Արամ Օրբելյան

Օրբելյան. «Վերաքննիչ դատարանը Ռոբերտ Քոչարյանին կալանավորելու իրավունք չունի»

421
ՀՀ երկրորդ նախագահ Ռոբերտ Քոչարյանի փաստաբանը Sputnik Արմենիայի հետ զրույցում մեկնաբանել է` ինչ հետևանք կարող է ունենալ Վերաքննիչ դատարանի` Քոչարյանի կալանքին վերաբերող որոշումը։

Նույնիսկ եթե Վերաքննիչ դատարանն այսօր հանգի այն եզրակացության, որ առաջին ատյանի դատարանը ճիշտ որոշում է կայացրել և առկա են եղել կալանքի հիմքեր, միևնույն է` այսօր Ռոբերտ Քոչարյանին կալանավորելու իրավունք չունի։ Այս մասին Sputnik Արմենիային հայտնեց Քոչարյանի փաստաբան Արամ Օրբելյանը։

«Մինչդատական վարույթում կալանքը պատժի միջոց չէ։ Կալանքը որպես խափանման միջոց կիրառելու հատուկ ընթացակարգ կա, որը նախատեսվում է 2 ամիս ժամկետով և ամեն անգամ պետք է երկարաձգվի ոչ ավելի, քան մեկ տարի ժամկետով։ Ավելին` օրենսդրությունն ընդհանրապես չի նախատեսել, որ կալանքի հարցով Վճռաբեկ դատարանն իրավունք ունի որևէ հարց մեկնաբանելու, ուղղակի նախատեսել է, որ օրինականությունը վերահսկում է Վերաքննիչ դատարանը»,– ասաց Օրբելյանը։

Ըստ փաստաբանի` հենց սա է պատճառը, որ օրենքը չի նախատեսել նաև, թե ինչ է լինում, երբ կալանքի հարցի քննությունը տևում է 2 ամսից ավելի երկար։ Այսպիսով, եթե անգամ դատարանը կալանքի որոշում կայացնի, Քոչարյանը կալանավորվել չի կարող, քանի որ այդ որոշմամբ նախատեսված 2 ամիսն անցել է, այն էլ դեռ 2 ամիս առաջ։

421
թեմա:
Ռոբերտ Քոչարյանի գործը (317)
Ըստ թեմայի
Ինչ տրամադրություն ունի դատարան այցելած Ռոբերտ Քոչարյանն ու ինչու չի ցանկանում խոսել
Ռոբերտ Քոչարյանի գործը ՄԻԵԴ չի հասել. Հարությունյանը վերահաստատեց մարտի 1-ի մասին զեկույցը
Գլխավոր դատախազի ներկայությունը տարօրինակ է. Ռոբերտ Քոչարյանի պաշտպան
«Դատարանն օրենքի հիման վրա չի ստեղծված». Ռոբերտ Քոչարյանի փաստաբան
Ռոբերտ Քոչարյանը պետք է մնա կալանքի տակ. գլխավոր դատախազ

sys_stories