Տիգրան Բալայան
Ռուսաստանի նախագահ Վլադիմիր Պուտինի հայաստանյան այցի ժամկետները վերջնականապես դեռ չեն հստակեցվել, չորեքշաբթի ճեպազրույցի ժամանակ ասաց ՀՀ ԱԳՆ մամուլի քարտուղար Տիգրան Բալայանը։
Ռուսաստանի նախագահի հավանական այցի վերաբերյալ քննարկումները շարունակվում են։ Ժամկետները դեռ չեն հստակեցվել։
«Կարող եմ ասել, որ մենք և ռուսական կողմը հաստատել ենք այցը։ Չեմ ասի` մոտ ժամանակում, բայց առաջիկայում այդ այցը կկայանա», — ասաց Բալայանը։
Այցը պաշտոնական բնույթ է ունենալու։
Ավելի վաղ ՀՀ վարչապետ Նիկոլ Փաշինյանն ասել էր, որ Վլադիմիր Պուտինին հրավիրել է Երևան, և նրանք պայմանավորվել են, որ այցը կկայանա մոտ ապագայում։
