ Ներքին զբոսաշրջությունը ևս տարեցտարի աճում է։
Այս տարվա թվերը դեռ չկան, բայց 2017թ.–ին, Ամանորի տոների ընթացքում եղել է ավելի քան 120 հազար արտագնա զբոսաշրջիկ, ինչը 2016–ի դեկտեմբերի հետ համեմատած շուրջ 13 տոկոս աճել է, իսկ ներգնան կազմել է 140 հազար, ինչը 2016–ի համեմատ 12 տոկոսով է ավելի եղել։
Ե՛վ Հայաստանի, և՛ Արցախի տարածքում դժվար էր հյուրանոց գտնել։ Նշանակում է` մեր քաղաքացիները նախընտրում են տոներն այստեղ անցկացնել»,–ասում է Ապրեսյանը։
Նա նկատում է նաև, որ վատ չէ այն փաստը, որ շատերը նախընտրում են և կարողանում են Ամանորն անցկացնել այլ երկրներում, այլ մշակույթների հետ շփվել և հավելում, որ այս տարի արտագնայի դեպքում հայաստանցիներն ավելի շատ նախընտրել են Եգիպտոսն ու Վրաստանը։
